الەم • 22 اقپان، 2021

دسۇ-نىڭ جاڭا باسشىسى سايلاندى

16 رەت كورسەتىلدى

جەنەۆاداعى دۇ­نيە­­جۇزى­لىك ساۋدا ۇيىمىنىڭ باس كە­ڭەسى ۇيىمنىڭ باسشىسى قىزمەتىنە نيگەريا وكىلى نگوزي وكوندجو-يۆەالانىڭ كانديداتۋراسىن ماقۇلدادى.

نيگەريانىڭ بۇرىنعى قارجى ءمينيسترى جاڭا قىزمەتىنە 1 ناۋرىزدان باستاپ كىرىسەدى. ول، ەڭ الدىمەن، الەمدىك ساۋدانىڭ كوروناۆيرۋس پاندەمياسىنان كەيىن قايتا قالپىنا كەلۋىنە ەرەكشە ءمان بەرمەكشى.

جاڭا توراعا دۇنيەجۇزىلىك ساۋدا ۇيىمىنىڭ قازىرگى ۋاقىتتا كوپتەگەن پروبلەمامەن بەتپە-بەت كەلىپ وتىرعانىن ايتتى. ونىڭ سوزىنە سەنسەك، ۇيىمداسقان ناتيجەلى جۇمىس بۇل ۇيىمدى الدەقايدا قۋاتتى، بۇگىنگى كۇنگە بەيىمدەلگەن بەلسەندى ەتەدى.

«بۇل جول وتە ۇزاق، اۋىر جانە بەلگىسىزدىككە تولى بولدى. بىراق جاڭا كۇن تۋدى، ەندى ناعىز جۇمىستى باستاۋعا بولادى. بۇگىندە دۇنيەجۇزىلىك ساۋدا ۇيىمىنا مۇشە-مەملەكەتتەر تاريحتى ءوز قولىمەن جاساپ وتىر. ۇيىم قۇرىلعان 73 جىلدان بەرى العاش رەت ايەل ادام، افريكا وكىلى باسشىلىققا كەلدى. بۇل – ناعىز سەرپىلىس. مەن جاقسىلىققا سەنەم»، دەدى نگوزي وكوندجو-يۆەالا.

جاڭا توراعانى ەۋروكوميسسيا باسشىسى ۋرسۋلۋا فون دەر ليايەن قۇتتىقتادى. ول ءوز سوزىندە وسى ءساتتىڭ تاريحي ماڭىزىن ەرەكشە اتاپ ءوتتى. ۋ.ليايەننىڭ ايتۋىنشا، ەۋرووداق دۇنيەجۇزىلىك ساۋدا ۇيىمىنىڭ رەفورماسىن جاقتايدى جانە ەرەجەگە نەگىزدەلگەن كوپجاقتى ساۋدا جۇيەسىن قورعاۋعا كومەكتەسەدى.

ايتا كەتەيىك، ۇيىم باسشىسىنىڭ لاۋازىمى وتكەن جىلدىڭ 31 تامىزىنان بەرى بوس تۇرعان بولاتىن. سوڭعى توراعا روبەرتۋ ازەۆەدۋ سول كۇنى باسشى­لىق ۋاقىتى اياقتالماسا دا، قىزمەتىنەن كەتكەن ەدى.

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار