ءىس-شاراعا قازاقستان حالقى اسسامبلەياسىنىڭ وكىلدەرى, پارلامەنت ءماجىلىسىنىڭ دەپۋتاتتارى, قازاقستانداعى وزبەكستان رەسپۋبليكاسىنىڭ ەلشىسى, قوعام قايراتكەرلەرى, عالىمدار مەن اقىندار, ەتنومادەني بىرلەستىكتەردىڭ باسشىلارى, جوو ستۋدەنتتەرى جانە باسقا دا قوناقتار قاتىستى.
رۋحاني كەش بارىسىندا قاتىسۋشىلار تىلدەردى جانە مادەنيەتتى دامىتۋ, ادەبيەتكە دەگەن قىزىعۋشىلىقتى قالىپتاستىرۋ, سونداي-اق تۇركىتىلدەس اقىندار مەن ويشىلداردىڭ ادەبي مۇراسىن ناسيحاتتاۋ ماسەلەلەرىن قوزعادى.
ءىس-شارا سوڭىندا نۇر-سۇلتان قالاسىنىڭ وزبەك ەتنومادەني ورتالىعىنىڭ ۇيىمداستىرۋىمەن «ناۋاي – شىعىس جۇلدىزى» چەللەندجىنە قاتىسۋشىلاردى ونلاين-ماراپاتتاۋ ءراسىمى ءوتتى.
ەستەرىڭىزگە سالا كەتەيىك, حالىقارالىق انا ءتىلى كۇنى 1999 جىلدىڭ قاراشاسىندا يۋنەسكو-نىڭ باس كونفەرەنتسياسىندا جاريالاندى جانە 2000 جىلدىڭ اقپانىنان باستاپ جىل سايىن تىلدىك جانە مادەني ارتۇرلىلىك پەن كوپتىلدىلىكتى ناسيحاتتاۋ ماقساتىندا اتالىپ كەلەدى.
