«سۇرانىستىڭ نەگىزگى درايۆەرى شاعىن بيزنەس بولدى. سۇرانىستىڭ وسۋىنە قولايلى شارتتارداعى نەسيەلەر, اتاپ ايتقاندا, «بيزنەستىڭ جول كارتاسى-2025» مەملەكەتتىك باعدارلاماسى شەڭبەرىندە ىقپال ەتتى. جەكە كاسىپكەرلەردىڭ ەرەكشە قىزىعۋشىلىعى جەكەلەگەن بانكتەردىڭ ونلاين-نەسيەلەرىن باستاۋعا دا سەبەپ بولدى», دەدى ول.
شاعىن بيزنەس سەگمەنتىندە نەسيە شارتتارى ءبىرشاما جۇمساردى. كەيبىر بانكتەردە پايىزدىق مولشەرلەمەلەر جانە باسقا كوميسسيالاردىڭ مولشەرى تومەندەدى. ناتيجەسىندە وتكەن جىلدىڭ IV توقسانىندا شاعىن كاسىپكەرلىك سۋبەكتىلەرى ءۇشىن وتىنىمدەردى قاراۋ دەڭگەيى الدىڭعى توقسانمەن سالىستىرعاندا 26-37% ءوستى. سونىمەن بىرگە بانكتەردىڭ ءىرى جانە ورتا بيزنەس سەگمەنتىنە نەسيە بەرۋگە دايىندىعى سول دەڭگەيدە قالدى.
2021 جىلدىڭ ءبىرىنشى توقسانىندا بانكتەر شاعىن بيزنەسكە سۇرانىستىڭ ودان ءارى ءوسۋىن كۇتەدى, ال ءىرى جانە ورتا بيزنەس سەگمەنتىندە مۇنداي وزگەرىس كۇتىلمەيدى.
بولشەك نەسيەلەۋ سەگمەنتىندە تۇتىنۋشىلىق نەسيەمەن قامتاماسىز ەتىلگەن يپوتەكا, اۆتونەسيە جانە كەپىلسىز نەسيەلەرگە سۇرانىس تومەندەدى.
«وتكەن جىلدىڭ ءتورتىنشى توقسانىندا يپوتەكالىق نەسيەلەندىرۋگە وتىنىشتەر سانى (+ 17,1%) ءوستى. الايدا, بۇل 2020 جىلدىڭ 3-توقسانىنداعى ءوسۋ قارقىندارىنان تومەن بولىپ شىقتى (+ 84,7%). بۇل جەكەلەگەن بانكتەردىڭ نەسيەلىك بەلسەندىلىگىنىڭ تومەندەۋىنە جانە جىلجىمايتىن م ۇلىككە بايلانىستى ەمەس تۇتىنۋشىلىق شىعىنداردىڭ كوبەيۋىنە اكەلدى», دەدى ولجاس كۋبەنباەۆ.
كەپىلدىكسىز تۇتىنۋشىلىق نەسيەگە دەگەن سۇرانىس ولاردىڭ ونىمدەرىن جىلجىتۋ ارقىلى دا, جەكەلەگەن بانكتەردىڭ پايىزدىق ستاۆكالارىن تومەندەتۋ ارقىلى دا تۋىندادى. IV توقساندا ولاردىڭ وتىنىشتەر سانى 18,47% -عا ءوستى (6,5 ملن ءوتىنىم).
اۆتوكرەديت الۋعا وتىنىمدەر سانى ايتارلىقتاي ءوستى, ماقۇلدانعاندار سانى ازايدى. كەپىلدەندىرىلگەن تۇتىنۋشىلىق نەسيەلەر بويىنشا جەكە بانكتەر كليەنتتەرگە تولەۋ تالاپتارىن كۇشەيتە بەردى, بۇل سۇرانىستى بىرنەشە ەسەگە ازايتتى.
ولجاس كۋبەنباەۆ 2020 جىلدىڭ IV توقسانىندا بانكتەردىڭ جەڭىلدىكپەن نەسيە بەرۋگە دايىندىعى ايتارلىقتاي وزگەرمەگەنىن ءتۇسىندىردى. جۇيە بويىنشا پايىزدىق مولشەرلەمەنىڭ بۇرىنعى دەڭگەيدە قالعانىن ەسكەرمەي, كەيبىر بانكتەر نەسيەلەۋ شارتتارىن جۇمسارتادى, ونىڭ ىشىندە يپوتەكالىق نەسيەلەۋدىڭ كەپىلدىككە قويىلاتىن تالاپتارىن ازايتۋ ارقىلى.
بيىلعى جىلدىڭ باسىندا كوپتەگەن بانكتەر تۇرعىن ءۇي ساتىپ الۋ ءۇشىن زەينەتاقى جيناقتارىن, سونداي-اق كەپىلسىز نەسيەلەر الۋ مۇمكىندىگىنە بايلانىستى يپوتەكالىق نەسيەگە سۇرانىستى كۇتىپ وتىر. وعان سەبەپ - كليەنتتەردىڭ نەسيەلىك قابىلەتتىلىگىنە قويىلاتىن تالاپتاردىڭ جوسپارلى تۇردە جەڭىلدەۋى جانە پايىزدىق مولشەرلەمەلەردىڭ تومەندەۋى سەبەپ بولعان.
