ايەلدىڭ ايتۋىنشا, جاس جىگىت قالاداعى بانك بولىمشەلەرىنىڭ بىرىندە ءجۇرىپ, ءوزى وعاش قىلىقتار جاساعان. ول عيماراتقا كىرىپ, شىعىپ جۇرگەن. وسىلاي بىرنەشە رەت جاساعان. وعان بانك كۇزەتشىسى سايكەسىنشە ەسكەرتۋ جاساعان. مۇنى جاقتارماعان جاس جىگىت قىزبالىققا سالىنىپ, ءسوز اراسىندا بۇزاقىلىق پيعىلمەن كۇزەتشىنى ۇرىپ, بەلگىسىز جاققا قاراي قاشىپ كەتكەن.
ەر ازاماتتىڭ ءتۇر-سيپاتى بويىنشا ۇلاندىقتار دەرەۋ ىزدەۋگە كىرىسەدى. اراعا ۋاقىت سالىپ, اسكەريلەر پوليتسيا قىزمەتكەرلەرىمەن بىرگە سيپاتتاماعا كەلەتىن بۇزاقىنى قولعا تۇسىرەدى.
- ءبىز كۇدىكتى قاشقان اۋداندى ءتىنتۋ جۇرگىزە باستادىق. ءىزىن سۋىتپاي سيپاتتاما بويىنشا كەلەتىن ەر ازاماتتى تاپتىق. ول ءبىزدى كورگەن بويدا قاشقىسى كەلگەن, الايدا ۇلگەرمەدى. ونى قولعا تۇسىرە سالىسىمەن پوليتسيا قىزمەتكەرلەرىنە تاپسىردىق , - دەيدى اسكەري جاساق باستىعى قاتارداعى نۇرسۇلتان اسكەن.
تەكسەرىس بارىسىندا كۇدىكتى رەسەي فەدەراتسياسىنىڭ ازاماتى ەكەنى بەلگىلى بولدى. جاعدايدىڭ ءمان-جايىن انىقتاۋ ءۇشىن جاس جىگىت ەڭبەكشى اۋداندىق ىشكى ىستەر باسقارماسى قىزمەتكەرلەرىنە تاپسىرىلدى.
