ايماقتار • 23 اقپان، 2021

تۇركىستاندا كاسىپكەرلەردى جەمقورلىقتان قورعاۋ ماسەلەسى تالقىلاندى

27 رەت كورسەتىلدى

تۇركىستاندا سىبايلاس جەمقورلىققا قارسى ء ىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى جانە كاسىپكەرلەر پالاتاسىنىڭ بىرلەسىپ ۇيىمداستىرۋىمەن  «بيزنەستى جانە ينۆەستيتسيانى قورعاۋ» تاقىرىبىندا ءماجىلىس ءوتتى.

بيزنەس ورتاداعى وزەكتى ماسەلەلەر تالقىلانعان القالى جيىنعا اگەنتتىكتءىڭ وبلىس بويىنشا دەپارتامەنتى باسشىسى حاكيم كوشقاليەۆ، وبلىستاعى كاسىپكەرلەر پالاتاسىنىڭ ديرەكتورى تيمۋر ناحيپبەكوۆ، جەرگىلىكتى اتقارۋشى جانە اۋماقتىق ورگاندار مەن بيزنەس-قاۋىمداستىقتىڭ وكىلدەرى قاتىستى. وتاندىق جانە شەتەلدىك ينۆەستورلار ءۇشىن قولايلى جاعداي جاساۋ جانە كاسىپكەرلەردىڭ قۇقىقتارى مەن زاڭدى مۇددەلەرىن قورعاۋ  بارىسىندا پايدا بولاتىن پروبلەمالىق ماسەلەلەر تالقىلانعان القالى جيىندا ح.كوشقاليەۆ  ەل ەكونوميكاسىنا ينۆەستيتسيالاردىڭ كەلۋىن جەڭىلدەتۋ، بيۋروكراتيا تارتىپتەرىن جانە سىبايلاس جەمقورلىق دەرەكتەرىن بولدىرماۋ ماقساتىندا اگەنتتىكتىڭ باستاماسىمەن «Protecting Business and Investments» جوباسى قارقىندى جۇزەگە اسىرىلىپ جاتقاندىعىن باياندادى. جوبا اياسىندا بۇگىندە دەپارتامەنتپەن جالپى سوماسى 621 ملرد تەڭگە بولاتىن 49 ينۆەستيتسيالىق جوبا سۇيەمەلدەۋگە الىنعاندىعىن جەتكىزدى. سونداي-اق دەپارتامەنت  باسشىسىنىڭ ءبىرىنشى ورىنباسارى ميراس قارعاباي اتالعان جوبا شەڭبەرىندە تۇركىستاندىق جەكە كاسىپكەردىڭ 13 جىل بويى شەشىلمەي جۇرگەن شارۋاسى 7 كۇن ىشىندە شەشىمىن تاپقاندىعىن جانە بىلتىر جالپى سانى 15 كاسىپكەرلىك سۋبەكتىسىنىڭ قۇقىقتارى قالپىنا كەلتىرىلىپ، شاعىن جانە ورتا كاسىپكەرلىك بيزنەسىنە زاڭسىز ارالاسۋدىڭ 18 دەرەگى اشكەرەلەنۋ ارقىلى جەرگىلىكتى اتقارۋشى ورگانداردان 10 لاۋازىمدى تۇلعا سوت ۇكىمىمەن سوتتى بولعانىن مالىمدەدى.

جيىن سوڭىندا كاسىپكەرلىكتىڭ دامۋىنا كەدەرگى كەلتىرەتىن وزەكتى پروبلەمالىق  ماسەلەلەر مەن كارانتين رەجيمىندە ساقتالۋى ءتيىس نەگىزگى شەكتەۋلەر ورتاعا سالىنىپ، وڭىردەگى كاسىپكەرلەردىڭ ۇسىنىس-پىكىرلەرى تىڭدالدى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار