جاۋىنگەر وردەنى يەسىن تاپتى

كۇركىرەپ كۇندەي, ءوتتى عوي سوعىس, دەگەن. بۇگىندە سول جەڭىستى جاقىنداتۋ ءۇشىن تولارساقتان قان كەشكەن ارداگەرلەردىڭ ەرلىگىن ۇلىقتاۋ, ەسىمىن قۇرمەتتەۋ, ۇرپاققا ۇلگى ەتۋ ماسەلەسى شەشىمىن تاپقان. مەملەكەت باسشىسىنىڭ بيىلعى جولداۋىندا مايدانعا قاتىسقان كوزى ءتىرى ارداگەرلەرگە جانە تىل ەڭبەككەرلەرىنە قامقورلىق كورسەتۋ جايى جان-جاقتى اتاپ كورسەتىلگەنى دە وسى يگىلىكتى ءىستىڭ جالعاسى دەۋگە بولادى. قازاقستاندىقتاردىڭ سوعىسقا قوسقان ۇلەسى ايرىقشا ەكەنى دە انىق. سول سۇراپىل جىلدارى ەل ەكونوميكاسى اسكەري سالاعا اۋىس­تىرىلسا, قاراپايىم حالىق ەۆاكۋاتسيالانعان كوپ ادامعا پانا بولدى. ەرلىك پەن ورلىكتى بويىنا دارىتقان ۇلدارىمىز بەن قىز­دارى­مىز قاندى شايقاستاردا ەرلىكتىڭ ەرەن ۇلگىسىن كورسەتىپ, ومىراۋ­لارىن وردەن, مەدالدارعا تولتىردى. الاساپىران كەزدە كەيبىر مايدان­گەر­لەردىڭ ماراپاتتارى وزدەرىنە جەتپەي قالعان كەزدەرى دە كەزدەستى. الماتى قالاسىنداعى رەسەي عىلىم جانە مادەنيەت ورتالىعىنىڭ باسشىسى, قازاقستانداعى رەسەي كونسۋلدىعىنىڭ باس كون­سۋلى يلدۋس تارحانوۆ جەتىسۋ جەرىندە بولىپ, ۇلى وتان سوعى­سى­نىڭ تاريحىنا شولۋ جاساپ, قازاق ەلىنىڭ ولشەۋسىز ۇلەسى جايلى اڭگىمەلەدى. جيىندا ۇلى وتان سوعىسىنىڭ ارداگەرى ج ۇلىن كارىباەۆتىڭ ۇلىنا اكەسىنىڭ كوزى تىرىسىندە بەرىلمەي قالعان ۇلى وتان سوعىسى­نىڭ ءى دارەجەلى وردەنىن تاپسىرىپ, №240 اتقىشتار ديۆيزيا­سىنداعى ەفرەيتور, بتر نىساناشىسى بولعانداعى ەرلىگى جايلى باياندادى. ارداگەردىڭ ناگراداسى وتباسىنا ماڭگى ەستەلىك رەتىندە بەرىلدى. وسىلايشا ماراپات مايدانگەردىڭ وتباسىنا ورالدى. مۇراعاتتا زەرتتەۋ جۇمىستارى جالعاسىپ, يەسىن تاپپاعان ماراپات­تار ءالى دە بار ەكەنى داۋسىز, دەگەن باس كونسۋل جەڭىستىڭ 65 جىلدىعىنا ارنالعان مەدالداردى رەسەي ازاماتتارى قاتارىنداعى 12 سوعىس ارداگەرى مەن جاۋىنگەر-ينتەرناتسيوناليستەرگە تاپسىردى. “جەرلەستەردىڭ داڭقىن ماقتان ەتەمىز” اكتسياسىنا ۇلاسقان جيىندا وبلىستىق سلاۆيان جاستارى قوزعالىسىنىڭ وكىلدەرى جاس ۇرپاق تاربيەسىنە بەلسەنە قاتىسىپ, ونەگەلى ءومىر جولدارىمەن ىقپال ەتكەن ارداگەرلەرگە سىيلىق تابىس ەتتى. ارداگەرلەر “دوستىق ءۇيىنىڭ” الدىنداعى “داڭق اللەياسىنا” قايىڭ كوشەتتەرىن وتىرعىزدى. كۇمىسجان بايجان. الماتى وبلىسى.