فاكۋلتەتتەردە باسشىلىق قۇرام جانە ىشكى ىستەر ورگاندارىنىڭ ورتا باسشى قۇرامى دايارلانادى.
«مەملەكەت باسشىسىنىڭ ىشكى ىستەر ورگاندارىنىڭ كادرلىق الەۋەتىن دايىنداۋ جانە ارتتىرۋ تۋرالى تاپسىرماسى اياسىندا پوليتسيا باسقارمالارىنىڭ باستىقتارى مەن ولاردىڭ ورىنباسارلارىنان باستاپ اۋماقتىق پوليتسيا دەپارتامەنتتەرىنىڭ باستىقتارىنا دەيىنگى باسشى قۇرام لاۋازىمدارىنا بارلىق تاعايىنداۋلار, سونداي-اق پرەزيدەنتتىك كادر رەزەرۆىنە كانديداتتاردى قابىلداۋ كورسەتىلگەن فاكۋلتەتتەردە وقۋدان وتكەننەن كەيىن عانا جۇرگىزىلەتىن بولادى», دەپ حابارلادى مينيستر اكادەميانىڭ پروفەسسورلىق-وقىتۋشىلىق قۇرامىمەن كەزدەسۋ كەزىندە.
ءىىم باسشىسىنىڭ مالىمەتىنشە, تىڭداۋشىلاردىڭ ءبىرىنشى لەگى وسى جىلدىڭ 29 ناۋرىزىندا كەلەدى.
«دارىسكەرلەر پۋلىنا ءىىم ورتالىق اپپاراتىنىڭ باسشىلارى, ءىىو ارداگەرلەرى, مەملەكەتتىك ورگانداردىڭ, ازاماتتىق قوعام ينستيتۋتتارىنىڭ وكىلدەرى, قازاقستاندىق جانە شەتەلدىك كورنەكتى عالىمدار, قوعام قايراتكەرلەرى كىرەدى. مينيسترگە عىلىم, ءبىلىم جانە پوليتسيانىڭ پراكتيكالىق قىزمەتىن ينتەگراتسيالاۋدى كوزدەيتىن عىلىمي-زەرتتەۋ ينستيتۋتىن قۇرۋ جوباسى, سونداي-اق حالىقارالىق ىنتىماقتاستىق, ستراتەگيالىق دامۋ, يدەولوگيالىق جانە يميدجدىك جۇمىستى جوبالىق باسقارۋ بولىمدەرى تانىستىرىلدى», دەيدى قر ءىىم رەسمي وكىلى ءنۇردىلدا وراز.
