جوبا اياسىندا مەملەكەتتىك قىزمەتتەردى كورسەتۋشى مەكەمە باسشىلارىنىڭ تۇرعىندارعا قىزمەت كورسەتۋ كۇندەرى ۇيىمداستىرىلىپ, جەكە قابىلداۋلار وتكىزىلەدى.
جوبانىڭ العاشقى «قىزمەت كورسەتۋ كۇنى» شاراسى دەپارتامەنت باسشىسى, ادەپ جونىندەگى كەڭەس توراعاسى رافحات بيسەنوۆتىڭ, وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆتىڭ جانە «ازاماتتارعا ارنالعان ۇكىمەت» مەملەكەتتىك كورپوراتسياسى وبلىستىق فيليالىنىڭ ديرەكتورى ايدىن قايرۋللاەۆتىڭ قاتىسۋىمەن وتكىزىلدى.
حالىققا قىزمەت كورسەتۋ ورتالىعىندا وتكەن شارا بارىسىندا تۇرعىنداردىڭ باسىم بولىگى دەنساۋلىق ساقتاۋ سالاسىنا قاتىستى ماسەلەلەردى كوتەردى. سونىمەن قاتار, ازاماتتار مەملەكەتتىك كورسەتىلەتىن قىزمەتتەردىڭ ساپاسى مەن مەرزىمدەرى تۋرالى سۇراقتارىن قويىپ, ۇسىنىس-پىكىرلەرىن ءبىلدىردى.
دەپارتامەنت باسشىسى ر.بيسەنوۆ پەن دەنساۋلىق ساقتاۋ باسقارماسىنىڭ باسشىسى س.پازىلوۆ وسىنداي قابىلداۋلاردى الداعى ۋاقىتتا مەديتسينالىق ۇيىمداردا وتكىزۋگە ۋاعدالاستى.
«باسشىلار بايلانىستا» جوباسى شەڭبەرىندە جىل كولەمىندە ايماقتاعى مەملەكەتتىك قىزمەتتەردى كورسەتۋشى 20 مەكەمە باسشىسىنىڭ قاتىسۋىمەن وسىنداي شارا ۇيىمداستىرىلادى.
