وتكەن اپتادا كيەلى تۇركىستان قالاسىنىڭ ءبىر بولىگىنە العاشقى رەت تابيعي گاز بەرىلدى. «قازترانسگاز» اق باس ديرەكتورى سەرىك سۇلتانعالي: «وسى ءساتتى ءتۇركىستان قالاسىنىڭ 240 مىڭداي تۇرعىنى 50 جىلدان استام ۋاقىت كۇتتى. وڭتۇستىك قازاقستان وبلىسىن گازداندىرۋ جۇمىستارى وتكەن عاسىردىڭ 60-جىلدارىنان باستالعان ەكەن. بىراق تۇركىستان ءوڭىرىن گازداندىرۋ ءىسى كەڭەستىك كەزەڭنىڭ وزىندە دە شەشىمىن تاپقان جوق», دەپ اتاپ ءوتتى.
وتكەن اپتادا كيەلى تۇركىستان قالاسىنىڭ ءبىر بولىگىنە العاشقى رەت تابيعي گاز بەرىلدى. «قازترانسگاز» اق باس ديرەكتورى سەرىك سۇلتانعالي: «وسى ءساتتى ءتۇركىستان قالاسىنىڭ 240 مىڭداي تۇرعىنى 50 جىلدان استام ۋاقىت كۇتتى. وڭتۇستىك قازاقستان وبلىسىن گازداندىرۋ جۇمىستارى وتكەن عاسىردىڭ 60-جىلدارىنان باستالعان ەكەن. بىراق تۇركىستان ءوڭىرىن گازداندىرۋ ءىسى كەڭەستىك كەزەڭنىڭ وزىندە دە شەشىمىن تاپقان جوق», دەپ اتاپ ءوتتى.سونىمەن, ەلىمىزدىڭ باتىسىنان تارتىلعان قازاقستاندىق گازدى تۇتىنا باستاعان وڭتۇستىكتەگى العاشقى قالا – كيەلى تۇركىستان. بۇل جەردە كوگىلدىر وتىندى تۇتىنۋدىڭ بولجام كولەمى – جىلىنا 92 ملن. تەكشە مەتردى قۇراپ وتىر. جوبا تولىق جۇزەگە اسقان كەزدە جاقىن ماڭداعى ەلدى مەكەندەردى دە گازبەن قامتاماسىز ەتۋگە مۇمكىندىك بەرەدى.
«قازترانسگاز ايماق» اق ىسكە اسىرعان ينۆەستيتسيالىق جوبا بويىنشا 22 شاقىرىم جوعارى قىسىمدى گاز قۇبىرى, 1 اۆتوماتتى گاز تاراتۋ ستانساسى مەن 2 گاز رەتتەۋ پۋنكتى سالىندى. بۇل قۇبىرعا گاز قىركۇيەكتە پايدالانۋعا بەرىلگەن «بەينەۋ–بوزوي–شىمكەنت» ماگيسترالدى گاز قۇبىرىنان كەلەدى. تۇركىستاندا كوگىلدىر وتىننىڭ الەۋەتتى تۇتىنۋشىلارى ساناتىنا 40,2 مىڭ تۇرعىن ءۇي جانە كوپقاباتتى تۇرعىن ۇيلەردەگى پاتەرلەر, 384 كوممۋنالدىق-تۇرمىستىق كاسىپورىندار ء(دارىحانالار, ءدۇكەندەر جانە ت.ب.), 19 ەمحانا, 19 بالاباقشا, 60 مەكتەپ, 215 مەملەكەتتىك مەكەمە, 70 ونەركاسىپتىك كاسىپورىن كىرىپ وتىر.
تۇركىستان قالاسىن گازداندىرۋ جونىندەگى جوبانى ورىنداۋ ۇلكەن ەكونوميكالىق, الەۋمەتتىك جانە مادەني ماڭىزعا يە. قالا تەك قازاقستاندا عانا ەمەس, بۇكىل ورتالىق ازياداعى ءىرى تۋريستىك جانە مىناجاتتىق ورتالىق, رۋحاني استانا بولىپ سانالادى. تۇركىستان تۋريستەردى كوپتەگەن تاريحي ورىندارىمەن تارتادى. كيەلى تۇركىستانعا جىل سايىن ءبىر ميلليوننان استام ادام ءتاۋ ەتىپ, ساپارلاپ قايتادى.
«اتالعان جوبا گازبەن جابدىقتاۋدىڭ ايماقتىق سحەماسىنا قوسىلعان جانە ونى ورىنداۋ كىشى جانە ورتا بيزنەستىڭ جەرگىلىكتى كاسىپورىندارىن دامىتۋعا قوسىمشا مۇمكىندىك بەرەتىنى ءسوزسىز جانە تۇركىستاندىقتاردىڭ ءومىر ءسۇرۋ دەڭگەيىن جاقسارتۋعا ۇلكەن ۇلەس قوسادى», دەپ اتاپ ءوتتى سەرىك سۇلتانعالي ۇلى.
تۇركىستان قالاسىن گازداندىرۋ جوباسىن وڭتۇستىك جۇرتىنا اۋقىمدى دا تىندىرىمدى جۇمىستارىمەن تانىمال «قازترانسگاز ايماق» اق-تىڭ باس ديرەكتورى ق.شارىپباەۆ 2011 جىلدىڭ كۇزىندە تانىستىرىپ, پرەمەر-ءمينيستردىڭ ءبىرىنشى ورىنباسارى باستاعان ۇكىمەتتىك دەلەگاتسيا جوبانى قولداعان بولاتىن. ەندى تۇركىستاندىقتارعا سول كەزدە بەرىلگەن ۋادە ناقتى ىسكە اينالىپ, ۇدەدەن شىقتى.
ياعني, «قازترانسگاز ايماق» اق باستاماسىمەن جاسالعان جوبا گازبەن جابدىقتاۋدىڭ ايماقتىق سحەماسىنا قوسىلىپ, «بەينەۋ–بوزوي–شىمكەنت» ماگيسترالدى گاز قۇبىرى ىسكە قوسىلعاننان كەيىن ناقتى جۇزەگە اسىرىلىپ وتىر.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
