ايماقتار • 23 اقپان، 2021

تۇركىستاندا كوكتەمگى سۋ تاسقىنىنىڭ الدىن الۋعا دايىندىق پىسىقتالدى

10 رەت كورسەتىلدى

تۇركىستان وبلىسىنىڭ اكىمى ومىرزاق شوكەەۆتىڭ توراعالىعىمەن وتكەن اپتالىق ماجىلىستە سۋ تاسقىنىنىڭ الدىن الۋ جۇمىستارى باياندالدى. اپاتتىڭ الدىن الۋ ماقساتىندا جالپى سوڭعى جىلدارى 71 شاقىرىم قورعانىس دامباسى، 75 شاقىرىمنان استام وزەندەردىڭ بويىندا ارنا تۇزەتۋ مەن جاعا بەكىتۋ، 262 شاقىرىم كانالداردى جوندەۋ جۇمىستارى جۇرگىزىلىپ،  430 شاقىرىم كوللەكتورلار مەحانيكالىق تازارتۋدان وتكىزىلگەن.

اقسۇمبە، باقىرلى، اششى سۋ قويمالارى كۇردەلى جوندەۋدەن ءوتتى. سونداي-اق، سىرداريا وزەنى بويىنداعى 22 ەلدى مەكەندى  قاماتاماسىز ەتىپ وتىرعان «ۇلكەن سۋ» دابىل بەرۋ جۇيەسى قايتا جاڭعىرتىلدى. «2021-2023 جىلدارعا ارنالعان سۋ تاسقىنىنا قارسى ءىس-شارالار كەشەنى» جول كارتاسىنىڭ جوباسىنا  20 ءىس-شارا ەنگىزىلىپ، جاعالاۋدى نىعايتۋ، تۇزەتۋ جۇمىستارىنىڭ ۋاقتىلى اياقتالۋى باقىلاۋدا بولادى. كوكتەمگى سۋ تاسقىنىنىڭ الدىن الۋعا قاجەتتى قۇرال-جابدىق قورى جاساقتالىپ، وبلىس اۋماعىنداعى ازاماتتىق قورعاۋ قۇرىلىمدارىنىڭ 5 مىڭنان استام جەكە قۇرامى، مىڭنان استام تەحنيكاسى دايىندىققا كەلتىرىلگەن.

وڭىردە 7 اۋداندا جانە سىرداريانىڭ بويىندا قاۋىپ بار. ناۋرىز ايىنىڭ ورتاسىندا شاردارادان سۋ بوساتىلادى. بۇل ورايدا وبلىس اكىمى الدىن الۋ جۇمىستارىن جۇرگىزۋدى تاپسىردى. اۋدانداردا توتەنشە جاعدايدىڭ الدىن الۋ ءۇشىن انتيكريزيستىك كارتا جاسالعان. بۇل جوبا رەسپۋبليكا بويىنشا وڭىردە العاش رەت جۇزەگە اسىرىلادى. پيلوتتىق جوبا وبلىس اۋماعىندا بولۋى ىقتيمال ءورت، سۋ تاسقىنى، جەر سىلكىنىسى سياقتى 200-دەن اسا ءتۇرلى تاۋەكەلدەردى قامتيدى. كارتادا كورسەتىلگەندەي اپات بولا قالسا، 24/7 فورماتىندا جەدەل اقپاراتتىق شتاب قۇرىلادى. ول «التىن ساعات» ەرەجەسىنە ساي توتەنشە جاعداي بولعان ساتتەن 20 مينۋت ىشىندە رەسمي اقپارات تاراتۋعا مۇمكىندىك بەرەدى. ايتا كەتەيىك، وبلىس اۋماعىندا كەز كەلگەن جاعدايعا دايىن بولۋ ءۇشىن 216 قۇتقارۋ بەكەتى ورنالاستىرىلعان.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

ۇقساس جاڭالىقتار