مينيسترگە ەڭ الدىمەن كونۆەرتەر تسەحىنا باردى. وندا جاقىندا №2 كونۆەرتەردە ۇرلەۋ كەزىندە العاشقى گاز تازالاۋ پرەسس-سكرۋببەرىنىڭ قابىرعالارىنا جابىسىپ قالعان شاڭ وپىرىلىپ قۇلاعان. سودان كەيىن پەشتە بالقىتۋ توقتاتىلدى.
بەيبىت اتامقۇلوۆ جاعدا بولعان جەردە كاسىپورىننىڭ تەحنيكالىق ماماندارىنىڭ وقيعانىڭ ىقتيمال سەبەپتەرى تۋرالى مالىمەتىن تىڭدادى.
مينيستر سونداي-اق كوكس-حيميالىق وندىرىستە, دومنا پەشىندە, ىستىقتاي مىرىشتاۋ جانە اليۋمينيلەۋ تسەحىندا بولدى.
كاسىپورىن باسشىلىعىنىڭ نازارىن دەرەۋ ارادا جاڭعىرتۋ مەن ينۆەستيتسيانى قاجەت ەتەتىن كوكس باتارەيالارىنىڭ جاي-كۇيىنە اۋداردى.
بۇل تسەح تەحنولوگيالىق پروتسەستىڭ شيكىزات قۇرامالارىن, سونداي-اق بولات ءوندىرىسىنىڭ بارلىق نەگىزگى تەحنيكالىق بولىنىستەرىندە قولدانىلاتىن كوكس گازىن جەتكىزەدى.
"ارسەلورميتتال تەمىرتاۋ" اق باس ديرەكتورى كوكس باتارەيالارىنداعى جوندەۋ جۇمىستارىنىڭ بارىسى تۋرالى باياندادى. 2021 جىلى № 3 جانە 4 كوكس باتارەيالارىن جوندەۋدى تولىعىمەن اياقتاۋ جوسپارلانىپ وتىر.
سونىمەن قاتار, بيدجۋ ناير الداعى ۋاقىتتا جىلۋ-لەكتر ورتالىعىندا بۋ-اۋا ستانتسياسىن, 2-ءشى جىلۋ-ەلەكتر ورتالىعىندا, كومىر دەپارتامەنتىنىڭ شاحتالارىن جاڭعىرتۋ جانە كومىر مەتانىن قايتا وڭدەۋ جوبالارىن ىسكە اسىرۋ تۋرالى ايتىپ بەردى.
كاسىپورىن الدىنا جاڭا ەكولوگيالىق كودەكس تالاپتارىنا سايكەس زاۋىتتى اۋقىمدى جاڭعىرتۋ جانە تەحنولوگيالىق جاڭارتۋعا باعىتتالاتىن ينۆەستيتسيانى ارتتىرۋ مىندەتى قويىلدى.
قازاقستاندا قۇرىلىس كولەمى ايتارلىقتاي قارقىنمەن ءوسىپ كەلە جاتقاندىقتان, مينيستر كومبينات باسشىلىعىنىڭ نازارىن ەڭ الدىمەن ىشكى نارىقتى مەتالل پروكاتىمەن قامتاماسىز ەتۋ قاجەتتىلىگىنە اۋداردى.
