ۆاشينگتونداعى تۇراقتى دامۋدى زەرتتەۋ ورتالىعىنىڭ ديرەكتورى ەمرە تيفتيك پەن ەكونوميست حاديدجا ماحمۋد Bloomberg تىلشىسىمەن كەزدەسۋ كەزىندە الەمدىك قارىز وسە بەرەتىنىن, بۇعان مەملەكەتتەر, كومپانيالار ەمەس, جەكەلەگەن وتباسىلار دا ۇلەس قوسىپ وتىرعانىن ايتىپتى.
حالىقارالىق قارجى ينستيتۋتىنىڭ (IIF) مالىمەتتەرى بويىنشا, بيۋدجەتتىڭ ۇلكەن تاپشىلىعى بار ەلدەردىڭ ۇكىمەتتەرى 2021 جىلى قارىزدى تاعى 10 تريلليون دوللارعا ارتتىرۋعا نيەتتى. ساياسي جانە الەۋمەتتىك قىسىمدار الەۋمەتتىڭ الەۋەتىن تومەندەتىپ, سونىڭ سالدارىنان قارىزدىڭ اۋىرتپالىعى دا ءوسىپ بارادى.
ەكونوميكانىڭ قالپىنا كەلۋى كەيبىر ۇكىمەتتەردى ىنتالاندىرۋدى قىسقارتۋ ستراتەگياسىن جاساۋعا ءماجبۇر ەتۋى مۇمكىن. بۇل ستسەناريدى تىم تەز ىسكە قوسۋ دەفولت قاۋپىن ارتتىرادى. بىراق ساراپشىلار مۇنىڭ تاۋەكەلىنىڭ جوعارى ەكەنىن ەسكەرتەدى. سەبەبى مۇنىڭ سوڭى تاعى دا قارىزعا بەلشەسىنەن باتۋعا الىپ كەلۋى مۇمكىن. سول سەبەپتى الداعى ۋاقىتتا بارلىق ەلدەر تەڭگەرمەلى ساياساتقا باعىت بەرگەنى ءجون.
وتكەن جىلى قارجىلىق ەمەس سەكتورداعى قارىزدىڭ ءجىو-گە قاتىناسى بويىنشا ەڭ ۇلكەن ءوسىم – قىتايدا ورىن الدى, سودان كەيىن تۇركيا, كورەيا جانە بىرىككەن اراب امىرلىكتەرى, دەپ حابارلايدى IIF دەرەكتەرى.
ەستەرىڭىزگە سالا كەتەيىك, 2020 جىلدىڭ ءبىرىنشى توقسانىندا جاھاندىق ۇلتتىق قارىز 258 تريلليون دوللاردى, ەكىنشىسىندە 268,8 تريلليون دوللاردى, ۇشىنشىسىندە 276,5 تريلليون دوللاردى قۇرادى.
ەمرە تيفتيك 2021 جىلى تامىزدا COVID-19 تارالۋىن توقتاتۋ مۇمكىن بولماسا, وندا جاھاندىق قارىز 275 تريلليون دوللاردان اسادى دەپ مالىمدەدى.
