ەكونوميكا • 22 اقپان، 2021

قازاقستاندىقتار قانداي جاعدايلاردا كوپ نەسيە الادى؟

977 رەت كورسەتىلدى

قازاقستانداعى ەڭ ءىرى ميكروقارجى ۇيىمدارىنىڭ ءبىرىنىڭ ماماندارى قىزىقتى زەرتتەۋ جۇرگىزدى. ءبىزدىڭ ەلدىڭ تۇرعىندارى شۇعىل تۇردە اقشاعا مۇقتاج بولعان كەزدە جانە ولاردىڭ ايلىقتارىن قانشا ايدان كەيىن كۇتە الاتىندىعى بەلگىلى بولدى، دەپ حابارلايدى Egemen.kz 

قازاقستاندىقتاردىڭ نەسيە ۇيىمدارىنا ەڭ كوپ جۇگىنەتىن كەزى جەلتوقسان، اقپان، ناۋرىز جانە شىلدە ايلارىنا سايكەس كەلەدى.

Zaimer سەرۆيسى ماماندارىنىڭ ايتۋىنشا، جەلتوقسانداعى «جىلدام» اقشاعا دەگەن سۇرانىستىڭ باستى سەبەبى، ەڭ الدىمەن، جاڭا جىلدىق مەرەكەلەرمەن بايلانىستى: قازاقستاندىقتاردىڭ باسىم كوپشىلىگى نەسيە الىپ بولسا دا تۇرمىستىق جاعدايىن، ءۇي-مۇلكىن جاڭارتقىسى كەلەدى ەكەن. سونىمەن قاتار، جەلتوقساندا دەمالىس كۇندەرى كوپ: بۇل كۇنى  ءداستۇرلى تۇردە ساياحاتتار مەن ويىن-ساۋىقتار ۇيىمداستىرىلادى.

اقپان ايىنداعى سۇرانىس   جەلتوقساننان كەم تۇسپەيدى:  بۇل ايدا  رەسپۋبليكا تۇرعىندارى ءۇي ساتىپ الۋعا، ءۇي ءىشىن ارلەۋ جاعىنا كوبىرەك كوڭىل بولەدى، جازعى ساياجاي ماۋسىمىنا دايىندالادى. ناۋرىز ايلارى كەلەسى ايلارمەن سالىستىرعاندا ەرەكشەلەنەدى: ميكروكرەديتتەرگە سۇرانىس كۇرت وسەدى، سودان كەيىن دە كۇرت تومەندەيدى. سەبەپ - تاعى دا مەرەكەلەر: 8 ناۋرىز، ناۋرىز، كورىسۋ مەيرامدارى. قارجىلىق جايلى ايماقتا قالۋعا دەگەن ۇمتىلىس شىلدە ايىندا دا كورىنەدى: قازاقستاندىقتار جازعى ساتىلىمدا دەمالىس، ساياحات، جوندەۋ جانە ساتىپ الۋ، ۇيلەنۋ تويلارى، قۇرىلىس جانە جاڭا وقۋ جىلىنا ساتىپ الۋ ءۇشىن اقشا الادى.

ماماندار بىزدەگى جاعداي رەسەيدىڭ ميكروكرەديتتىك نارىعىنا ۇقساس ەكەنىن اتاپ ءوتتى.

ەكى ەلدىڭ گەوگرافيالىق، تاريحي جانە پسيحيكالىق جاقىندىعىن ەسكەرە وتىرىپ، رەسەي فەدەراتسياسىندا قارىز قاراجاتىنا سۇرانىس جىل سوڭىنا قاراي ارتىپ كەلەدى. بىراق رەسەيدە شاعىن نەسيەگە دەگەن سۇرانىس ءداستۇر بويىنشا جەلتوقسان، اقپان جانە ناۋرىز ايلارىندا عانا ەمەس، قىركۇيەكتە دە وسەدى. جازدا اقشاعا دەگەن سۇرانىس مينيمۋمعا دەيىن تومەندەيدى. رەسەيدەگى اسەر ەتۋ فاكتورلارى - بۇل وقيعالار، ماڭىزدى كۇندەر، مەرەكەلەر جانە ماۋسىمدىق ساۋدا قاجەتتىلىگى: ناۋرىزدا - جازعى كيىم، قىركۇيەكتە - جىلى كيىم. بىراق رەسەيدەن ايىرماشىلىعى، قازاقستان تۇرعىندارى جەكە ىستەرىن جوسپارلاپ، بۇل ءۇشىن اقشانى كۇزدە ەمەس، جازدا العىسى كەلەدى، دەلىنگەن زەرتتەۋدە.

ال وزبەكستان  مەن قىرعىزستان تۇرعىندارى شاعىن قارجى ۇيىمدارىنىڭ قىزمەتىنە بارىنشا از جۇگىنەتىن كورىنەدى. كورشىلەرىمىز  ءبىزدىڭ ەل سياقتى ميكرو قارجى ۇيىمدارى ەمەس، شەت ەلدە جۇمىس ىستەپ جاتقان وتانداستارىنان كەلەتىن اقشا اۋدارىمدارىنىڭ كومەگىنە كوبىرەك جۇگىنەدى ەكەن.  سەبەبى كورشى ەلدەردەگى مقۇ بەرەتىن نەسيە پايىزى 100-120 پايىزدان اسىپ كەلدى. سوندىقتان مۇنداي قارجى ۇيىمدارى تەك ورتالىق ايماقتارىندا شوعىرلانعان.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار