اتالمىش جوباعا ەلوردانىڭ سەگىز تەاترى اتسالىسادى: «استانا وپەرا» مەملەكەتتىك وپەرا ءجان بالەت تەاترى, «استانا بالەت» تەاترى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى, جاستار تەاترى, قۋىرشاق تەاترى, مۋزىكالىق جاس كورەرمەن تەاترى, م.گوركي اتىنداعى مەملەكەتتىك اكادەميالىق تەاترى, ءا.مامبەتوۆ اتىنداعى مەملەكەتتىك دراما جانە كومەديا تەاترى.
ۇيىمداستىرۋشىلاردىڭ ايتۋىنشا, مۇنداي يگى جوبا جاس بۋىندى ونەرگە باۋلىپ, تەاتر الەمىمەن جاقىنىراق تانىستىرۋعا باعىتتالعان. ەندى مەكتەپ وقۋشىلارى نۇر-سۇلتان قالاسىندا ورنالاسقان تەاترلاردىڭ بىرنەشە قويىلىمىن اپتاسىنا ەكى رەت تەگىن تاماشالاي الادى.
بۇگىن, ياعني 23 اقپان كۇنى 11:00-دە №82 «دارىن» مامانداندىرىلعان ليتسەيىنىڭ جانە №9 «زەردە» مامانداندىرىلعان مەكتەبىنىڭ وقۋشىلارىنا م.ماقاتاەۆتىڭ 90 جىلدىعىنا ارنالعان «عاشىق-جۇرەك» مۋزىكالىق-پوەتيكالىق قويىلىمى كورسەتىلەدى.
«عاشىق-جۇرەك» سپەكتاكلى - اۆتوردىڭ وي-ارمانىنان, جان سارايىنان, ىشكى تانىمى مەن تولعانىسىنان تۋعان ولەڭ-جىرلارى مەن اندەرىنە قۇرىلعان ساحنالىق قويىلىم. ونىڭ قويۋشى رەجيسسەرى – امان عۇماروۆ. مۇقاعالي ماقاتاەۆتىڭ بەينەسىن تەاتر اكتەرى قازبەك ەسقارا, ال اقيىق اقىننىڭ دوسى ءشامىلدىڭ بەينەسىن تەاتر اكتەرلەرى ەرنازار جاڭاتىلەك جانە اسقار جۇمابەكوۆ سومدايدى. سونداي-اق, سپەكتاكلگە تەاتردىڭ بارلىق ارتىستەرى قاتىسادى.
ال 25 اقپاندا 15:00-دە №86 مەكتەپ-گيمنازياسىنىڭ جانە №87 مەكتەپ-گيمنازياسىنىڭ وقۋشىلارىنا ارناپ م.اۋەزوۆتىڭ «اباي-توعجان» سپەكتاكلى وتەدى. اباي-توعجان» مۋزىكالىق دراماسى – بۇگىنگە دەيىنگى ۇلى اقىن جايلى قويىلعان شىعارمالاردان بولمىسى بولەك, بەينەسى ەرەك جاڭا تۋىندى. بالالار مەن جاسوسپىرىمدەردىڭ دۇنيەتانىمىنا, تالعامىنا, رۋحاني بولمىسىنىڭ قالىپتاسۋىنا اسەر ەتەتىن بۇل قويىلىم اباي عۇمىرىنىڭ بوزبالا كەزەڭىنەن كورىنىس بەرەدى. ينستسەنيروۆكا اۆتورى – ميراس ءابىل, رەجيسسەرى – اسحات ماەميروۆ, مۋزىكالىق كەڭەسشى – ديماش قۇدايبەرگەن, قويۋشى-سۋرەتشى – الما سىرباەۆا, كومپوزيتورى – باۋىرجان اقتاەۆ, بالەتمەيستەرى – شىرىن مۇستافينا, حورمەيستەرى – عالىمجان بەرەكەشەۆ.
