جيىنعا اۋدان, قالالاردان بەينەبايلانىس ارقىلى اۋداندىق, قالالىق جانە باستاۋىش ارداگەرلەر ۇيىمدارىنىڭ وكىلدەرى, اجەلەر القاسىنىڭ ءتورايىمدارى, زيالى قاۋىم, اۋدان, قالالىق جاستار رەسۋرستىق ورتالىعىنىڭ باسشىلارى قوسىلدى.
ء«بىز كەلەر ۇرپاقتىڭ تاۋەلسىزدىككە قۇرمەتپەن قاراۋىن قانشالىقتى قالايتىن بولساق, سونشالىقتى ونىڭ قادىرىن تۇسىندىرە ءبىلۋىمىز كەرەك. ول ارينە, وزدەرىڭىزدىڭ كومەكتەرىڭىزبەن جۇزەگە اسادى. وسى ورايدا بارشاڭىزدى تاۋەلسىزدىكتىڭ 30 جىلدىعى اياسىنداعى ماڭىزدى شارالارعا اتسالىسىپ, جاستاردىڭ ساناسىنا ونىڭ قادىر, قاسيەتىن سىڭىرۋگە ءبىر كىسىدەي اتسالىسۋعا شاقىرامىن», دەدى وتىرىستا ءسوز العان وبلىس اكىمىنىڭ ورىنباسارى ساكەن قالقامانوۆ.
ال وبلىستىق ارداگەرلەر كەڭەسىنىڭ توراعاسى جەڭىسبەك ماۋلەنقۇلوۆ ەلىمىزدە, سونىڭ ىشىندە وبلىس كولەمىندەگى ءدىني احۋال تۇراقتى بولعانىمەن, بۇگىنگىدەي اقپاراتتار اعىنى شەكتەن تىس تارالىپ جاتقان ۋاقىتتا ارقانى كەڭگە سالماۋ قاجەتتىگىن ايتتى.
«سونداي-اق الەمدە, ەلىمىزدە ورىن العان پاندەمياعا بايلانىستى جاقىندارىمىزدان كوز جازىپ قالعان وقيعالار از ەمەس. كەي جەرلەردە جانازا كۇندەرى ادامداردىڭ كوپ شوعىرلانۋىمەن قاتار, اس-سۋلاردىڭ ىسىراپقا ۇشىراپ جاتقاندىعىنا قوعام كۋا. سوندىقتان الداعى ۋاقىتتا وبلىستىق «ارداگەرلەر كەڭەسى», زيالى قاۋىم وكىلدەرى مەن قازاقستان مۇسىلماندارى ءدىني باسقارماسىنىڭ وكىلدىگىمەن بىرلەسە وتىرىپ, وسى ماسەلەنى رەتتەۋدىڭ ءتيىمدى ءتاسىلى رەتىندە جەر-جەرلەردە ءتۇسىندىرۋ جۇمىستارىن جۇرگىزۋ قاجەت», دەدى ج.ماۋلەنقۇلوۆ.
وبلىس كولەمىندە قازاقستان مۇسىلماندارى ءدىني باسقارماسىنىڭ 750 مەشىت-فيليالدارى جۇمىس اتقارۋدا. بۇل رەسپۋبليكاداعى مەشىتتەردىڭ 3/1 قۇرايدى. جاستار اراسىنداعى ءتۇرلى جات قىلىقتاردىڭ الدىن الۋ, ۇلتتىق ادەت-عۇرىپتاردى ساقتاۋ ماقساتىندا «ارداگەرلەر كەڭەسى» جانىنان قۇرىلعان «اكەلەر مەكتەبى» ءتيىستى شارالاردى قولعا الۋدى كوزدەۋدە. جيىندا, سونداي-اق وبلىستىق ارداگەرلەر كەڭەسى 2021 جىلعا جوسپارلاعان نەگىزگى ءىس-شارالاردى جۇزەگە اسىرۋ مىندەتتەرى ايتىلدى. كەڭەس مۇشەلەرى ءوز ويلارىن ورتاعا سالدى.
