ايماقتار • 23 اقپان، 2021

ۇلكەن الماتى اينالما اۆتوموبيل جولىنىڭ قۇرىلىسىنا 125 ميلليون دوللار بولىنەدى

225 رەت كورسەتىلدى

2021 جىلى ۇلكەن الماتى اينالما اۆتوموبيل جولىنىڭ قۇرىلىسىنا 125 ميلليون دوللار بولىنەدى، دەپ جازادى Egemen.kz يندۋستريا جانە ينفراقۇرىلىمدى دامىتۋ مينيسترلىگى تاراتقان دەرەككە سىلتەمە جاساپ.

مينيسترلىكتىڭ  ەسەبى بويىنشا 2021 جىلى جەر جۇمىستارى، كوممۋنيكاتسيالاردى، سۋ قۇبىرلارىن، جاساندى قۇرىلىستاردى جانە باسقالارىن قايتا قۇرۋ جوسپارلانعان. جالپى 1 جىل ىشىندە 125 ميلليون دوللاردى يگەرۋ جوسپارلانىپ وتىر.

مينيسترلىك  2020 جىلى كونتسەسسيونەردىڭ كرەديتورلارىمەن (ەقدب، ەدب، يدب) كەلىسىمشارتتار جاسالعانىن ءتۇسىندىردى. قۇجاتقا سايكەس قارجىلاندىرۋ كولەمى $ 585 ملن قۇرايدى. قاۋلى جوباسىنا سايكەس، قازاقستاننىڭ مەملەكەتتىك كونتسەسسيالىق مىندەتتەمەلەرى 512،35 ميلليارد تەڭگەدەن 510،97 ميلليارد تەڭگەگە دەيىن تومەندەدى. قول جەتىمدىلىك اقىسى 2022-2037 جىلدان 2025-2040 جىلعا دەيىن اۋىستىرىلدى.

«تولەمدەردىڭ كەيىنگە قالدىرىلۋىنا بايلانىستى نەسيە بەرۋشىلەردىڭ سىياقى مولشەرلەمەسىنىڭ 6،8% -دان 5،2-5،5% -عا دەيىن تومەندەۋى، قول جەتىمدىلىك ءۇشىن كۇتىلەتىن تولەم قۇنىنىڭ جالپى بازالىق سوماسى 1،38 ملرد.تەڭگەگە تومەندەدى» دەلىنگەن قۇجاتتا.

بۇل رەتتە، ۆاليۋتالىق وتەماقىنى ەسەپتەمەگەندەگى جالپى سومادان ينۆەستيتسيالىق شىعىندار ءۇشىن وتەماقى 176،7 ملرد تەڭگەنى، وپەراتسيالىق شىعىندار - 28 ملرد تەڭگەنى، باسقارۋ تولەمدەرى - 306،2 ملرد تەڭگەنى قۇرايدى.

2025 جىلدان 2035 جىلعا دەيىن تولەم جىل سايىن 37-38 ميلليارد تەڭگەنى قۇرايدى. كەيىننەن ونىڭ مولشەرى بىرتىندەپ ازايادى.

ەۋرازيالىق دامۋ بانكى (ەدب) باكاد قۇرىلىسىن قارجىلاندىرۋعا 95 ميلليون دوللار بولەتىنى بەلگىلى بولعان.

اقپاراتقا سايكەس، كەلىسىمگە 12 اقپاندا ەدب باسقارما توراعاسىنىڭ ورىنباسارى امانگەلدى يسەنوۆ قول قويدى.

«جوبانى ەۋروپالىق قايتا قۇرۋ جانە دامۋ بانكى، ەۋرازيالىق دامۋ بانكى جانە يسلام دامۋ بانكى ۇسىنعان كرەديتورلار سينديكاتى قارجىلاندىرادى. جوبا اياسىندا ەدب 95 ميلليون دوللار بولەدى»، دەپ حابارلادى ەدب ءباسپاسوز قىزمەتى. 

 «جوبا ينۆەستوردىڭ شىعىندارىن رەسپۋبليكالىق بيۋدجەتكە سالماق سالماي، دايىن وبەكت مەملەكەت مەنشىگىنە قابىلداعاننان كەيىن عانا بىرتىندەپ وتەۋدى بىلدىرەدى»، دەدى مينيسترلىك.

ىسكە اسىرۋ مەرزىمىنە كەلەتىن بولساق، ينۆەستوردى انىقتاۋعا ارنالعان كونكۋرس 2015 جىلى جاريالانعان بولاتىن. سودان كەيىن بىرنەشە حالىقارالىق كومپانيالار قىزىعۋشىلىق تانىتتى. تەك ءۇش جىلدان كەيىن، 2018 جىلدىڭ 7 اقپانىندا تۇرىك-كورەي كونسورتسيۋمىمەن باكاد قۇرىلىسى مەن پايدالانۋعا كونتسەسسيا شارتى جاسالدى. قۇرىلىمعا «السيم الاركو» (تۇركيا)، «ماكيول» (تۇركيا)، سك (كورەيا)، «كورەيا ەكسپرەسس-جولى» (كورەيا) كىردى.

ءارى قاراي، 2018-2019 جىلدارى جسق ازىرلەۋ جانە باسقا دايىندىق جۇمىستارى جۇرگىزىلدى. بۇگىندە الماتىدا 26،5 شاقىرىم جولدا قۇرىلىس-مونتاج جۇمىستارى ءجۇرىپ جاتىر. كەلىسىم شارتتارىنا سايكەس باكاد-تى 2022 جىلى ىسكە قوسۋ جوسپارلانىپ وتىر.

ء«وزىن-ءوزى قامتاماسىز ەتۋ ءۇشىن جول اقىلى بولادى. جول ءجۇرۋ مارشرۋتىنا قاراماستان جولعا شىعۋ ءۇشىن تولەم جاسالادى. جەڭىل جانە جۇك كولىكتەرى ءۇشىن ءارتۇرلى تاريفتەر بولادى دەپ كۇتىلۋدە. زەرتتەۋلەر ناتيجەلەرى بويىنشا بولجامدى قوزعالىس قارقىندىلىعى كۇنىنە 30-دان 70 اۆتوموبيلگە دەيىن بولادى. مۇنداي قارقىندىلىقپەن، بولجامدى ەسەپتەۋلەر بويىنشا، تولەمدەردەن جيناۋ 15 جىل ىشىندە 231 ملرد تەڭگەنى قۇرايدى، ال 25 جىل ىشىندە 570 ملرد تەڭگەنى قۇرايدى»، - دەپ مينيسترلىك بولجادى.

ەستەرىڭىزگە سالا كەتەيىك، بۇعان دەيىن ەلباسى نۇرسۇلتان نازارباەۆ باكاد قۇرىلىسىن باستاعان بولاتىن. بۇعان دەيىن ينۆەستيتسيالار جانە دامۋ جونىندەگى ەكس-مينيستر جەڭىس قاسىمبەك باكاد قۇرىلىسىن نەگە ۇزاق ۋاقىتقا شەگەرگەندىگى تۋرالى ايتتى. قالانىڭ ەكس-اكىمى باۋىرجان بايبەك ءوز كەزەگىندە قۇرىلىستىڭ قۇنى 1،5 ميلليارد دوللاردان اساتىنىن ايتتى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار