ورتالىقتا 50 قىزمەتكەر جۇمىس ىستەيدى, ولار حالىققا تاۋلىك بويى كونسۋلتاتسيالىق كومەك كورسەتەدى. ورتالىق دارىگەرلەرى كوروناۆيرۋستى ەمدەۋ ماسەلەلەرى بويىنشا بەينە كەڭەس بەرەدى. كۇنىنە 1200-1500 شىعىس جانە كىرىس قوڭىراۋلارى پىسىقتالادى.
«ەگەر بىزگە حابارلاسقان ادامنىڭ كوروناۆيرۋستىق ينفەكتسياعا ءتان بەلگىلەرى ۇشتەن كوپ بولسا, ءبىز ولاردى سارالايمىز, تولقۇجات مالىمەتتەرىن جينايمىز. كەيىن اۋماقتىلىعى بويىنشا تەكسەرۋ جانە پتر-تەستىلەۋ جۇرگىزەتىن ءموبيلدى بريگادانى جىبەرەمىز. ناتيجەسى وڭ بولىپ شىققان جاعدايدا ماماندار تەكسەرەدى جانە اۋرۋحاناعا جاتقىزۋ نەمەسە امبۋلاتورلىق دەڭگەيدە ەمدەۋ ماسەلەسى شەشىلەدى. وقشاۋلاناتىنداي جاعدايى بولماسا, ينفەكتسيالىق ستاتسيونارعا جاتقىزىلادى, ال ەگەر مۇمكىندىگى بولسا, ادام 14 كۇنگە وقشاۋلانادى, ونىڭ بارىسىندا ول بىزدە قارالادى. بىزدە ەمحانالارعا پورتال قۇرىلدى, وندا بىزگە پاتسيەنتتەر تۋرالى, ولاردىڭ قانشا ۋاقىت ءۇي كارانتينىندە ەكەندىگى تۋرالى بارلىق دەرەكتەر جىبەرىلەدى», دەدى ورتالىقتىڭ باس مەنەدجەرى جۇلدىز باۋىرجانقىزى.
اۋماقتىق ەمحانالاردىڭ دارىگەرلەرى پاتسيەنتتەردى تەكسەرىپ, ەم تاعايىندايدى. ورتالىق قىزمەتكەرلەرى وسى پاتسيەنتتەردىڭ جاعدايىنا باقىلاۋ جۇرگىزەدى. ءۇي ستاتسيونارىنداعى پاتسيەنتتەردىڭ جاعدايى ناشارلاعان كەزدە ولار دەرەۋ اۋرۋحاناعا جاتقىزىلادى. COVID-19 راستالعان جاعدايلارى بار پاتسيەنتتەر اۋرۋحاناعا جاتقىزىلعاننان كەيىن دە مامانداردىڭ باقىلاۋىندا بولادى.
بۇل ورتالىقتىڭ تاعى ءبىر فۋنكتسياسى - پاتسيەنتتەردىڭ كارانتين رەجيمىن ساقتاۋىن باقىلاۋ. ورتالىق قىزمەتكەرلەرى پاتسيەنتتەرگە ۇنەمى بەينە قوڭىراۋ شالىپ تۇرادى, ولاردىڭ ەمدەلۋىن جانە ۇيلەرىنەن شىقپاۋىن باقىلايدى. بۇل جۇمىس باقىلاۋدا تۇرعان پاتسيەنتتەر اراسىندا كارانتيندىك رەجيمنىڭ بۇزىلۋىن جەدەل انىقتاۋعا مۇمكىندىك بەرەدى.
بۇگىنگى تاڭدا ورتالىق ماماندارىنىڭ باقىلاۋىندا 587 ادام بار. اشىلعاننان بەرى بارلىعى 5 383 ناۋقاس باقىلاۋدا بولدى. بۇگىنگى كۇنگە دەيىن ورتالىق 14 349 كىرىس جانە 73 347 شىعىس قوڭىراۋلارىنا قىزمەت كورسەتتى.
