وڭتۇستىك قازاقستان • 24 اقپان، 2021

شىمكەنتتە بيىل بۇقارالىق سپورتقا باسىمدىق بەرىلەدى

23 رەت كورسەتىلدى

شىمكەنت قالاسىندا بيىل مەملەكەت باسشىسىنىڭ تاپسىرماسىنا سايكەس بۇقارالىق سپورتقا ەرەكشە نازار اۋدارىلادى. وسى جىلى 115 زامانۋي سپورت الاڭى سالىنسا، «مەتاللۋرگ» ستاديونى مەن 12-ءشى بالالار مەن جاسوسىپىرمدەر سپورت-مەكتەبىنىڭ سپورت كەشەندەرىنىڭ قۇرىلىسىن اياقتاۋ جوسپارلانعان، دەپ حابارلايدى Egemen.kz

فوتو: بەرەكە سەيىتجاپپار

بۇل جونىندە قالا اكىمى مۇرات ايتەنوۆ حالىق الدىندا بەرگەن جىلدىق ەسەبىندە باياندادى. ەلدەگى ەپيدەميالىق احۋالعا بايلانىستى ەسەپتى كەزدەسۋ ونلاين فورماتتا ۇيىمداستىرىلدى.

– اۋىرىپ ەم ىزدەگەنشە، اۋىرماۋدىڭ جولىن ىزدەگەن ءجون. سول ءۇشىن پرەزيدەنتتىڭ تاپسىرماسىنا سايكەس، بيىل بۇقارالىق سپورتتى دامىتۋعا كوڭىل بولەمىز. بيىل 117 مىڭنان استام وقۋشى اراسىندا «جاستار ليگاسىن» وتكىزەمىز. بۇل ليگا سپورتتىڭ ءتورت تۇرىنەن – فۋتبول، ۆولەيبول، باسكەتبول جانە شاحماتتان وتەدى. جالپى جۇلدە قورى 80 ملن تەڭگە. ءار باعىت بويىنشا جەڭىپ شىققان كوماندالارعا وقۋ ورنىن ودان ءارى دامىتۋ ءۇشىن 20 ملن تەڭگە سىياقى بەرەمىز، – دەدى قالا اكىمى.

ايتا كەتەيىك، بيىل شاھاردا قر تاۋەلسىزدىگىنىڭ 30 جىلدىق مەرەكەسىنە وراي ۇيىمداستىرىلاتىن «شىمكەنت جاستار ليگاسى» مەكتەپ وقۋشىلارىنىڭ بوس ۋاقىتىن ءتيىمدى وتكىزۋ، سپورتپەن شۇعىلدانۋ ارقىلى ولاردىڭ ەرىك پەن تاباندىلىعىن قالىپتاستىرۋ جانە قازاقستان رەسپۋبليكاسىنىڭ چەمپيوناتتارىنا كوماندا جاساقتاۋدى كوزدەيدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار