ايماقتار • 25 اقپان، 2021

Business Ertis باعدارلاماسى قولداۋ كورسەتەدى

14 رەت كورسەتىلدى

جۋىردا ەلىمىزدىڭ ساۋدا جانە ينتەگراتسيا مينيسترلىگىنىڭ وكىلدەرى Business Ertis باعدارلاماسى شەڭبەرىندە وبلىسقا جۇمىس ساپارىمەن كەلدى. ساپار بارىسىندا ولار وڭىرلىك ەكسپورتتىق كەڭەستىڭ وتىرىسىنا قاتىسىپ، پاۆلودار مەن ەكىباستۇز قالالارىندا بىرقاتار ونەركاسىپتىك جانە تاعام ءوندىرىسى كاسىپورنىن ارالادى.

بۇعان دەيىن وبلىس اكىمدىگى جەر­گى­لىكتى بيزنەستى قولداۋدىڭ Business Ertis اتتى جاڭا باعدار­لا­ما­سىن قا­بىلداعان-دى. باعدارلامانى جۇ­زە­گە اسىرۋعا 12 كاسىپكەر، 13 اۋدان اكىمدىگى، 15 سالالىق مەملەكەتتىك ور­گان، قارجىلىق بولىمدەر، جو­عا­رى وقۋ ورىندارى، كوللەدج، 11 ۇكى­مەت­تىك ەمەس ۇيىم مەن شاعىن جانە ورتا بيزنەس وكىلدەرى قاتىسادى. ماق­­سات – وبلىس كاسىپكەرلەرىنە قول­داۋ جاساپ، بيزنەس-كليماتتى جاق­سار­تۋ. پاۆلودارلىق كاسىپكەرلەر Business Ertis بيزنەستى دامىتۋ جانە قولداۋدىڭ وبلىستىق باعدارلاماسى ايا­سىندا 150 ملن تەڭگەگە دەيىن يننو­ۆا­تسيالىق گرانتقا يە بولا الادى. گرانتتار تسيفرلىق دامۋ، يننوۆاتسيا­لار جانە اەروعارىش ونەركاسىبى مي­نيس­ترلىگى «ينجينيرينگ جانە تەح­نو­لو­­گيالار ترانسفەرتى ورتالىعى» اق ارقىلى بەرىلەدى.

وبلىستىق كاسىپكەرلىك جانە ين­دۋس­­تريا­لىق-يننوۆاتسيالىق دامۋ باس­قارماسىنىڭ باسشىسى ايبەك تۇرسىنعاليەۆتىڭ ايتۋىن­شا، Business Ertis تۇجىرىمداماسى 36 جوبا مەن 588 شاعىن جوبادان تۇرادى. جاڭا باعدارلاما ناتيجەلى بولماق. بەس بو­لىكتەن تۇراتىن Business Ertis باع­دار­لاماسى وڭىردەگى كاسىپكەرلەردى، الەۋمەتتىك باستامالاردى قولداپ، ەكولوگيالىق ءىس-شارالاردىڭ جۇزەگە اسىرىلۋىنا الەۋەتتى جاعداي جاسايدى. مىسالى، «جاڭا جاسىل اللەيا» ەكولوگيالىق جوباسى ارقىلى بالالارىمەن ساياباققا كەلەتىن وتباسىلار سول جەردەن جاس شىبىق ساتىپ الىپ، تال ەگەدى. اعاش ەككەن اداماردىڭ اتى-جوندەرى جازىلاتىن تاقتايشا ساتاتىن پاۆيلون ورنالاسپاق. مۇن­داي جوبالار بيزنەسپەن قاتار وڭىر­دەگى ەكولوگيانى جاقسارتۋعا سەپ­تى­گىن تيگىزبەك. ەگەر مۇمكىندىكتەر جو­نىندە كاسىپكەرلەرگە اقپارات دۇ­رىس جەتكىزىلسە، كاسىپكەرلىكپەن اي­نا­لىسۋعا نيەت ەتۋشىلەر قاتارى كو­بە­يەرى ءسوزسىز.

