2013 جىلعى 26 جەلتوقسان, استانا, ۇكىمەت ءۇيى
2014 جىلعى 1 قاڭتاردان باستاپ ۋاكىلەتتى ۇيىمنان تولەنەتىن زەينەتاقى تولەمدەرىنىڭ مولشەرىن ارتتىرۋ تۋرالى
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭى 4-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. 2014 جىلعى 1 قاڭتاردان باستاپ ۋاكىلەتتى ۇيىمنان تولەنەتىن 2014 جىلدىڭ 1 قاڭتارىنا دەيىن تاعايىندالعان زەينەتاقى تولەمدەرىن 1998 جىلعى 1 قاڭتارعا دەيىن زەينەتاقى الاتىن, زەينەتكەرلىك جاسقا تولعان قازاقستان رەسپۋبليكاسىنىڭ ازاماتتارىنا, اسكەري قىزمەتشىلەرگە, ارناۋلى مەملەكەتتىك جانە قۇقىق قورعاۋ ورگاندارىنىڭ ارناۋلى اتاقتار, سىنىپتىق شەندەر بەرىلگەن قىزمەتكەرلەرىنە, سونداي-اق ارناۋلى اتاقتار, سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان, ەڭبەك سىڭىرگەن جىلدارى ءۇشىن زەينەتاقى تولەمدەرىن الۋعا قۇقىعى بار ادامدارعا الاتىن زەينەتاقى تولەمدەرىنىڭ مولشەرىنەن توعىز پايىزعا ارتتىرۋ جۇرگىزىلسىن.
2. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ
پرەمەر-ءمينيسترى س.احمەتوۆ.
