ۇلى جەڭىستىڭ 65 جىلدىعىنا ساناۋلى كۇندەر قالدى. وتان ءۇشىن وت كەشىپ, قاسىق قانى قالعانشا ارپالىسقان, بولاشاق ۇرپاقتىڭ بەيبىتشىلىگى مەن ىنتىماعى جولىندا جانىن اياماعان بوزداقتاردى قالاي ۇمىتايىق. تمد مەملەكەت باسشىلارى كەڭەسىنىڭ جانە تمد شەكارا اسكەرلەرى باسشىلارى كەڭەسىنىڭ شەشىمىنە سايكەس ۇلى وتان سوعىسىنداعى جەڭىستىڭ 65 جىلدىعىنا وراي ەكىنشى اقپاندا ەكى باعىتتا ەستافەتا الاۋىنىڭ شەرۋى باستالعان. ءبىرىنشىسى – بەلارۋس رەسپۋبليكاسىنىڭ گرودنو قالاسى, ودان ءارى ۋكراينا, مولدوۆا, ارمەنيا ارقىلى ءماسكەۋگە, ال ەكىنشىسى – رەسەيدىڭ مۋرمانسك قالاسى, قازاقستان, قىرعىزستان, تاجىكستان, وزبەكستان, تۇركىمەنستان, ءازىربايجان ارقىلى ماسكەۋگە كەلىپ, تۇيىسۋلەرى ءتيىس. مىنە, كەشە جەڭىس ەستافەتاسى وسكەمەنگە كەلدى.
ۇلى وتان سوعىسى بوزداقتارىنا ارنالعان داڭق مەموريالىندا اسكەري قۇرامالار مەن شەكارا قىزمەتى ساربازدارى سالتاناتتى شەرۋگە ءازىر تۇر. بۇل جەردە سوعىس ارداگەرلەرى مەن قالاداعى ورتا مەكتەپتەردىڭ وقۋشىلارى جاۋىنگەرلىك كيىمدەرىمەن ساپتا. ديكتوردىڭ قۋاتتى داۋىسىنان كەيىن ورتاعا رەسەي فەدەراتسياسى شەكارا قىزمەتىنىڭ ءبىر توپ جاۋىنگەرلەرى قر ۇقك شەكارا قىزمەتىنىڭ ءۇش ساربازىنا جەڭىس ەستافەتاسى سيمۆولىن سالتاناتتى جاعدايدا تاپسىردى.
بۇدان كەيىن شىعىس قازاقستان وبلىسى اكىمىنىڭ ورىنباسارى ءتۇسىپحان تۇسىپبەكوۆ ءسوز الىپ, ۇلى جەڭىستىڭ 65 جىلدىعىنا ارنالعان جەڭىس ەستافەتاسىنىڭ كەندى التايعا كەلۋىندە ۇلكەن ءمان جاتقانىن, كەشەگى سۇراپىل سوعىستا شىعىس قازاقستاننان شاقىرىلعان 170 مىڭ جاۋىنگەردىڭ 95 مىڭى كەلەشەك ۇرپاق ءۇشىن جاندارىن پيدا ەتكەنىن تىلگە تيەك ەتتى. سۇراپىل سوعىستان قايعى-قاسىرەت شەكپەگەن بىردە-ءبىر وتباسى جوق شىعار. رەسەي مەن قازاقستان, باسقا دا تمد ەلدەرىنىڭ سوعىس اپاتىنان قانشا زارداپ شەككەندەرىن, الايدا بىرلىگى مەن تىرلىگى جاراسقان قانشاما ۇلت وكىلدەرىنىڭ ىنتىماعى جەمىسىن بەرگەنىن تىلگە تيەك ەتە كەتتى. بۇدان كەيىن التاي ولكەسى اكىمشىلىگى دەپارتامەنتىنىڭ باستىعى يگور گنيدەنكو ءسوز الىپ, ەستافەتانى بەرىك قولعا تاپسىرعاندارىن ايتىپ ءوتتى. ال قر شەكارا قىزمەتى ديرەكتورىنىڭ ورىنباسارى امانگەلدى ءابىلحانوۆ جەڭىس ەستافەتاسىنىڭ 22 ءساۋىر جانە 2-ءشى مامىردا قىتاي حالىق رەسپۋبليكاسىمەن اراداعى مەملەكەتتىك شەكارا بويىمەن شىعىس قازاقستان, الماتى ءجانە جامبىل وبلىستارى ارقىلى وتەتىنىن حابارلادى. ەكى ەلدىڭ ءانۇراندارى وينالىپ بولعان سوڭ وبلىس اكىمدىگى مەن كورشى رەسەي ولكە باسشىلارىنىڭ سوعىس قۇرباندارىنا ارنالعان گۇل شوقتارى قويىلدى. ماڭگىلىك الاۋعا سوعىس ارداگەرى, سوتسياليستىك ەڭبەك ەرى قايروللا باقتىباەۆ, فرۋنزە جاقسىلىقوۆ, باسقا دا ارداگەرلەر گۇل شوقتارىن قويدى. بۇدان كەيىن ءان مەن كۇيگە كەزەك بەرىلىپ, جاۋىنگەرلەر ساپ تۇزەپ, جينالعاندارعا قۇرمەت كورسەتتى.
وڭداسىن ەلۋباي.
وسكەمەن.
