تەحنولوگيا • 23 اقپان، 2021

«AquaPAC» قۇرىلعىسى اۋىز سۋ تاپشىلىعىن جويا الادى

9 رەت كورسەتىلدى

اقتوبە قالاسىنداعى فيزيكا-ماتەماتيكالىق باعىتتاعى نازارباەۆ زياتكەرلىك مەكتەبىنىڭ 11 سىنىپ وقۋشىلارى ارمان جالعاسباەۆ، تولەگەن ايتەني جانە ەرنۇر جانعاليەۆ شالعايداعى ەلدى مەكەندەردە ورىن العان سۋ تاپشىلىعى ماسەلەسىن زەرتتەپ، ونىڭ شەشىمىن تاپتى.

«AquaPAC» قۇرىلعىسى اۋادان اۋىز سۋ الۋعا مۇمكىندىك بەرەدى. عالامدىق ماسەلەلەردى شەشۋگە باعىتتالعان جوبا اۆتورلىق قۇقىققا دا يە.

«الەم بويىنشا جىلىنا 2 ميلليوننان استام ادام ساپاسىز سۋ سالدارىنان قايتىس بولادى. اۋىز سۋدىڭ جەتىسپەۋشىلىگىنەن ادامدار تۇزدى نەمەسە لاستانعان سۋ ىشۋگە ءماجبۇر. بۇل دەرەكتەر زەرتتەۋ بارىسىندا انىقتالعاندىقتان جوبانىڭ وزەكتى ەكەندىگىنە دالەل. ال ءبىز ويلاپ تاپقان قۇرىلعىنىڭ كومەگىمەن اۋا­دان سۋ الۋعا بولادى: الدىمەن كوندەنساتسيا ءادىسى ارقىلى بۋ سۇيىقتىققا اينالادى، سۇزگىدەن وتەدى جانە ۋلتراكۇلگىن ساۋلەلەر ارقىلى وڭدەلەدى»، دەيدى جوبا اۆتورلارىنىڭ ءبىرى ارمان جالعاسباەۆ.

«AquaPAC» جوباسىنىڭ تاعى ءبىر ەرەكشەلىگى – سالماعى جەڭىل ءارى كولەمى ىقشامدى. سۋ قۇرىلعىنىڭ ىشىندە ورنالاسقان ارنايى بوتەلكەنىڭ ىشىنە جينالادى. بۇل ونەرتابىس تۇتىنۋشىنى
1 تاۋلىككە جەتەتىن سۋ قورىمەن قامتا­ماسىز ەتە الادى.

«وقۋشىلار الەمدىك دەڭگەيدەگى ماسە­لەلەردىڭ شەشۋ جولدارىن قاراستىرادى. بىرنەشە جىل بۇرىن تۋىنداعان يدەيا­نى ىسكە اسىرىپ وتىرمىز، جوبانى قاراپايىم قولجەتىمدى ماتەريالداردان جاسادىق. بىرنەشە ەكسپەريمەنتتەن كەيىن قۇرىلعىنىڭ جارامدى ەكەندىگىنە كوزىمىز جەتتى»، دەيدى نازارباەۆ زياتكەرلىك مەكتەبىنىڭ مۇعالىمى جانىبەك جانكۋلوۆ.

ايتا كەتۋ كەرەك، اقتوبەدەگى NIS وقۋشىلارى جىل سايىن 100-گە جۋىق يننوۆاتسيالىق جوبالار جاساپ، رەسپۋب­ليكالىق جانە حالىقارالىق دەڭگەيدەگى جارىستاردا جوعارى ناتيجە كورسەتىپ كەلەدى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار