«بيىل قالا تۇرعىندارىنىڭ ءوتىنىشى بويىنشا پرەزيدەنتتىك ساياباقتا جاڭا امفيتەاتر پايدا بولادى. امفيتەاتر بي قويىلىمدارىن, سپەكتاكلدەردى, كونتسەرتتەردى جانە اشىق اسپان استىندا ءتۇرلى قالالىق ءىس-شارالاردى وتكىزۋگە ارنالعان الاڭ بولادى», - دەپ جازدى ورتالىق باسشىسى.
ول ءوز سوزىندە كاسكادتى قادامدار جۇيەسىن قولدانىستاعى رەلەفكە بىرىكتىرۋدى جانە اعىن تىكەلەي ساحناعا وتەتىن شاتىر قۇرىلىمىمەن جابۋ جوسپارلانىپ وتىرعانىن ءمالىم ەتتى.
«ساحنا الاڭى كوشە بيلەرىن وتكىزۋگە ارنالاتىن بولادى. بىزدە بي ستۋديالارىمەن جانە چيرليدينگ فەدەراتسياسىمەن كەلىسىم بار, ولار بي ۇيىرمەلەرى مەن جارىستارعا ارنالعان الاڭدى پايدالانا الادى. بۇل جوبا تۇرعىندارىمىزدىڭ سەزىمىن, ىشكى تولعانىسىن بىلدىرە الاتىن, سول سياقتى ءوزارا الەۋمەتتىك قارىم-قاتىناسىن نىعايتا الاتىن ورىنعا اينالادى دەپ سەنەمىز», - دەيدى ەلنار بازىكەن.
ايتا كەتەيىك, نۇر-سۇلتان قالاسىنىڭ اكىمى التاي كولگىنوۆ بيىل ەلوردادا جۇرت قىزىعارلىق جاڭا ورىندار اشىلاتىنىن ءمالىم ەتكەن بولاتىن. قالا اكىمى بيىل باس شاھاردا تاعى ءبىر جاعاجاي اشىلاتىنىن, سول سياقتى وقۋشىلار سارايىنىڭ جانىندا تاعى ءبىر سكەيت-ساياباق قونىس تەبەتىنىن, ال ترياتلون پاركتە سپورت پاۆيلونى اشىلاتىنىن ايتا كەلە, بىلتىر جۇرتشىلىق كوڭىلىنەن شىققان جاڭا قوعامدىق كەڭىستىكتەر بيىل دا پايدا بولاتىنىن اتاپ ءوتتى. سونىمەن قاتار قالانى اباتتاندىرۋ بيىل دا جالعاساتىنىن جەتكىزدى.
التاي كولگىنوۆ ءوز سوزىندە «نۇر-سۇلتان – جايلى قالا» ماستەر-جوسپارى اياسىندا قالانى بىرلەسىپ دامىتۋ جانە جايلى ەتۋ ءۇشىن BIRGE (BIRGE) سايتى ىسكە قوسىلعانىن, ول جەردە ەلوردالىقتار ءتۇرلى باعىتتار بويىنشا ۇسىنىستارى مەن كوزقاراستارىن بىلدىرە الاتىنىن اتاپ وتكەن.
