وبلىستىق اۋىل شارۋاشىلىق باسقارماسى باسشىسىنىڭ مىندەتىن اتقارۋشى مارات شۇعاەۆتىڭ ايتۋىنا قاراعاندا, وڭىرىمىزدە بارلىعى اۋىل شارۋاشىلىعى ءونىمىن وڭدەيتىن 264 ورىن بار. ولار 2020 جىلى 100 ملرد تەڭگەگە جۋىق ءونىم وندىرگەن.
– وبلىس جەرگىلىكتى جەردە شىعارىلاتىن ازىق-ت ۇلىك ونىمدەرىمەن قامتىلعان, – دەيدى مارات شۇعاەۆ.
وبلىس تۇتىناتىن كولەمنەن ءتورت ەسە ارتىق مولشەردە ماكارونمەن, ۇنمەن – 162%, جارمالارمەن – 136%, نانمەن – 124 پروتسەنتكە قامتىلعان. 2020 جىلى بارلىعى 23,7 ملن اقش دوللارى سوماسىنا 51 مىڭ توننا ءونىم ەكسپورتقا شىعارىلدى. وڭىردە كارتوپ پەن وزگە دە كوكونىس ءوندىرىسى جىلدان جىلعا ارتىپ كەلەدى. ماسەلەن, بىلتىر 550 مىڭ توننا كارتوپ, 199 مىڭ توننا ءسابىز ءونىدىرىلدى. قاجەتتى مولشەردەن جەتى جانە 11 ەسەگە ارتىق.
دەگەنمەن, وبلىستا وندىرىلمەيتىن ازىق-ت ۇلىك ونىمدەرىنىڭ ورنىن باسۋ ءۇشىن 2021 جىلى بىرقاتار ءىرى جوبالار جۇزەگە اسىرىلادى. سولاردىڭ ءبىرى – «پاۆلودار اگروكەشەنى» جشس قولعا الاتىن رافينادتالعان ماي ءوندىرۋ تسەحى. قۋاتتىلىعى جىلىنا 900 توننا. وعان قوسا بيىل زاريا اۋىلىندا «پاك GreenEcoProduct» جشس فيرماسىمەن قۇنى 2,5 ملرد تەڭگەگە كارتوپ وڭدەۋ زاۋىتى سالىنباق.
وبلىس اكىمى ابىلقايىر سقاقوۆ وبلىستى ازىق-ت ۇلىكپەن تولىقتاي تاۋەلسىز ەتۋ ءۇشىن اۋىل شارۋاشىلىق ونىمدەرىن قايتا وڭدەۋ باعىتىندا جوسپارلانعان 2,5 – 3,5 ملرد تەڭگەنىڭ جەتكىلىكسىز قاراجات ەكەندىگىن اتاپ ءوتتى.
– اۋىل شارۋاشىلىق ونىمدەرىن قايتا وڭدەۋ نەگىزگى ماسەلەنىڭ ءبىرى بولۋى ءتيىس. بۇل اۋىلدارداعى جاڭا ءوندىرىس, جۇمىس ورىندارى مەن شاعىن جانە ورتا كاسىپكەرلىگى دامۋىنىڭ قاينار كوزى. سول سەبەپتى وبلىس كولەمىندە بۇل سالاعا بولىنەتىن 3,5 ملرد تەڭگە تىم از. وسى ماسەلەنى قايتا قاراۋ كەرەك, – دەيدى ابىلقايىر سقاقوۆ.
ايتا كەتەيىك, 2021 جىلى ەكى ميلليارد تەڭگەگە اۋىل شارۋاشىلىق ونىمدەرىن قايتا وڭدەيتىن 14 جاڭا نىسان پايدالانۋعا بەرىلەدى.
