ايماقتار • 24 اقپان، 2021

پرەزيدەنت پاۆلودار وبلىسىنىڭ بەسىنشى سىنىپ وقۋشىسىنا سىيلىق بەردى

534 رەت كورسەتىلدى

ەكى اپتا بۇرىن ەرتىس اۋدانىنان كەلگەن 10 جاسار مانسۇر بايمۇسا قاسىم-جومارت توقاەۆقا حات جازىپ، شاحمات پەن اعىلشىن تىلىنە دەگەن قىزىعۋشىلىعى تۋرالى ايتىپ بەرگەن بولاتىن. مەملەكەت باسشىسىنىڭ جاۋابىن وعان پاۆلودار وبلىسىنىڭ اكىمى ابىلقايىر سقاقوۆ تاپسىردى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

«اينالايىن، مانسۇر! سەنىڭ حاتىڭدى ىقىلاسپەن وقىپ شىقتىم. ماعان جولداعان اق تىلەگىندى شىنايى ريزاشىلىقپەن قابىلدادىم. شاحماتپەن اينالىسىپ، اعىلشىن ءتىلىن دە مەڭگەرىپ ءجۇرسىن، جارايسىڭ. ەلىمىزدە ءوزىڭ سياقتى زەرەك ءارى ۇلگىلى بالالار بولسىن دەپ تىلەيمىن. كەلەشەكتە ءوز ءىسىنىڭ مامانى بولىپ، وتانىمىزعا ادال قىزمەت ەتەتىنىنە كامىل سەنەمىن. اتا-اناڭا مەنىڭ سالەمىمدى جەتكىز. ارمانىڭ ءار-دايىم اسقاق بولسىن، مانسۇر»، دەلىنگەن پرەزيدەنتتىڭ جاۋابىندا

پرەزيدەنت قاسىم-جومارت توقاەۆ سىيلاعان شاحمات مانسۇرعا تاپسىرىلدى.

سوڭعى جاڭالىقتار

ۇقساس جاڭالىقتار