ۇلى جەڭىستىڭ 65 جىلدىعىنا ساناۋلى كۇندەر قالدى. وتان ءۇشىن وت كەشىپ, قاسىق قانى قالعانشا ارپالىسقان, بولاشاق ۇرپاقتىڭ بەيبىتشىلىگى مەن ىنتىماعى جولىندا جانىن اياماعان بوزداقتاردى قالاي ۇمىتايىق. تمد مەملەكەت باسشىلارى كەڭەسىنىڭ جانە تمد شەكارا اسكەرلەرى باسشىلارى كەڭەسىنىڭ شەشىمىنە سايكەس ۇلى وتان سوعىسىنداعى جەڭىستىڭ 65 جىلدىعىنا وراي ەكىنشى اقپاندا ەكى باعىتتا ەستافەتا الاۋىنىڭ شەرۋى باستالعان. ءبىرىنشىسى – بەلارۋس رەسپۋبليكاسىنىڭ گرودنو قالاسى, ودان ءارى ۋكراينا, مولدوۆا, ارمەنيا ارقىلى ءماسكەۋگە, ال ەكىنشىسى – رەسەيدىڭ مۋرمانسك قالاسى, قازاقستان, قىرعىزستان, تاجىكستان, وزبەكستان, تۇركىمەنستان, ءازىربايجان ارقىلى ماسكەۋگە كەلىپ, تۇيىسۋلەرى ءتيىس. مىنە, كەشە جەڭىس ەستافەتاسى وسكەمەنگە كەلدى.
ۇلى وتان سوعىسى بوزداقتارىنا ارنالعان داڭق مەموريالىندا اسكەري قۇرامالار مەن شەكارا قىزمەتى ساربازدارى سالتاناتتى شەرۋگە ءازىر تۇر. بۇل جەردە سوعىس ارداگەرلەرى مەن قالاداعى ورتا مەكتەپتەردىڭ وقۋشىلارى جاۋىنگەرلىك كيىمدەرىمەن ساپتا. ديكتوردىڭ قۋاتتى داۋىسىنان كەيىن ورتاعا رەسەي فەدەراتسياسى شەكارا قىزمەتىنىڭ ءبىر توپ جاۋىنگەرلەرى قر ۇقك شەكارا قىزمەتىنىڭ ءۇش ساربازىنا جەڭىس ەستافەتاسى سيمۆولىن سالتاناتتى جاعدايدا تاپسىردى.
بۇدان كەيىن شىعىس قازاقستان وبلىسى اكىمىنىڭ ورىنباسارى ءتۇسىپحان تۇسىپبەكوۆ ءسوز الىپ, ۇلى جەڭىستىڭ 65 جىلدىعىنا ارنالعان جەڭىس ەستافەتاسىنىڭ كەندى التايعا كەلۋىندە ۇلكەن ءمان جاتقانىن, كەشەگى سۇراپىل سوعىستا شىعىس قازاقستاننان شاقىرىلعان 170 مىڭ جاۋىنگەردىڭ 95 مىڭى كەلەشەك ۇرپاق ءۇشىن جاندارىن پيدا ەتكەنىن تىلگە تيەك ەتتى. سۇراپىل سوعىستان قايعى-قاسىرەت شەكپەگەن بىردە-ءبىر وتباسى جوق شىعار. رەسەي مەن قازاقستان, باسقا دا تمد ەلدەرىنىڭ سوعىس اپاتىنان قانشا زارداپ شەككەندەرىن, الايدا بىرلىگى مەن تىرلىگى جاراسقان قانشاما ۇلت وكىلدەرىنىڭ ىنتىماعى جەمىسىن بەرگەنىن تىلگە تيەك ەتە كەتتى. بۇدان كەيىن التاي ولكەسى اكىمشىلىگى دەپارتامەنتىنىڭ باستىعى يگور گنيدەنكو ءسوز الىپ, ەستافەتانى بەرىك قولعا تاپسىرعاندارىن ايتىپ ءوتتى. ال قر شەكارا قىزمەتى ديرەكتورىنىڭ ورىنباسارى امانگەلدى ءابىلحانوۆ جەڭىس ەستافەتاسىنىڭ 22 ءساۋىر جانە 2-ءشى مامىردا قىتاي حالىق رەسپۋبليكاسىمەن اراداعى مەملەكەتتىك شەكارا بويىمەن شىعىس قازاقستان, الماتى ءجانە جامبىل وبلىستارى ارقىلى وتەتىنىن حابارلادى. ەكى ەلدىڭ ءانۇراندارى وينالىپ بولعان سوڭ وبلىس اكىمدىگى مەن كورشى رەسەي ولكە باسشىلارىنىڭ سوعىس قۇرباندارىنا ارنالعان گۇل شوقتارى قويىلدى. ماڭگىلىك الاۋعا سوعىس ارداگەرى, سوتسياليستىك ەڭبەك ەرى قايروللا باقتىباەۆ, فرۋنزە جاقسىلىقوۆ, باسقا دا ارداگەرلەر گۇل شوقتارىن قويدى. بۇدان كەيىن ءان مەن كۇيگە كەزەك بەرىلىپ, جاۋىنگەرلەر ساپ تۇزەپ, جينالعاندارعا قۇرمەت كورسەتتى.
وڭداسىن ەلۋباي.
وسكەمەن.
سوڭعى جاڭالىقتار
كەڭەس دۇيسەكەەۆتىڭ 80 جىلدىعىنا ارنالعان مەرەكەلىك كونتسەرت ءوتتى
ونەر • بۇگىن, 23:40
زاڭگەرلەر جاڭا كونستيتۋتسيانىڭ تۇجىرىمداماسىن تالقىعا سالدى
اتا زاڭ • كەشە
ەكونوميكالىق قىلمىسقا قاتىسى بارلار تىزىمگە الىنادى
ەكونوميكا • كەشە