ەندى وڭىرلىك ەكسپورتتىق كەڭەس­تىڭ وتىرىسىندا نە ايتىلدى دەگەن ماسە­لەگە كەلسەك. بىلتىر ىندەتتىڭ تا­را­ۋىنا وراي قابىلدانعان كا­ران­­تيندىك شارالار تاۋارلاردى ەكسپورتقا شىعارۋعا، ونىمدەردى تاپ­­سىرىس بەرۋشىلەرگە جەتكىزۋگە كە­­دەر­گى كەلتىرگەنى بەلگىلى. بىراق وسىن­­داي قيىن كەزدەردە مەملەكەت تا­راپىنان شاعىن جانە ورتا بيز­نەس وكىلدەرىنە كولىك، ماركەتينگ بويىنشا شىعىنداردى وتەۋ، ساق­تان­دى­رۋ بويىنشا قارجىلاي قولداۋ كورسەتىلەتىنىنەن ءبىراز كاسىپكەر حابارسىز بولىپ شىقتى. ال Business Ertis باعدارلاماسىنىڭ اياسىندا ەكس­پورتقا قاتىستى ماسەلەمەن تىكە­لەي اينالىساتىن ەكى كومپانيا – Qaz Trade ساۋدا ساياساتىن دامىتۋ ور­تالىعى اق مەن Kazakh Export ەكسپورتتىق ساقتاندىرۋ كومپانياسى اق وكىلدەرى وڭىردەگى كاسىپ­ورىن­دارعا بارىپ، بيزنەس وكىلدەرىمەن سوي­لەستى. وڭىرلىك كاسىپكەرلەر پالاتاسىندا وتكەن جيىنعا ساۋدا جانە ين­تەگ­راتسيا ۆيتسە-ءمينيسترى قايرات تو­رە­باەۆ ونلاين رەجىمدە قوسىلدى. سون­دىقتان كەڭەستە جەرگىلىكتى ۇيىمدار مەن مەملەكەتتىك ورگاندار اراسىنداعى جۇمىستىڭ ءوزارا ءىس-قيمىلىن جاقسارتۋ ءۇشىن كولىك شىعىن­دارىن وتەۋ، وڭدەلگەن ءونىم­دى ەكسپورتتاۋشىلار ءۇشىن ساق­تان­دىرۋ جانە ەكسپورتتىق اكسەلەرا­تسيا باعدارلاماسىن، سونداي-اق Kazakh Export ەكسپورتتىق ساق­تان­دى­رۋ كومپانياسى اق مەن Qaz Trade ساۋدا سايا­ساتىن دامىتۋ ورتالىعى اق-نىڭ جالپى قىزمەتى ءتۇسىندىرىلدى.

– بىلتىر پاندەمياعا بايلانىس­تى تاۋارلاردى تاسىمالداۋ، شە­تەل­دىك سەرىك­تەستەرمەن بايلانىس ور­­ناتۋ باعى­تىندا قيىندىق بول­عا­نى­­مەن، مەم­لەكەت تاراپىنان قولداۋ جاسال­دى. مىسالى، شي­كى­زات­تىق ەمەس ونىمدەردى ەكسپورتقا شى­عا­رۋ ءۇشىن ساقتاندىرۋعا 134 ملرد تەڭ­گەدەن استام قارجى ءبولىندى، – دەپ اتاپ ءوتتى ۆيتسە-مينيستر.

ال Qaz Trade اق باس ديرەكتورى ازامات اسقار ۇلى الەمدىك نا­رىق­تا شيكىزاتتىق ەمەس تاۋارلارعا سۇرانىس بار ەكەنىنە توقتالىپ، بىل­­­تىر شيكىزاتتىڭ تاۋارلار ەكسپورتى 19 پايىزعا، شيكىزاتتىق ەمەس تا­ۋار­لار­عا دەگەن سۇرانىس 2،7 پا­يىز­عا تو­مەن­دەگەنىن جەتكىزدى. بيىل قى­تايعا 100-گە جۋىق ازىق-ت ۇلىك ءونىم­ى جەت­كىزىلمەك.

