بۇدان بۇرىن پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا جايىق وزەنىنىڭ ەكولوگيالىق احۋالىنا الاڭداۋشىلىق بىلدىرگەن ەدى. مەملەكەت باسشىسىنىڭ بۇل الاڭداۋشىلىعىنا اتىراۋلىق جەرگىلىكتى بەلسەندىلەر قولداۋ كورسەتتى. سولاردىڭ ءبىرى جاندوس اليماعانبەتوۆ جايىق وزەنىنىڭ سۋى ورتايىپ, ەكولوگيالىق اپاتتىڭ الدىندا تۇرعانىنا قاتىستى پىكىرىمەن ءبولىستى.
ء«بىز مۇز ۇستىندە «Jerusalema» اۋەنىنە بيلەۋ ارقىلى جايىق وزەنىنە نازار اۋدارۋدى ءجون كوردىك. مۇز ۇستىندەگى بيگە اتىراۋ قالاسىنىڭ بەلسەندى تۇرعىندارى, @caspian_fishermen_atyrau توبىنىڭ بالىقشىلارى مەن ەرىكتىلەر قاتىستى. وسىنداي ەرەكشە ادىسپەن باتىس ايماقتاعى تۇرعىنداردىڭ تىرشىلىك نارىنە اينالعان وزەنگە دەگەن جاناشىرلىعىمىزدى ءبىلدىرۋدى كوزدەدىك» دەيدى ول.
اتىراۋلىق جاستار جايىق وزەنىنە كورشى ەلدەگى كوپ بوگەت قاۋىپ توندىرەدى دەپ سانايدى.
«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا وزەننىڭ ەكوجۇيەسىن ساقتاۋ ماسەلەسىن كوتەردى. ءبىز جاقىن ارادا جايىق وزەنىنىڭ ارناسى تولعانىن قالايمىز» دەيدى اتىراۋلىق اۋەسقوي بالىقشىلار.
