ايماقتار • 23 اقپان، 2021

تۇركىستان وبلىسىندا جايىلىم كولەمى 742 مىڭ گەكتارعا ارتادى

22 رەت كورسەتىلدى

تۇركىستان وبلىسى اۋماعىنداعى جايىلىم جەرلەردى قايتارۋدىڭ 5 باعىتتىق قادامدىق الگوريتم جوباسى ازىرلەندى. ياعني حالىق پايدالاناتىن جايىلىم جەردىڭ كولەمى 742 مىڭ گەكتارعا نەمەسە 21% ارتادى.

وبلىس اكىمىنىڭ تاپسىرماسىمەن دايىندالعان الگوريتم بويىنشا جايىلىم تاپشىلىعى ورىن العان 152 ەلدى مەكەن ماڭىنداعى حالىقتىڭ مۇقتاجىنا الىناتىن ۋچاسكەلەر انىقتالىپ، باسىمدىلىق بەرىلدى.

بۇل تۋرالى وبلىس اكىمى ومىرزاق شوكەەۆتىڭ توراعالىعىمەن وتكەن لەزدەمەلىك ماجىلىستە ايتىلدى. وبلىستىق جەر قاتىناستارى باسقارماسىنىڭ باسشىسى سامات رامازانوۆتىڭ بايانداۋىنشا، بيىل ءى-جارتى جىلدىقتا 66،4 مىڭ گەكتار، ءىى - جارتى جىلدىقتا 63،2 مىڭ گەكتار، جالپى 130 مىڭ گەكتارعا جۋىق جايىلىمدىق جەرلەردى حالىقتىڭ مۇقتاجىنا الۋ جوسپارلانىپ وتىر. الىناتىن ۋچاسكەلەر ناقتىلانۋدا. ناتيجەسىندە جىل سوڭىنا دەيىن حالىقتىڭ پايدالاناتىن جايىلىم كولەمى 742 مىڭ گەكتارعا ارتپاق. جالپى تۇركىستان وبلىسىندا 3 ملن 200 مىڭ گەكتار جايىلىمدىق جەر بار.

جايىلىم جەرلەر ەلدى مەكەندەر شەگىنە ەنگىزۋ جولىمەن اۋىل وكرۋگتەرى اكىمدەرىنىڭ تىكەلەي جاۋاپكەرشىلىگىنە بەرىلەدى. جالپى بۇل باعىتتاعى جۇمىستار حالىق جايىلىم جەرمەن تولىق قامتىلعانشا تۇراقتى باقىلاۋدا بولادى.

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇقساس جاڭالىقتار