– جالپى، شەتەلدىك نارىقتان ورىن الۋ ءۇشىن ەلەكتروندى كوممەرتسياعا كو­شۋ قاجەت. مىسالى، Alibaba.com حا­لىقارالىق پلاتفورماسى ارقىلى پاۆلودارلىق «ەرتىس اگرو»، «تپك تونار» سياقتى كومپانيالار جۇمىس ىستەيدى. ال سىرتقا تاۋار جونەلتكەن شاعىن جانە ورتا بيزنەستىڭ شى­عىن­دارىن مەملەكەت كوتەرەدى. كو­لىك-لوگيستيكالىق شىعىندارعا 75 مىڭ اەك، بۇل دەگەنىڭىز – 220 ملن تەڭگە جانە كورمەلەرگە بارۋ، كەز­دەسۋلەر ۇيىمداستىرۋ ءۇشىن دە، ماركەتينگتىك باعىتتارداعى ساپار­لار­دىڭ شىعىندارىن وتەۋگە 13 مىڭ اەك كولەمىندە قاراجات ءبولىندى. وتى­نىشتەردى قابىلداۋ ماۋسىم، شىل­دە ايىندا جالعاسادى. بيىل شى­عىنداردى وتەۋگە قاتىستى وتىنىش­تەر­­دى قابىلداۋ ءىسى تولىعىمەن ەلەك­ترون­­دى فورماتقا كوشەدى، – دەدى ا.اسقار ۇلى.

Kazakh Export اق وكىلى الماز بەرىك­قالي ۇلىنىڭ ايتۋىنشا، ەكس­پورتقا ءونىم شىعاراتىن وتان­دىق كاسىپورىن­داردىڭ كەلى­سىم­شارتتارى مەملەكەت تاراپىنان ساقتاندىرىلادى. ەگەر شەتەلدىك تاپسىرىس بەرۋشىلەر قانداي دا ءبىر سەبەپتەرگە بايلانىستى ءبىز­دىڭ كومپانيالارعا قارجىنى ۋاق­تى­لى تولەي الماسا، وزگە ەلدىڭ كا­سىپورىن­­دا­رى بەرۋى ءتيىس سومانى Kazakh Export اق وتەيدى. وتان­دىق ەكس­پورت­­تاۋ­­شىلار بۇل ماسەلەگە الاڭ­داماسا بو­لادى.

جەرگىلىكتى بيزنەس وكىلدەرىنىڭ ايتۋىن­شا، وندىرگەن ونىمدەرى مەن تاۋارلاردى تاسىمالداۋدا قيىندىقتار بار. مىسالى، «ۋپنك-پۆ» جشس-ءنىڭ قىزدىرىلعان مۇناي كوكسى تيەلگەن ۆاگوندارى قىتايلىق تاپسىرىس بەرۋشىلەرگە جەتپەگەن. سونداي-اق جەرگىلىكتى استىقتى سول جاققا جەتكىزۋ ءۇشىن ونىمدەرىن كونتەينەرلەرمەن جەتكىزۋدى تالاپ ەتىپ وتىر. وسى ماسەلەگە وراي «قازاقستان تەمىر جولى» – جۇك تاسىمالى» جشس جەرگىلىكتى ءبولىمى ديرەكتورىنىڭ ورىن­باسارى داۋرەن ميگۋنوۆتىڭ اي­تۋىنشا، ەگەر تالاپقا ساي بولسا ەش بوگەت جوق. ويتكەنى ءار ەلدىڭ تالا­بى باسقا. مىسالى، قىتايلىق تاراپ ارنايى قاپتارعا سالىنعان ونىمدەردى عانا قابىلداۋعا دايىن. بۇل كۇندەرى وبلىستاعى «بوزشاكول» جشس، «قازاقستان ءاليۋمينيى» اق كا­سىپورىن­دارى شەتەلدىكتەر تالابىنا ساي جۇمىس ىستەيدى.

