ايماقتار • 24 اقپان، 2021

اقتوبە وبلىسىندا 10 مەكتەپكە كۇردەلى جوندەۋ جۇرگىزىلەدى

51 رەت كورسەتىلدى

بۇل تۋرالى اقتوبە وبلىستىق ءماسليحاتتىڭ كەزەكتى ەكىنشى سەسسياسىندا  بەلگىلى بولدى دەپ  حابارلايدى Egemen.kz.

وتكەن جىلعى بيۋدجەتتەن ۇنەمدەلگەن 13 ميلليارد تەڭگە قارجى مەن سالىقتان تۇسكەن  قوسىمشا 6 ميلليارد تەڭگەگە مۇعالجار اۋدانىنىڭ تالدىساي جانە التىندى، قوبدا اۋدانىنىڭ تەرىساققان،  ىرعىز اۋدانىنىڭ جارما  ەلدى مەكەندەرىندە ءتورت مەكتەپ قۇرىلىسى باستالاتىن بولدى. سونىڭ ىشىندە  تالدىساي اۋىلىنداعى 100 ورىندىق ورتا مەكتەپ قۇرىلىسىنا 150 ميلليون تەڭگە،  قالعان 60 ورىندىق ءۇش مەكتەپتىڭ ارقايسىسىنا  100 ميلليون تەڭگەدەن ءبولىندى.

ايتەكە بي، بايعانين، حرومتاۋ اۋداندارىنداعى التى مەكتەپ، تەمىر، مۇعالجار اۋداندارىنان ەكى مەكتەپ، اقتوبە قالاسىنداعى №33  ورتا مەكتەپ پەن  پوليتەحنيكالىق كوللەدج عيماراتتارىنا كۇردەلى جوندەۋ جۇمىستارى جۇرگىزىلەدى.

وتكەن جىلدان  ۇنەمدەلگەن قارجىعا  الىس ەلدى مەكەندەردىڭ بالالارىن  مەكتەپكە تاسيتىن 15  اۆتوبۋس ساتىپ الۋعا وبلىستىق بيۋدجەتتەن 269 ميلليون 584 مىڭ تەڭگە ءبولىندى. بيىلعى جىل بيۋدجەتىندە ء اربىر جاڭا اۆتوبۋستىڭ قۇنى 17 ميلليون 208 مىڭ تەڭگەگە باعالانعان. قازىرگى ۋاقىتتا 9 اۋدانداعى 18 مەكتەپ اۆتوبۋسى جاراقسىز كۇيدە تۇر.  2009 جىلى شىعارىلعان بىرنەشە  رەسەيلىك «پاز –32053»  كولىكتەرى  ىستەن شىققان. ماسەلەن،  ايتەكە بي اۋدانىنداعى جاعالاۋ ەلدى مەكەنىنەن قارابۇتاقتاعى ت. شەۆچەنكو اتىنداعى ورتا مەكتەپكە اۋىلداعى 7 بالانى تاسيتىن اۆتوبۋس  سىنىپ تۇر. ەكى اۋىلدىڭ اراسى 7  كيلومەتر. سول سياقتى قارعالى اۋدانىنداعى مەكتەبى جوق كەمپىرساي اۋىلىنىڭ  9 وقۋشىسى  اۋدان ورتالىعى بادامشا ەلدى مەكەنىندەگى №2 ورتا مەكتەپكە بارىپ وقۋعا ءماجبۇر. كەمپىرساي مەن بادامشانىڭ اراسى 7 كيلومەتر.

تۇرعىندار سانىنىڭ ازدىعى مەن ءىرى ەلدى مەكەنگە جاقىن ورنالاسقاندىقتان، مۇنداي شاعىن اۋىلداردا  مەكتەپ سالۋ جوسپارعا ەنگىزىلمەگەن. دەسەك تە، قاشىقتاعى ەلدى مەكەندەردىڭ بالالارىن تاسيتىن  ءبىر اۆتوبۋسقا جۇمسالاتىن شىعىن مولشەرى  جىلىنا 7 ميلليون تەڭگەدەن ارتىق. وعان جۇرگىزۋشىنىڭ جالاقىسى،  كولىك بولشەكتەرىن ساتىپ الۋ مەن جوندەۋگە، جانارمايعا  جۇمسالاتىن شىعىندار كىرەدى. 

وسى كەزگە دەيىن وقۋشىلاردى كولىكپەن تاسىمالداۋدى  اۋىل اكىمدەرى ۇيىمداستىرىپ كەلسە،  بيىلعى جىلدان باستاپ  وسى جۇمىس وبلىستىق ءبىلىم باسقارماسىنىڭ قۇزىرىنا ەنگىزىلدى.

ايتا كەتۋ كەرەك، اقتوبە قالاسى مەن اۋداندارىندا ۇيلەرى مەكتەپتەن 3 كيلومەتردەن ارتىق قاشىقتىقتا ورنالاسقان 14 مىڭ 323 وقۋشى بار.  ال،  3621 مەكتەپ وقۋشىسىن 53  اۆتوبۋس كۇندەلىكتى تاسىمالدايدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار