ايماقتار • 24 اقپان، 2021

تۇرمەگە كەلگەن سالەمدەمە اراسىنان ەسىرتكى شىقتى

19 رەت كورسەتىلدى

قىزىلوردا وبلىسى بويىنشا قاج دەپارتامەنتىنە قاراستى زك-169/5 مەكەمەسىندە قىلمىستىق كودەكستىڭ 188-بابى 3-بولىگىمەن جازاسىن وتەپ جاتقان ازاماتقا قىسقا مەرزىمدى كەزدەسۋگە كەلگەن تانىسىنىڭ سالەمدەمەسىنىڭ اراسىنان ەسىرتكى شىقتى، دەپ حابارلايدى Egemen.kz

مەكەمە قىزمەتكەرلەرى كەزدەسۋگە كەلگەن ازاماتتىڭ سالەمدەمەسىن تەكسەرۋ بارىسىندا «State Line» تەمەكىسىنىڭ قورابىنا نىعىزدالىپ سالىنعان 27 دانا جاسىل ءتۇستى، وتكىر ءيىستى ءشوپ شىققان. 
جەدەل تۇردە 102 نومىرىنە حابارلانىپ، مەكەمەگە قىزىلوردا قالالىق پوليتسيا باسقارماسىنىڭ جەدەل-تەرگەۋ توبى شاقىرتىلدى.

تاركىلەنگەن زات بويىنشا سوت ساراپتاما جۇمىستارى تاعايىندالىپ، تابىلعان ءشوپتىڭ سالماعى 20،22 گرامم بولاتىن كەپتىرىلگەن ماريحۋانا ەكەنى دالەلدەندى. اتالعان دەرەك بويىنشا قازاقستان رەسپۋبليكاسى قك-ءنىڭ 297-بابىنىڭ 1-بولىگىمەن سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.

سوڭعى جاڭالىقتار

ۇقساس جاڭالىقتار