كاسىپورىن وكىلدەرى CT-KZ سەرتي­فيكاتتارىن، تاۋارلارعا ىلەسپە جۇك قۇجات­تارىن الۋ دا كوپ بوگەت كەلتى­رەتىنىن ايتتى. ۋاقىتىندا جو­نەل­­تىلمەگەن تاۋار­لار، ونىمدەر سا­پاسى شىعىن اكەلەرى ءسوزسىز. سون­دىق­تان ەكسپورتتاۋشى كارتالارىن تسيفرلى فورماتقا اۋىستىرىپ، قۇجاتتاردى 24/7 كولەمگە اۋىستىرۋدى سۇرادى. ەگەر مەملەكەت تاراپىنان شا­عىن جانە ورتا بيزنەس وكىلدەرىنە كولىك، ماركەتينگ بويىنشا شىعىنداردى وتەۋ، ساقتاندىرۋ بويىنشا قارجىلاي قولداۋ كور­­سە­تىلەتىن بولسا، وندا وتەلەتىن شى­عىن­­دار تىزىمىنە قاپتاماعا كەتەتىن قارجى كولەمىن دە قوسۋ قاجەت. ەكى­باس­­تۇزداعى «پروم­ماشكومپلەكت» جشس-دە 215 مىڭعا جۋىق دوڭگەلەك شىعارىلىپ، وتان­­دىق جانە شەتەلدىك كومپانيالارعا جونەل­­تىلگەن. ءونىم دايىنداۋعا قاجەت شيكىزات­­تاردى رەسەي مەن ۋكراينادان ساتىپ الادى.

ال اۋىلداعى «اقجار-ءوندىرىس» شارۋا­شىلىعىنىڭ باسشىسى گۇلزيرا قازىلوۆا كورمەلەرگە قا­تى­سۋ شىعىندارى دا وتەلسە دەگەن ۇسى­نىسىن جەتكىزدى.

جالپى، وبلىس­تا ەكسپورتقا جۇمىس ىستەيتىن 100-گە جۋىق كاسىپورىن بار. وڭىر­دە­گى جاڭا جوبالار ەلىمىزدەگى يندۋس­تريا­لىق-يننوۆاتسيالىق دامۋ باعدار­لا­ماسى شەڭبەرىندە ىسكە قوسىلىپ، ناتيجەسىندە 70-كە جۋىق جاڭا ءونىم ءتۇرى پايدا بولدى، ونىڭ 35 پايىزى ەكسپورتقا باعدارلانعان. جەر­گى­لىكتى كاسىپكەرلەر وزگە ەلدەرمەن ىنتى­ماقتاستىق بايلانىس ورناتتى. الاي­دا ىندەتتىڭ تارالۋىنا وراي ەكونوميكالىق احۋال دا قيىنداپ، شەكتەۋ شارالارى بيزنەستىڭ دامۋىنا تەرىس اسەر ەتە باستادى. مىسالى، قازىر وبلىستاعى «پرومماشكومپلەكت» جشس، «قازەنەرگوكابەل» اق، KSP Steel جشس كاسىپورىندارى ىندەت­تىڭ جانە سۇرانىستىڭ تومەندەۋى جاع­دا­يىندا جاڭا وتكىزۋ نارىقتارىن ىزدەستىرىپ، يزرايلگە كابەل-وتكىزگىش ونىمدەرىن، كاناداعا قۇبىر ونىمدەرىن جەتكىزۋدى باستاپ كەتتى. بۇل تۇرعىدا مەملەكەتتىڭ بەلسەندى تۇر­دە قولداۋ كورسەتۋى ەرەكشە ماڭىزدى. وتان­دىق ەكسپورتتاۋشىلاردى قولداۋ ءۇشىن ولاردى مەملەكەتتىك باعدارلامالارعا قا­تىسۋعا تارتۋ بويىنشا بارلىق شارالار قابىلدانۋدا. Kazakh Export، Qaz Industry يندۋستريا جانە ەكسپورت ورتالىعىنىڭ وكىلدەرى پاۆلودار ءوڭىرىنىڭ كاسىپورىندارى ءۇشىن مەم­لە­كەت­تىك ىنتالاندىرۋ شارالارى بويىنشا ونلاين-ۆەبينارلار مەن وبلىس كاسىپورىندارىنا كوشپەلى كونسۋلتاتسيا­لار وتكىزۋدە.

