بىلىكتىلىكتى ارتتىرۋ, اسكەري عىلىم سالاسىندا زەردەلەنگەن تاقىرىپتاردى قايتالاۋ جانە «تاكتيك» وقىتۋ كۋرسى بارىسىندا جاس وفيتسەرلەرگە جاڭا تاقىرىپتاردى مەڭگەرۋ مۇمكىندىگى ۇسىنىلدى.
بولاشاقتا ءوز اسكەري قىزمەتىندە جاس وفيتسەرلەر ءبىر ساتى جوعارى كوتەرىلەدى جانە قازىر ولارعا ءبىلىم دەڭگەيىن كوتەرۋ قاجەت. سوندىقتان سوعىس قيمىلدارىن جوسپارلاۋ مەن جۇرگىزۋدە جاڭا كوزقاراس پەن تەرەڭ ءبىلىم تالاپ ەتىلەدى. بۇل رەتتە اسكەري ۋنيۆەرسيتەتتە وقىعاننىڭ ءبارىن ەسكە ءتۇسىرۋ, وقۋ كۋرسىنان ءوتۋ جانە اعا وفيتسەرلەردىڭ تاجىريبەسىن قابىلداۋ ارتىق بولمايدى.
بۇل «تاكتيك» كۋرسىن وتكىزۋدىڭ ماقساتى وفيتسەرلەردەن بۇرىن العان بىلىمدەرىن قالىپتاستىرۋ جانە بەكىتۋ, ولاردى جالپى اسكەري ۇرىس جۇرگىزۋدىڭ جاڭا ادىستەمەلەرىمەن تانىستىرۋ, قازىرگى زامانعى جاۋىنگەرلىك پروتسەستى ءتيىمدى ۇيىمداستىرۋعا جانە سەنىپ تاپسىرىلعان بولىمشەنىڭ جاۋىنگەرلىك مۇمكىندىكتەرىن شەبەر پايدالانۋعا ۇيرەتۋ بولىپ تابىلادى.
ينستيتۋتتىڭ باسشىلىق جانە وقىتۋشىلىق قۇرامى قاتارىنان جوعارى كاسىبي ماماندار ۆزۆود كومانديرلەرىن شەشىم قابىلداۋدى, جاۋىنگەرلىك مىندەتتەردى قويۋ تارتىبىنە, جاعدايدى باعالاي بىلۋگە جانە ءوزارا ءىس-قيمىلدى ۇيىمداستىرا بىلۋگە ۇيرەتەدى.
– ماعان «تاكتيك» كۋرسىنان ءوتۋ مۇمكىندىگى بەرىلگەنىنە قۋانىشتىمىن. ءبىزدىڭ وقىتۋشىلارىمىزدىڭ اسكەرلەردە قىزمەت ەتۋىنىڭ پراكتيكالىق تاجىريبەسى مول جانە ولاردىڭ كەڭەستەرى مەن نۇسقاۋلارى ءبىز ءۇشىن قۇندى. ولاردىڭ كومەگىمەن مەن كوپتەگەن جاڭا پايدالى ءبىلىم الدىم, - دەپ كۋرس تىڭداۋشىسى اعا لەيتەنانت اسان ءاشىم اتاپ ءوتتى.
كۋرس تىڭداۋشىلارى وقۋدىڭ سوڭىندا نەگىزگى پاندەر بويىنشا كەشەندى ەمتيحاندار تاپسىرادى.
