قازىرگى ۋاقىتتا ەاەو قۇرامىنا قازاقستان, رەسەي, بەلارۋسسيا, ارمەنيا جانە قىرعىزستان كىرەدى.
– ەگەر وسى ەلدەردىڭ ەڭبەك ميگرانتتارى بىزگە كەلىپ, ەڭبەك شارتىن راسىمدەيتىن بولسا, تۇرۋعا ىقتيارحاتى جوقتاردىڭ زەينەتاقىمەن قامسىزداندىرۋعا بىردەي قۇقىعى بار. ياعني, وسى ەلدەردەن قونىس اۋدارۋشىلار رەسمي تۇردە تىركەلگەن جانە جۇمىس بەرۋشى مۇنداي جۇمىسشىلار ءۇشىن بجزق-عا مىندەتتى زەينەتاقى جارنالارىن 10% تولەۋى كەرەك, – دەدى سادەنوۆا.
ەاەو ەلدەرىنىڭ ءبىرىنىڭ ازاماتى جۇمىس ىستەپ جۇرگەن ەلىنەن ءوز ەلىنە كەتسە, بجزق-دان ءوزىنىڭ زەينەتاقى جيناقتارىن الا الادى, ال وسى قىزمەتكەردىڭ مۇراگەرلەرى دە قايتىس بولعاننان كەيىن ارتىندا قالعان سالىمىن الۋعا قۇقىلى.
دەمەك, ەاەو ەلدەرىنىڭ بىرىندە رەسمي تۇردە جۇمىس ىستەيتىن قازاقستاندىقتار وسى مەملەكەتتەردەن سول جەردە جۇمىس ىستەگەن مەرزىمگە زەينەتاقى الا الادى.