– وتكەن جىلدىڭ قورىتىندىسى بويىنشا ەكسپورتتىق شىعىنداردى وتەۋگە 23 نىساننان 77 ءوتىنىم بەرىلدى، ونىڭ ىشىندە 16 سۋبەكتىنىڭ جالپى سوماسى 183،8 ملن تەڭگەدەن اساتىن 30 ءوتىنىمى ماقۇلداندى. بيىل ەكسپورت بو­يىنشا شىعىنداردىڭ ءبىر بولىگىن وتەۋدى Qaz Trade ساۋدا ساياساتىن دامىتۋ ورتالىعى اق جۇزەگە اسىرادى. وتى­نىمدەردى قابىلداۋ 26 قاڭتاردان 1 ماۋسىمعا دەيىن جالعاسادى، – دەيدى باسقارما باسشىسى.

بىلتىر پاۆلودارلىق كاسىپكەرلەر 8 152 توننا ۇندى ەكسپورتقا جو­نەلت­تى. سونداي-اق 97،4 مىڭ ءونىم وندى­رىلگەن. ونىمدەر جاقىن شەتەلدەرمەن بىرگە، گەرمانيا، پولشا، اۋسترياعا جەتكىزىلدى. ەكسپورتتاۋشى كا­سىپورىندار قاتارىندا «ەرتىس ديىر­مە­نى»، «اقتوعاي اگرو»، «رۋبيكوم»، «كەممي» سياقتى باسقا دا ءىرى كاسىپ­ورىن­­دار بار.

وبلىس اكىمىنىڭ ورىنباسارى ساكەن شاياحمەتوۆ Business Ertis باع­دارلاماسى بارىسىندا الداعى ۋا­قىتتا كاسىپكەرلەرگە قاجەتتى كەزدە­سۋ­لەر باسقا باعىتتارعا جاۋاپتى ءىرى كوم­پانيا وكىلدەرىمەن وتەتىنىن ايت­تى.

وبلىس ورتالىعىندا ۇلتتىق نا­قىش­­­تاعى بۇيىمدار جاسايتىن «قاز­ونەر» مۋلتيبرەندى دۇكەنى Business Ertis باعدارلاماسى اياسىندا كاسىبىن باستادى. جەكە كاسىپكەرلىك يەلەرى – گۇلناز قادىر مەن مەيىرگۇل باعىتقىزى بۇعان دەيىن ساۋ­دا ۇي­لە­رى­نەن ورىن جالداپ كەلىپتى.

– شاعىن ەكونوميكالىق ايماق اشىلادى دەگەن سوڭ، كاسىپكەرلىك بولىمىنە بارىپ شارتتارىمەن تا­نىس­تىق. باعدارلاماعا قاتىسىپ، بىلعارىدان اكسەسسۋارلاردى تىگۋ تۇرلەرىن ونلاين بارىسىندا تانىس­تىرىپ، جوبامىزدى قورعاپ شىقتىق. قا­زىر ءبىز سياقتى 10 كاسىپكەرگە كوم­مۋ­نال­دىق شىعىندى عانا تولەيتىندەي شاعىن ەكونوميكالىق ايماقتان ارقايسىمىزعا 17 شارشى مەتردەن ورىن بەرىلدى، – دەيدى گۇلناز قادىر. كاسىپكەردىڭ ايتۋىن­شا،بىلعارى سومكە شىعارۋ ءۇشىن شەتەلدەن قۇرال-جابدىقتار ساتىپ العان. ۇلتتىق ناقىشتا بەزەندىرىلگەن ساندىقتار جاساي­دى. بۇگىندە «قازونەر» جەكە كاسىپ­كەرلىگىندە 5 ادام ەڭبەك ەتۋدە. سول سياق­تى، «تەمىروۆا» جەكە كاسىپكەرلىگى دە پو­ليەفيرلى باۋ مەن ءتۇرلى بۇيىمدار ءوندى­رىسىن اشۋ ءۇشىن 500 مىڭ تەڭگە گرانتقا قا­جەتتى قۇرال زاتتارىن ساتىپ العان، وعان Business Ertis باعدارلاماسى اياسىندا كاسىپ باستاۋ ءۇشىن ورىن بەرىلگەن.

 وبلىس ورتالىعى اۋماعىندا اۆ­توموبيل شينالارىن جيناۋ جانە ودان ءارى ىسكە جاراتۋ بويىنشا ECO GOLD جشس-مەن كەلىسىم جاسالدى. بۇل جوبا دا Business Ertis باعدارلاماسى بارىسىندا جۇزەگە اسىرىلادى.

