ونىڭ ايتۋىنشا, 2019 جىلمەن سالىستىرعاندا بىلتىر اياقتالعان ازاماتتىق ىستەر سانى 7987-گە, اكىمشىلىك ىستەر 3632-گە ازايعان.
«پاندەمياعا بايلانىستى, بارلىق ءىستى قاشىقتان قاراۋعا ءماجبۇر بولدىق. بىزدە ەشقاشان جۇمىس توقتاعان جوق. كۇندەلىكتى جۇمىسىمىزدى دۇرىس اتقارىپ, ىستەردىڭ مەرزىمىنىڭ بۇزىلۋىنا جول بەرمەدىك. قر جوعارعى سوتىنىڭ باستاماسىمەن بىرقاتار زاڭ اكتىسىنە وزگەرىستەر مەن تولىقتىرۋلار ەنگىزىلدى. سونىڭ سالدارىنان كوپتەگەن ازاماتتىق ءىس نوتاريۋستارعا, ال سانكتسيالاۋ پروكۋراتۋرا ورگاندارىنا بەرىلدى. ماسەلەن, 2020 جىلى 69 اكىمشىلىك قۇقىق بۇزۋشىلىق مەملەكەتتىك ورگانداردىڭ قاراۋىنا تاپسىرىلدى. وسى اتقارىلعان جۇمىستاردىڭ ناتيجەسىندە سوتتا قارالعان ىستەردىڭ سانى جىلدان جىلعا كەمىپ جاتىر. سونداي-اق, كەيبىر ساناتتاعى ازاماتتىق ىستەر سوتقا دەيىنگى تاتۋلاستىرۋ راسىمدەرىن قولدانادى. بۇل ءادىس ارقىلى دا ارىزداردىڭ سوتقا ءتۇسۋى ازايدى», - دەدى نۇرساپا پريماشەۆ.
ءباسپاسوز كونفەرەنتسياسىنا ماڭعىستاۋ وبلىستىق سوتتىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ تا قاتىستى.
ونىڭ مالىمەتىنشە, 2020 جىلدىڭ 12 ايىندا ماڭعىستاۋ وبلىسىنىڭ سوتتارىندا 2497 تۇلعاعا قاتىستى 2235 قىلمىستىق ءىس قارالدى. وعان 1666 ادام قاتىستى.
ايتا كەتەيىك, جالپى قىلمىستىق ىستەر 2019 جىلمەن سالىستىرعاندا 198 تۇلعاعا جانە 190 ىسكە كوبەيگەن. ونىڭ ىشىندە, قر قك-ءنىڭ 188 بابى – ۇرلىق بويىنشا: 2019 جىلى 174 ءىس, 2020 جىلى 205 ءىس, قر قك-ءنىڭ 190 بابى - الاياقتىق: 2019 جىلى 105 ءىس, 2020 جىلى 107 ءىس, قر قك-ءنىڭ 296 بابى - ەسىرتكى, پسيحوتروپتىق زاتتاردى وتكىزۋ ماقساتىنسىز زاڭسىز جۇمىس ىستەۋ: 2019 جىلى 304 ءىس, 2020 جىلى 484 ءىس, قر قك-ءنىڭ 378 بابى - بيلىك وكiلiن قورلاۋ: 2019 جىلى 99 ءىس, 2020 جىلى 224 ءىس.
«ارينە, 2020 جىلى وڭاي بولعان جوق. پاندەميا جاريالانعالى سوت جۇيەسى دە ونلاين رەجيمىنە اۋىستى. كۇنىنە قاشىقتان قارالعان ىستەر سانى 4500-عا جەتتى. باسىندا سوت پروتسەسىندە تاراپتار قاشىقتان رەجيمىنە قاتىستى نارازىلىق ءبىلدىرىپ جۇرسە, ەندى قازىر ونلاين فورماتىنىڭ تيىمدىلىگىن ءتۇسىندى», - دەدى ەرجان قاراباەۆ.
