ايماقتار • 19 اقپان، 2021

تۇركىستان وبلىسىندا وتباسى ۇلگىسىندەگى بالالار اۋىلىنىڭ احۋالى تالقىلاندى

5 رەت كورسەتىلدى

ارىس قالاسىندا  سىبايلاس جەمقورلىققا  قارسى ءىس-قيمىل اگەنتتىگى تۇركىستان وبلىسى بويىنشا  دەپارتامەنتىنىڭ باستاماسىمەن وتكەن «دوڭگەلەك ۇستەلدە»  وبلىس اۋماعىندا ورنالاسقان وتباسى ۇلگىسىندەگى بالالار اۋىلىنىڭ بۇگىنگى احۋالى مەن پروبلەمالىق ماسەلەلەرى  ورتاعا سالىندى. 

تاربيەلەنۋشىلەردىڭ بۇگىنگى تۇرمىس-تىرشىلىگى كەڭ كولەمدە تالقىلانعان القالى جيىنعا ارىس قالاسىنىڭ اكىمى مۇرات قادىربەك،  دەپارتامەنت باسشىسىنىڭ ءبىرىنشى ورىنباسارى ميراس قارعاباي، وبلىستىق ادامي الەۋەتتى دامىتۋ باسقارماسىنىڭ باسشىسى راحىمبەك جولاەۆ جانە وبلىسقا قاراستى بالالار اۋىلىنىڭ ديرەكتورلارى، سونداي-اق  بەينەبايلانىس رەجيمى ارقىلى ءماجىلىس دەپۋتاتى ءاليا ابسەمەتوۆا قاتىسىپ، اتا-انانىڭ قامقورلىعىنسىز قالعان بۇلدىرشىندەردىڭ  قالاۋى مەن  ۇسىنىس-پىكىرلەرىن تىڭدادى.

بالالار اۋىلىنىڭ ديرەكتورلارى بىرقاتار ۇسىنىستارىن ورتاعا سالدى. اتاپ ايتساق، تۇركىستاندىق تاربيەلەنۋشىلەردى تۇركىستان قالاسىنا  تىركەپ،  ءۇي الۋ كەزەگىنە تۇرعىزۋدا تۋىندايتىن ماسەلەلەردى شەشۋ، بالالاردى جازعى دەمالىس كەزىندە كوكشەتاۋ، قاپشاعاي قالالارىنداعى «بالداۋرەن» وقۋ-ساۋىقتىرۋ لاگەرىنە جىبەرۋ، 2002 جىلدان بەرى كۇردەلى جوندەۋ جۇمىستارىن  كورمەگەن «باۋىرجان وتباسى ۇلگىسىندەگى  بالالار اۋىلىن» جاڭارتۋ، «تولە بي وتباسى ۇلگىسىندەگى بالالار اۋىلىنا» تيەسىلى 10 گەكتار جەر تەلىمىن يگەرۋگە ىقپال ەتۋ ماسەلەلەرى بويىنشا ۇسىنىستار ايتىلدى. سونداي-اق جەتىم بالالار مەن اتا-انا قامقورلىعىنسىز قالعان بالالارعا ارنالعان ۇيىمداردى كەزەڭ-كەزەڭمەن قىسقارتۋ ءۇشىن تاربيەلەنۋشىلەردى اسىراپ الۋعا، پاتروناتقا، قومقورشىلىققا الۋعا كيەلى مەكەندەگى ازاماتتارىمىز ىقىلاس بىلدىرسە دەگەن جاناشىرلىق نيەتتەرىن جەتكىزدى. وبلىس بويىنشا جالپى سانى 175 جەتكىنشەك تاربيەلەنىپ جاتقان 3 بالالار ءۇيىنىڭ بۇگىنگى الەۋەتىنەن كەڭ ماعلۇمات العان ءاليا ابسەمەتوۆا اتالعان ۇسىنىس-تىلەكتەردى الداعى ۋاقىتتا ءماجىلىس وتىرىسىندا نازارعا سالاتىنىن ايتتى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار