سوعىس اقيقاتتى تالاپ ەتەدى

الماتىدا “1941-1945 جىلدارداعى ۇلى وتان سوعىسىنداعى كەڭەس حالقىنىڭ جەڭىسى جانە قازىرگى كەزەڭ” اتتى عىلىمي-تەوريالىق كونفەرەنتسيا وتكەن ەدى. الماتى قالالىق ارداگەرلەر كەڭەسى, “نۇر وتان” حدپ-نىڭ ۇيىمداستىرۋىمەن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە بولعان جيىنعا ۇلى وتان سوعىسىنىڭ ارداگەرلەرى, عالىمدار قاتىسىپ, ەل باسىنا تونگەن اۋىر جىلدار جونىندە باياندادى. ۇلى جەڭىستىڭ 65 جىلدىعىنا ارنال­عان عىلىمي-تەوريالىق كونفەرەن­تسيا­دا نەمىس-فاشيست باسقىن­شىلارىمەن شاي­قاستاعى اعا ۇرپاقتىڭ قاھارماندىق وشپەس ەرلىگى جانە جاس ۇرپاقتىڭ قاسيەتتى وتان الدىنداعى پارىزى اڭگىمە وزەگىنە اينالدى. – فاشيستىك باسقىنشىلاردىڭ كەڭەس وداعىنىڭ حالقىنا اكەلگەن قاسىرەتى مەن قايعىسى وراسان. ولار وداق بويىنشا 1710 قالانى جانە 70 مىڭنان استام سەلولاردى ءور­تەپ, تۇرعىنداردىڭ دۇنيە-مۇلكىن توناپ, كۇل-تالقانىن كوككە ۇشىردى. سونىمەن قاتار, 32 مىڭ وندىرىستىك كاسىپورىن, 100 مىڭ­داي كولحوز جانە ەكى مىڭعا جۋىق سوۆحوز وسىنداي ويرانعا ۇشىرادى. ەڭ باس­تىسى جانە ەشقاشان ورنى تولمايتىن وتە اۋىر جاراقات – ول ادام ءومىرى بولا­تىن. ەلىمىز سۇراپىل سوعىستا 20 ميل­­ليوننان استام ۇلدارى مەن قىز­دارىنان ايىرىلدى. ءسوز رەتى كەلگەندە اتاپ ايتار­لىعى, قازاق­ستان كەڭەس وداعىنىڭ فاشيزمگە قارسى جويقىن شايقاسىنداعى جەڭىسىنە ايتارلىقتاي مول ۇلەس قوستى. قازاقستاندىقتار قاندى مايداندا قاھارماندىق پەن قايسارلىقتىڭ ۇلگىسىن كورسەتتى, 602939 ادام جاس ۇرپاقتىڭ باقىتتى بولاشاعى ءۇشىن ەرلىكپەن قازا تاپتى. كەڭەس وداعىنىڭ باتىرلارى, حالىق قاھارماندارى, قازاق حالقىنىڭ ەرجۇرەك قىزدارى – ءاليا مولداعۇلوۆا, مانشۇك مامەتوۆا مەن حيۋاز دوسپانوۆا­نىڭ ەسىمى ماڭگىگە ەل ەسىندە قالدى. ەلىمىزدە سوعىس قاسىرەتىن تارتپاعان بىردە-ءبىر شاڭىراق قالعان جوق. سوندىقتان دا ميلليونداعان مايدانگەرلەردىڭ ومىرىمەن, انالاردىڭ كوز جاسىمەن كەلگەن جەڭىستى قادىرلەپ, قۇر­مەتتەيىك. جاستار اعا ۇرپاق­تىڭ ۇلاعاتىنا ادال بولسىن,– دەدى الماتى قالالىق ارداگەرلەر كەڭەسىنىڭ توراعاسى ەرەنعايىپ شايحۋتدينوۆ ءوز ويىن ورتاعا سالىپ. شىن مانىسىندە دە, بۇگىندە ۇلى وتان سوعىسىن ءوز كوزىمەن كورمەگەن, ونىڭ اۋىزبەن ايتىپ جەتكىزگىسىز اۋىر ازابىن باستان كەشپەگەن كەيبىرەۋلەردىڭ ۇلى جەڭىس تۋرالى ويعا سىيمايتىن ورىنسىز پىكىرلەر ايتۋى كوپشىلىكتىڭ, اسىرەسە وق پەن وتتىڭ ورتاسىنان ورالعان مايدان­گەرلەر جانىنا