ىرىكتەۋ سىندارىنىڭ ءبىرىنشى اينالىمىنداعى ويىنىندا جەرلەسىمىز رەسەيلىك ساۆريان دانيلوۆتان ەكى سەتتە ۇتتى – 6:4, 6:4. 1 ساعات 33 مينۋتقا سوزىلعان كەزدەسۋ بارىسىندا نەدوۆەسوۆ ءۇش رەت ەيس جاساپ, دو بەرۋ بارىسىندا ءبىر قاتەلىك جىبەردى, ءۇش برەيك-پوينتتى جۇزەگە اسىردى. نەگىزگى كەزەڭگە شىعۋ ءۇشىن الەكساندر نەدوۆەسوۆ وزبەكستاندىق سەرگەي فومين مەن ۋكرايندىق ۆلاديسلاۆ مانافوۆ اراسىنداعى ماتچتىڭ جەڭىمپازىمەن وينايدى.
«بىرىنشىدەن, مەن ۇيگە ورالىپ, كوپتەگەن ماتچتاردا تابىسقا جەتكەن كورتتا ويناعانىما وتە قۋانىشتىمىن. بۇگىنگى ويىن وڭاي بولعان جوق, قارسىلاس سوڭىنا دەيىن بەرىلگەن جوق. ايتسەدە مەن جەڭىسكە جەتكەنىمە وتە قۋانىشتىمىن. ويىن ساپاسىنا ۇشاقتاعى ۇزاق ۋاقىت اسەر ەتتى, كەشە تۇندە عانا ەلگە ورالدىم, ۇيقىم ناشار بولدى, سوندىقتان ويىن ساپاسىنان كۇتكەن اسەرىم كوڭىلگە قونىمسىز ەدى. بىراق مەن كەز كەلگەن جاعدايدا الدىما ماكسيمالدى مىندەت قويامىن, جەڭىسكە جەتۋگە بولاتىنىن جانە ول ماعان وعاي تيمەيتىنىن جاقسى ءتۇسىندىم. ماتچتى ەكى سەتپەن اياقتاعانىما قۋانىشتىمىن. پاندەميا جاعدايىندا ويىندار بوس الاڭدا, جانكۇيەرسىز وتەتىنى وكىنىشتى, بىراق قازىرگى تالاپ وسىنداي, تەننيس جانىشىرلارى ءتۋرنيردى ۇيدە تەلەديداردان كورىپ, بىزگە قولداۋ كورسەتەدى دەپ ۇمىتتەنەمىن», - دەدى الەكساندر.
