قازاقستان • 25 اقپان، 2021

جوعىمىزدى ىزدەيتىن جاناشىرلارىمىز بار

12 رەت كورسەتىلدى

ەلباسى نۇرسۇلتان نازارباەۆ ەل ەكونوميكاسىنىڭ جەتەكشى سالاسى – اۋىل شارۋاشىلىعىن كوتەرۋگە، سونىڭ ىشىندە اتا كاسىبىمىز مال وسىرۋگە ءاردايىم ەرەكشە نازار اۋدارعاندىقتان، ەلدە ءتورت ت ۇلىكتىڭ بارلىق ءتۇرى كوبەيدى. مەملەكەت قولداۋىنىڭ ارقاسىندا اۋىلداردا شارۋاشىلىق قۇرىپ، مال ۇستاپ وتىرعاندار كوپ. وندايلار قالا اينالاسىندا دا از ەمەس.

مەن دە وسىنداي تالاپپەن جىلقى باعىپ، بولاشاقتا كاسىپ اياسىن كەڭەيتۋدى قالاعانداردىڭ ءبىرىمىن. بىراق قوراعا مال بىت­كەننەن باستاپ، ونى ساقتاۋ، كو­بەي­تۋگە كەدەرگى دە كەزدەسە بەرە­تىنى بار. ءتۇزدىڭ تاعىسى مەن ادام­نىڭ ۇرىسىنا الدىرمايمىن دەپ الاڭداۋمەن ءجۇرۋ مال باققان­داردىڭ بارىنە تانىس احۋال شىعار.

مەملەكەت باسشىسى قاسىم-جومارت توقاەۆتىڭ تاپسىرماسىمەن اق-ادال مالدى قولدى قىلعاندارعا زاڭ جۇزىندە جازا كۇشەيتىلسە دە، جانىن قينا­ماي نان تاپقىسى كەلگەندەر ءالى دە تابىلادى. ارينە، قوعامنىڭ قاۋىپسىزدىگىن باقىلاۋ مەن ۇر­لىق­تى تىيۋ، الدىن الۋ – پوليتسەيلەر­دىڭ مىندەتى. بىراق تۇرعىندار دا سول جاعدايدى بولدىرماۋدىڭ امالىن جاساۋى ءتيىس. مىسالى، ۇرلىقتىڭ كوبى ورىستە بولادى. ناعىز «ايداپ سالدان از ءولدى، كورە كەلدەن كوپ ءولدىنىڭ» كەرى. قاراۋسىز مالعا قارۋ كەزەيتىندەر جايلى دا ەستىپ ءجۇرمىز. ەركىنسىگەن ۇرىلاردىڭ وڭاي تاپقان ولجاسىن ورىستە سويىپ العان كەزى دە كوپ.

ءتىپتى قوراداعى مالدى جەتەكتەپ كەتەتىن «جانكەشتىلەر» دە كەزدەسىپ قالادى. مىسالى، بىلتىر جازدا سىرداريا اۋدانىندا سونداي ءبىر وقيعانىڭ بولعانىن ەستىدىك. تەز ارادا ىسكە كىرىسكەن پوليتسەيلەر ۇرىنى جەدەل انىقتاپ، ارىزدانۋشىعا مالىن قايتارىپ بەرگەنىن بىلگەندە  كوڭىلىمىز ورنىنا ءتۇستى. «مال اشۋى – جان اشۋى» دەگەن بار، سۋىق قولدىلاردىڭ تايراڭىن تىيعان پوليتسەيلەرگە ريزامىز.

سوڭعى جىلدارى پوليتسەيلەر مەن اۋىل اكىمدىكتەرىنىڭ بىرلەسىپ جاساعان جۇمىستارى ارقاسىندا پادانى ۇيىمداستىرۋ ءبىر جولعا قويىلدى. مالدى كەزەكپەن باعۋعا ءمان بەرىلە باستادى. وسىنىڭ ناتيجەسىندە بىلتىر مال ۇرلاۋ دەرەگى ەداۋىر ازايىپتى.