ۇلكەن جاراقات سالۋدا. بۇگىنگى باقىتتى ءومىر ءۇشىن جاستار اعا ۇرپاقتىڭ الدىندا ماڭگى قارىزدار جانە كەلەشەكتە دە وتان قورعاۋ­شىلارعا دەگەن قادىر-قۇرمەت ودان ءارى كوبەي­مەسە ازايماق ەمەس. كەڭەس وداعىنىڭ باتىرى, قازاق­ستان­نىڭ حالىق قاھارمانى, ارميا گەنەرالى ساعادات نۇرماعانبەتوۆتىڭ ايتۋىنشا, “قۇرىلعانىنا نەبارى جيىرما جىل عانا بولعان جاپ-جاس مەملەكەتتىڭ ساقا­داي-ساي قارۋلانعان فاشيستىك گەرما­نيانى ويسىراتا جەڭۋى شىندىعىندا دا وراسان ەرلىك”. “ەڭ ءبىر تاڭعالارلىعى, حالىقتىڭ سول كەزدەگى تۇرمىستىق جاعدايى ناشار بولعانىنا قاراماستان, ولار جوعارى ىنتى­ماقتاستىق پەن ۇلى دوستىقتىڭ, مىزعىماس بىرلىكتىڭ ۇلگىسىن تانىتىپ, ۇلى جەڭىسكە قول جەتكىزدى. مىڭداعان ۇلدارىمىز, قىزدارى­مىز “تۋعان وتان ءۇشىن” دەپ قىرشىنىنان قيىلدى. بۇگىن دە, ەرتەڭ دە جانە كەلە­شەكتە دە ولاردىڭ الدىندا ءبارىمىز ماڭگى قارىز­دارمىز. “سوعىس بىزدەن اقيقاتتى تالاپ ەتە­­دى, سول سەبەپتەن دە ونى بۇگىن كەي­بى­رەۋ­­لەر­دىڭ بۇرمالاۋىنىڭ قاجەتى جوق. سون­دىق­ت­ان دا, تاۋەلسىز قازاقستان حالقى, ءبىزدىڭ ءبارىمىز, ەل يگىلىگى ءۇشىن جان اياماي ەڭبەك ەتۋىمىز قاجەت” دەيدى ساعادات نۇرماعانبەتوۆ. ازاماتتىق ۇستانىمى مىعىم, تۋعان ەلىنىڭ باقىتتى بولاشاعى ءۇشىن وتقا ءتۇس­كەن مايدانگەرلەر ەرلىگى توڭىرەگىندە بايان­­داعان “نۇر وتان” حدپ الماتى قالا­­­­لىق فيليالى توراعاسىنىڭ ورىن­باسارى امان­گەلدى كاريمۋللين “بۇگىنگى بەيبىت اس­پان ءۇشىن” ولارعا ماڭگى قارىز­دار جان­دار اتىنان ءوز العىسىن ءبىلدىردى. كامە­لەتتىك جاسقا تولار-تولماس­تان قول­دارىنا قارۋ الىپ, لاۋلاعان وت پەن ءولىم ۋىن سەپكەن مايدان دالاسىنا اتتان­عاندار تۋعان جەردى ءسۇيۋدىڭ, پاتريوتيزم­نىڭ وزىق ۇلگىسىن كور­سەت­كەندىگى جونىندە جيىندا ءسوز العاندار جان-جاقتى تۇردە ايتىپ بەردى. ۇلى جەڭىس­كە جانە قازىرگى كەزەڭگە ارنال­عان عى­لىمي-تەوريالىق كونفەرەن­تسيانىڭ سەك­تسيا­لىق وتىرى­سىندا عالىمدار ۇلى جەڭىس­تىڭ الەۋمەتتىك-ساياسي اسپەكتىلەرى جانە قازىرگى كەزدەگى جەرگىلىكتى سوعىستار­دىڭ ماڭىزدى پروبلەمالارىن تىلگە تيەك ەتتى. الماتى قالاسى اكىمىنىڭ ورىنباسارى سەرىك سەيدۋمانوۆ جيىندا كوپشىلىك كوپتەن كۇتكەن قۋانىشتى حاباردى جاريا ەتتى. قازاق حالقىنىڭ اتى اڭىزعا اينال­عان باتىر ۇلى – باۋىرجان مومىش ۇلى­نا الماتىداعى 28 پانفيلوۆشىلار پاركىندە ەسكەرتكىش ورناتىلاتىندىعى حابارلاندى. سونىمەن, ەر ەسىمى ەل ەسىندە ماڭگى قالا بەرمەك. باقىت بالعارينا. الماتى.