ۇلاعاتتى ۇستازدىڭ شاكىرتتەرى 1991-2011 جىلدار ارالىعىندا بەرلين, پراگا, سوفيا, پاريج, ستامبۋل, انكارا قالالارىندا وتكەن بايقاۋلاردا ونەر كورسەتىپ, «باس جۇلدە» مەن ءى ورىن لاۋرەاتتارى اتاندى.
ال 2002 جىلى شاكىرتى ەردەن جاقسىبەكوۆ امەريكانىڭ لۋيزيانا شتاتىندا وتكەن «زولوتايا موگنوليا» بايقاۋىنان «باس جۇلدە» الدى. وسىعان وراي, ۇزدىك ۇستاز رەتىندە ەلباسىنىڭ قابىلداۋىندا بولىپ, ارنايى «العىس حات» تابىستالدى.
ەلىمىز تاۋەلسىزدىك العاننان بۇگىنگە دەيىنگى ۇستازدىڭ ەڭبەكتەرى از ەمەس. 1991 جىلى «ەڭبەك ارداگەرى», 1993 جىلى فرانتسيادا وتكەن دۇنيەجۋزىلىك فولكلورلىك فەستيۆالدىڭ لاۋرەاتى, 2015 جىلى «ۇلاعاتتى ۇستاز» توسبەلگىلەرىنىڭ يەگەرىنىڭ ونەردە دە وزىندىك ورنى بار. ول «جۇلدىزعا جول» رەسپۋبليكالىق جانە حالىقارالىق كونكۋرستارىنىڭ نەگىزىن سالىپ, دارىندى جاستاردىڭ بيىككە ورلەۋ جولىندا قىزمەت ەتكەن.
2013-2020 جىلدار ارالىعىندا №90 مەكتەپ-گيمنازياسىنداعى 50-دەن استام شاكىرتتەرى حالىقارالىق بايقاۋلاردا جوعارى ورىنداردان كورىندى.
روزا امرينانىڭ ەرەن ەڭبەگىنىڭ ارقاسىندا ءومىرباي ساعىن قازاقستان اتىنان 2020 جىلى پولشادا وتەتىن «Junior Eurovision Song Contest» حالىقارالىق ءان بايقاۋىندا قاتىسقان 684 ۇمىتكەردىڭ ىشىنەن وتكەن 30 جاس ونەرپازدىڭ ءبىرى بولدى.