 پرەزيدەنت قاسىم-جومارت توقاەۆ بىلتىرعى جولداۋىندا شا­­عىن جانە ورتا بيزنەسكە نازار اۋدا­­رىپ، ولاردى ىشكى نارىققا عانا ەمەس، سىرتقى نارىققا دا بە­يىم­­دەۋ كەرەكتىگىن ايتتى. شا­عىن بيز­نەس­تىڭ دە ەكسپورتتىق الەۋە­تىن ارت­تىرىپ، قولداۋ قاجەت دەپ ۇكى­مەت­كە تاپسىر­ما بەردى.

جۋىردا وبلىس تۇرعىندارى ال­دىن­داعى ەسەپتىك كەزدەسۋ كەزىندە وبلىس اكىمى ابىلقايىر سقاقوۆ جاپپاي كاسىپكەرلىكتى دامىتۋ ارقىلى وتباسىلاردىڭ ءال-اۋقا­تىن كوتەرۋ كوزدەلگەنىن جەتكىزدى. ىن­دەت سال­دارىنان بولعان كارانتيندىك شا­رالاردىڭ شاعىن جانە ورتا بيزنەسكە قان­شا­لىق­تى اۋىر بولعانىن ايتىپ، كاسىپ­­كەر­لىكتى قولداۋ ماقساتىندا قولعا الىن­عان ءىس-قيمىلداردى باياندادى.

– ءبىز شاعىن جانە ورتا بيزنەس جوبالارىن مەملەكەتتىك باعدار­لا­مالارمەن قامتۋدى بارىنشا ارت­تىرۋعا تىرىستىق. كرەديتتەۋ كولە­مىن 1،5 ەسەگە ۇلعايتتىق، – دەيدى ءوڭىر باسشىسى. وبلىس بويىنشا شاعىن يندۋستريالىق ايماقتار ىسكە قوسىلدى، بۇگىندە 70 كاسىپكەر جال­داۋ اقىسىن تولەمەي جۇمىس ىستەي­دى جانە جۇزدەگەن ادامعا جۇمىس بەرە­دى. ورتا بيزنەستىڭ وندىرىستىك قۋا­تى­نىڭ جۇكتەمەسى 75 پايىزعا دەيىن ارتتى. Halyk Bank-پەن بىرلەسىپ Zhas-Halyk.Ertis كەپىلسىز كرەديت بەرۋ­دىڭ وڭىرلىك باعدارلاماسى ىسكە قوسىلدى. بىراق ولاردىڭ اراسىندا جەرگىلىكتى اتقارۋشى ورگاندار تاراپىنان قولداۋدىڭ باسەڭدىگى مەن كاسىپكەرلەردىڭ مەملەكەتتىك قولداۋ تەتىكتەرى جونىندەگى اقپاراتتىڭ ازدى­عىن العا تارتتى.

– كاسىپكەرلەردى، ونىڭ ىشىندە باس­تاپقى بيزنەسكە قىزمەت كورسەتۋ رەجى­مىنە كوشۋ كەرەك، – دەدى ءا.سقاقوۆ. – كاسىپكەرلەردىڭ ءبىرازى بيۋرو­كرا­تياعا تاپ بولىپ، ءىس باستاۋدان اي­نىپ قالاتىنىنا ەش ءشۇبام جوق. مۇنداي كەلەڭسىزدىكتى شاعىن جانە ورتا بيزنەسكە كورسەتىلەتىن قىزمەت ساپاسىن ارتتىرۋ ارقىلى جويۋ كەرەك.

ءيا، وڭىردە شاعىن جانە ورتا بيزنەستى قولداۋدىڭ «قاراپايىم زاتتار ەكونوميكاسى»، «ەڭبەك»، «بيزنەستىڭ جول كارتاسى»، «جاس حالىق» جانە باسقالارى سياقتى كوپتەگەن ءتۇرى بار. ماسەلە – اق­پارات­تىڭ حالىققا جەتۋىندە، شاعىن جانە ورتا بيزنەستىڭ جۇمىسىنا جاناشىر بولاتىن جەرگىلىكتى باسقارمالاردىڭ قول­داۋىندا.

 

پاۆلودار وبلىسى

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار