وليمپياداعا 19 ورتا مەكتەپ, 27 مەكتەپ-ليتسەي, 33 مەكتەپ-گيمنازيا, 6 دارىندى بالالارعا ارنالعان مامانداندىرىلعان مەكتەپ جانە 9 جەكە مەكتەپ قاتىسادى.
وليمپيادا اپتا بويى, كۇن سايىن بىرنەشە ءپان بويىنشا وتەدى:
22 اقپان – حيميا, بيولوگيا;
23 اقپان - فيزيكا, گەوگرافيا;
24 اقپان - ماتەماتيكا, ينفورماتيكا;
25 اقپان - قازاق ءتىلى مەن ادەبيەتى, ورىس ءتىلى مەن ادەبيەتى
26 اقپان - قازاقستان تاريحى, قۇقىقتانۋ نەگىزدەرى, ءوزىن-ءوزى تانۋ, اعىلشىن, نەمىس جانە فرانتسۋز تىلدەرى.
وليمپيادا قورىتىندىسى بويىنشا 2021 جىلدىڭ 2 ناۋرىزىندا ونلاين رەجيمدە جەڭىمپازدار مەن جۇلدەگەرلەردى نۇر-سۇلتان قالاسى ءبىلىم باسقارماسىنىڭ ءى, ءىى جانە ءىىى دارەجەلى ديپلومدارىمەن جانە مەدالدارمەن ماراپاتتاۋ ءراسىمى وتەدى.
سونداي-اق جەڭىمپازدار مەن جۇلدەگەرلەرگە ارنايى نوميناتسيالار بەرىلەدى: «وليمپيادانىڭ جاڭا ەسىمى-2021», «وليمپيادانىڭ ەڭ جاس قاتىسۋشىسى-2021», «وليمپيادانىڭ ءابسوليۋتتى جەڭىمپازى-2021», جمب جانە گعب ء(ى, ءىى جانە ءىىى دارەجەلى) باعىتتارى بويىنشا «ۇزدىك وليمپيادالىق كوماندا-2021».
وليمپيادانىڭ ءار كۇنى اياقتالعاننان كەيىن «استانا دارىنى» ددجپس سايتىندا (astanadaryny.kz) جانە Telegramm-چاتتا قاتىسۋشىلاردىڭ جۇمىستارى, دۇرىس جاۋاپتار جانە پاندەرى بويىنشا حاتتامالار جاريالانادى.
