اۋەكومپانيا وكىلدەرىنىڭ مالىمەتىنشە, 21 اقپاندا ماسكەۋ – اقتاۋ رەيسى بىرجاقتى باعىتتا ورىندالعان.
قازىرگى ۋاقىتتا رەسەي تاراپى جوعارىدا اتالعان رەيستەردى ورىنداۋعا قۇجاتتىق رۇقسات بەرگەن جوق. كومپانيا جوعارىدا اتالعان باعىتتار بويىنشا بيلەتتەردى ساتۋدى ۋاقىتشا توقتاتۋعا ءماجبۇر بولعان.
«رەسەي باعىتتارىنداعى رەيستەردىڭ ارتۋى جولاۋشىلار ءۇشىن دە, اۋەكومپانيا ءۇشىن دە ۇلكەن ماڭىزعا يە. وكىنىشكە وراي, اۋەتاسىمالداۋشى رەسەيلىك اۆياتسيا بيلىگىنىڭ شەشىمىنە اسەر ەتپەيدى. قر ازاماتتىق اۆياتسيا كوميتەتى مەن SCAT اۋەكومپانياسى قازىرگى ۋاقىتتا جوسپارلانعان باعىتتاردى تولىققاندى ىسكە قوسۋ بويىنشا بەلسەندى بىرلەسكەن جۇمىس جۇرگىزۋدە» دەلىنگەن حابارلامادا.
كومپانيا بۇل ماسەلەنى كەلەسى اپتادا شەشۋدى جوسپارلاپ وتىر. توقتاعان رەيستەرگە قاتىستى جولاۋشىلارعا ۇشۋ قۇنىن 100 پايىز قايتارۋ نەمەسە ايىپپۇل سانكتسيالارىن قولدانباي قايتا برونداۋ ۇسىنىلادى.