ايماقتا وتكەن جىلى 282 مال ۇرلىعى دەرەگى تىركەلىپ، 20 قىلمىستىق توپ قۇرىقتالعان. جۇزدەن استام ادامعا زاڭ اياسىندا شارا كورىلگەن. ال جىل باسىنان بەرى 26 مال قولدى بولىپتى.

وسى جىلدىڭ 11 اقپانى كۇنى جايىلىمدا جۇرگەن 72 جىلقىم جوعالىپ، قالالىق پوليتسيا باسقارماسىنا حابارلاستىم. مۇندايدا ءوزىڭ ىزدەپ ۋاقىت وزدىرماعان ءجون.

اتالعان حابارلاما بويىنشا قالالىق پوليتسيا باسقارماسىنا قاراستى اقساي بولىمشەسىنىڭ جەكە قۇرامى جۇمىلدىرىلىپ، ءتيىستى باعىت-باعدارمەن پوليتسەيلەر بارلىق ەلدى مەكەندەگى شارۋا قوجالىقتارىن، جايىلىمدىق جەرلەردى ارالادى.

ولاردىڭ شۇعىل قىزمەتىنە كوڭىلىم تولىپ تۇرسا دا، بەينەت­تەنىپ باعىپ وتىرعان مالىمنىڭ تابى­لارىنا اسا سەنبەي الاڭداي بەرگەنىمدى جاسىرمايمىن. بىراق كوپ كەشىكپەي ۋچاسكەلىك پوليتسيا ينسپەكتورلارىنىڭ تىنىمسىز ەڭبەگىنىڭ ارقاسىندا جوعىم تابىلىپ، كوڭىلىم ورنىنا ءتۇستى. 

قۇقىق قورعاۋشىلاردىڭ تۇر­عىندارعا ۇنەمى مالدارىن با­قى­لاۋدى كۇشەيتۋدى ەسكەرتىپ، ازا­مات­تاردى قىراعىلىق تانىتۋعا، جا­يى­لىمداردا مالدى قاراۋسىز قال­­دىرماۋعا شاقىرۋىنىڭ سەبەپ­سىز ەمەس ەكەنىن وسىدان كەيىن ۇعى­نا ءتۇستىم. مالىڭىز قولدى بول­سا نەمەسە سونداي قىلمىستىڭ كۋاسى بول­ساڭىز، دەرەۋ پوليتسيا قىز­مەت­كەرلەرىنە حابار بەرگەنىڭىز ءجون.

قىلمىستىڭ الدىن الۋ مەن بول­دىرماۋ، تۇرعىنداردىڭ تا­لاپ-تىلەگىن ورىنداۋ جولىندا قۇقىق قورعاۋشىلار ءاردايىم قى­راعى قىزمەت ەتىپ كەلەدى. ادال ەڭبە­گىمەن ەل كوڭىلىنەن شىققان ولارعا دەگەن تۇرعىندار العىسى ەرەكشە.

جالپى، پوليتسيا – قوعامدىق ءتارتىپ­تىڭ ساقشىسى، ەل قورعانى. باسى­نا قيىندىق تۇسكەن جۇرت، ەڭ الدىمەن، قۇقىق قورعاۋ­شى­لار­دىڭ كومەگىنە سۇيەنەدى.

قۇقىق قورعاۋشىلاردىڭ جەدەل قىزمەتىنە، ءوزى ءىسىن جەتە مەڭگەرگەن شەبەرلىكتەرىنە، حالىقتىڭ ارىز-شاعىمىنا جاۋاپكەرشىلىكپەن قارايتىن قاسيەتىنە ريزامىن.

 

يبادۋللا مۇستافاەۆ،

قىزىلوردا قالاسىنىڭ تۇرعىنى

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار