وسى ورايدا 49,3 مىڭ ادام جۇمىسقا ورنالاستىرىلدى, ونىڭ 13,8 مىڭى – تۇراقتى جۇمىسقا. «سۋبسيديالاناتىن جۇمىس ورىندارىنا 35,7 مىڭ ادام جۇمىسقا ورنالاستىرىلدى. ونىڭ ىشىندە: الەۋمەتتىك جۇمىس ورىندارىنا – 3,7 مىڭ, جاستار پراكتيكاسىنا – 1,4 مىڭ; قوعامدىق جۇمىستارعا – 30,6 مىڭ ادام» دەلىنگەن ەڭبەك مينيسترلىگىنىڭ مالىمەتىندە.
2020 جىلى «ەڭبەك» مەملەكەتتىك باعدارلاماسىنا 649 مىڭ ادام قاتىستى. 437,3 مىڭ ادام جۇمىسقا ورنالاستىرىلدى, ونىڭ 319,2 مىڭى تۇراقتى جۇمىسقا تۇردى. جاپپاي كاسىپكەرلىكتى دامىتۋعا 12,7 مىڭ ميكروكرەديت جانە جاڭا بيزنەس-يدەيالاردى ىسكە اسىرۋعا 44,9 مىڭ مەملەكەتتىك قايتارىمسىز گرانت بەرىلدى.
قىسقا مەرزىمدى وقىتۋ كۋرستارىنا 18,7 مىڭ ادام جىبەرىلدى, ال تجكب ۇيىمدارىندا وقىتۋمەن 18,4 مىڭ ادام قامتىلدى. بۇدان باسقا, ەڭبەك رەسۋرستارىنىڭ ۇتقىرلىعىن ارتتىرۋ اياسىندا جۇمىس كۇشى ارتىق وڭىرلەردەن قۇرامىندا 5,8 مىڭ ادام بار 1,8 مىڭ وتباسى قونىس اۋداردى.