وڭىردە قاراقشىلىق (34-تەن 10 ىسكە دەيىن), مۇناي ونiمدەرiن زاڭسىز تاسىمالداۋ, يەمدەنۋ, وتكiزۋ, ساقتاۋ, سونداي-اق مۇنايدى قايتا وڭدەۋ (65-تەن 17 ىسكە دەيىن), جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋ (67-دەن 53 ىسكە دەيىن), كولىك قۇرالدارىن باسقارۋ قۇقىعىنان ايىرىلعان, الكوگولدىك, ەسىرتكىلىك جانە ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن وسىنداي ادامنىڭ باسقارۋىنا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ (280-نەن 167 ىسكە دەيىن) سەكىلدى قىلمىستىق ىستەر قاتارى ازايعان.
قىلمىستىق ىستەردىڭ جازالاۋ تاجىريبەسىنە قاراي 2020 جىلى 1830 ادام سوتتالىپ, ونىڭ ىشىندە باس بوستاندىعىنان ايىرىلعاندار سانى – 523, ياعني 28,5% بولسا, 2019 جىلدىڭ 12 ايىندا 1719 تۇلعا سوتتالىپ, ونىڭ ىشىندە باس بوستاندىعىنان ايىرىلعاندار سانى – 350, ياعني 20,3% بولعان.
ەسەپتى كەزەڭدە بارلىعى 174 ايەل ادام, ونىڭ ىشىندە 16-سى ونشا اۋىر ەمەس, 37-ءسى ورتاشا, 95-ءى اۋىر, 5-ەۋى اسا اۋىر, 21-ءى تەرىس قىلىقپەن جانە 1 ايەل جەكە ايىپتاۋ بويىنشا سوتتالعان.
سىبايلاس جەمقورلىققا قاتىستى 2020 جىلى 42 ءىس اياقتالىپ, ونىڭ ىشىندە 37 تۇلعا سوتتالعان (2019 جىلى 43 ءىس اياقتالىپ, 47 تۇلعا سوتتالعان).
ىستەر بويىنشا 385 تۇلعاعا جالپى 183 ملن 478 مىڭ 423.5 تەڭگە ايىپپۇل سالىنىپ, بۇگىندە 122 ملن تگ استامى ءوز ەركىمەن تولەنگەن.
تاتۋلاستىرۋ راسىمدەرى بويىنشا:
اقتاۋ قالاسىنىڭ №2 سوتى, ەكونوميكالىق سوت, جاڭاوزەن قالالىق جانە مۇنايلى اۋداندىق سوتىندا 2018-2020 جىلى «سوتقا دەيىنگى تاتۋلاستىرۋ» پيلوتتىق جوباسى ىسكە اسىرىلدى.
2020 جىلى تاتۋلاستىرۋ راسىمىمەن 1831 ازاماتتىق ءىس اياقتالدى.
ماڭعىستاۋ وبلىسىندا 8 تاتۋلاستىرۋ ورتالىعى, 16 مەدياتسيا كابينەتى بار. ولاردىڭ 12-ءسى سوتتا, 5-ەۋى ماڭعىستاۋ, قاراقيا, تۇپقاراعان اۋداندىق اكىمدىكتەرىندە ورنالاسقان.
وبلىس سوتتارىندا 258 قىلمىستىق ءىس, 1831 ازاماتتىق ءىس, 219 اكىمشىلىك ءىس مەدياتسيا راسىمدەرىمەن اياقتالعان.
سوتتارداعى اقپاراتتىق تەحنولوگيا بويىنشا:
ماڭعىستاۋ وبلىسى بويىنشا 45 سوت زالى بار, ولار 100% اۋديو-ۆيدەو فيكساتسيا قۇرىلعىلارىمەن جابدىقتالعان. 2020 جىلى 94,5%-ى قولدانىلدى.
پاندەميا كەزىندە WhatsApp جانە zoom پلاتفورمالارى ارقىلى تاراپتار ىسكە ءموبيلدى قوسىمشامەن قاتىستى.
2020 جىلى ءموبيلدى ۆيدەوكونفەرەنتسبايلانىسى ارقىلى 17034 سوت وتىرىسى ءوتتى, تۇزەتۋ مەكەمەلەرىمەن 1127 پروتسەسس, جەرگىلىكتى سوتتار ارقىلى 180 ءىس قارالدى.
