قازاقستاننىڭ بارلىق وڭىرلەرىندە جەرگىلىكتى اسكەري باسقارۋ ورگاندارىنىڭ قولداۋىمەن كوللەدج وكىلدەرى كەزدەسۋلەر وتكىزەدى, وندا وقۋ ورنىنا قابىلداۋ ەرەجەلەرى مەن ءتارتىبى تۇسىندىرىلەدى.
1996 جىلدان باستاپ وقۋ ورنى رەسپۋبليكانىڭ قارۋلى كۇشتەرى مەن باسقا دا كۇشتىك قۇرىلىمدارىندا ءساتتى قىزمەت اتقارىپ جۇرگەن 3000-دەن استام كاسىبي سەرجانتتى دايىندادى. جىل سايىن ورتا ەسەپپەن ءبىر جارىم مىڭ جاس كوللەدجگە تۇسۋگە ۇمىتكەر بولادى. وتكەن جىلى 240-تان استام ادام كادەت اتاندى.
كوللەدجدە وقۋ تەگىن, سونداي-اق كادەتتەر تۇراتىن ورىنمەن, تاماقتانۋ جانە زاتتاي م ۇلىكپەن قامسىزداندىرىلادى. وقۋ مەرزىمى – ءبىر جىل ون اي.
كوللەدجگە تۇسۋگە نيەت بىلدىرگەن ازاماتتار وقۋعا تۇسەر جىلى 17 جاسقا تولىپ, 22 جاستان اسپاۋى كەرەك. مەرزىمدى اسكەري قىزمەتىن وتكەرگەن جانە كەلىسىمشارتپەن اسكەري قىزمەتتەگىلەردى 24 جاسقا دەيىن قابىلدايدى.
– بۇل وقۋ ورنى اسكەرگە كاسىبي سەرجانتتار دايىندايدى. وقۋعا ءتۇسۋ كەزىندە اتتەستاتتىڭ ورتاشا بالى ەسەپكە الىنادى, ول كەمىندە ءۇش دەپ باعالانۋى ءتيىس. سونداي-اق مەديتسينالىق كۋالاندىرۋدان ءوتۋ, دەنە دايىندىعى بويىنشا نورماتيۆتەردى تاپسىرۋ, پسيحولوگيالىق تەستىلەۋ قاجەت. كوللەدجدى بىتىرگەن تۇلەك اسكەري ماماندىق الىپ, ءجۇز پايىز كەپىلدىكپەن جۇمىسقا ورنالاسا الادى, - دەپ ءتۇسىندىردى كوللەدج وكىلى ءۇشىنشى سىنىپتى سەرجانت ەركەبۇلان سەرىكباەۆ.
وقۋ پروتسەسىندە ءاربىر كادەتپەن قارۋلى كۇشتەردە سەرجانتتار قۇرامى لاۋازىمدارىندا اسكەري قىزمەت وتكەرۋ تۋرالى كەلىسىمشارت جاسالادى. كادەتتەر اسكەري بولىمدەردە بولىمشە كومانجديرلەرى لاۋازىمدارىنان باستاپ, قارۋلى كۇشتەردىڭ باس سەرجانتىنا دەيىن مانساپتىق جولمەن وسە الادى.
-مەن ءۇشىن بۇل ساپالى ءبىلىم الۋ مۇمكىندىگى. كوللەدج وقىتۋشىلارىنا جەكە سۇراق قويىپ, سويلەسە الاتىنىمىزدى ايتقان كەزدە قاتتى قۋاندىم. كەزدەسۋ اسكەري قىزمەتكە, ەل يگىلىگى ءۇشىن قىزمەت ەتۋگە دەگەن نيەتىمدى نىعايتتى, – دەدى ەراسىل نۇرلان ۇلى.
اسكەري كوللەدج ششۋچينسك قالاسىندا ورنالاسقان. ونىڭ عيماراتتارى مەن جوعارى ساناتتى وقىتۋشىلار قۇرامى بار. ديپلومنان بولەك كادەتتەر ءۇشىنشى سىنىپتى بمپ مەحانيك-جۇرگىزۋشىسى جانە «ۆ», «س» ساناتىنداعى اۆتوموبيل جۇرگىزۋشىسى كۋالىگىن الادى.
وقۋعا ءتۇسۋ ءۇشىن تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىنا جۇگىنۋ قاجەت.
