پروفيلاتيكالىق-رەيدتىك شارالاردى جۇرگىزۋ بارىسىندا, كارانتينگە قاراماستان كەلۋشىلەرگە قىزمەت كورسەتكەن كومپيۋتەرلىك ويىنحانا انىقتالدى. وسى جىلى 19 اقپان كۇنى ساعات 22:51 شاماسىندا شىمكەنت قالاسى پوليتسيا دەپارتامەنتى ءال-فارابي اۋدانى پوليتسيا باسقارماسىنىڭ قىزمەتكەرلەرى بايتۇرسىنوۆ كوشەسى بويىندا ورنالاسقان كومپيۋتەرلىك ويىنحانانىڭ جاسىرىن جۇمىس جاساپ تۇرعانىن انىقتادى. وسىعان سايكەس كارانتين رەجيمىن جانە شەكتەۋ شارالارىن ساقتاماعانى ءۇشىن ءىس-قۇجاتتار راسىمدەلدى.
انىقتالعان قۇقىق بۇزۋشىلىق جايتىنا قاتىستى, نىسان يەسىنە قر اكىمشىلىك قۇقىق بۇزۋشىلىق تۋرالى كودەكسىنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا جيناقتالعان ماتەريالدار تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدانعان. جالپى, ءتارتىپ ساقشىلارى تۇرعىندارعا تۇراقتى تۇردە كارانتين تالاپتارىن ءتۇسىندىرۋ جۇمىستارىن جۇرگىزۋدە.
