قر باس پروكۋرورىنىڭ ورىنباسارى مارات احمەتجانوۆتىڭ اتاپ وتۋىنشە, كارتادا ادامداردىڭ قازا بولۋىنا نەمەسە جارالانۋىنا اكەپ سوققان جول-كولىك وقيعالارى بويىنشا ستاتيستيكا كورسەتىلەدى.
بۇل كارتادا ازاماتتاردىڭ ءومىرى مەن دەنساۋلىعىنا ەش قاۋىپ توندىرمەگەن جەڭىل-جەلپى جول-كولىك وقيعالارى ەسەپكە الىنبايدى. كارتا جەرگىلىكتى اتقارۋشى ورگاندار, جول پوليتسياسى قىزمەتتەرى, «قازاۆتوجول» ۇك» اق ءۇشىن اپاتتىلىقتىڭ الدىن الۋ جانە ازايتۋ, قاجەتتى جول بەلگىلەرى مەن تاڭبالاردى ورنالاستىرۋ ماقساتىندا ۋاقتىلى شارالار قابىلداۋ, اپاتتى ۋچاسكەلەردى ۋاقتىلى جوندەۋ, سونداي-اق ءتيىستى باسقارۋشىلىق شەشىمدەردى قابىلداۋدى تالداۋ ءۇشىن پايدالى.
ەلىمىزدىڭ جولدارى مەن كوشەلەرىندەگى اپاتتار تۋرالى تولىق اقپاراتتى قۇقىقتىق ستاتيستيكا جانە ارنايى ەسەپكە الۋ كوميتەتتىڭ سايتىنان «qamqor.gov.kz» «اقپاراتتىق سەرۆيس» بولىمىندە كورۋگە بولادى. ول ءۇشىن «گەواقپاراتتىق جۇيەلەر» تەرەزەسىنە ءوتۋ, «جكو» قوسىمشا بەتىن تاڭداۋ, سونداي-اق ۋاقىت پەن ءوڭىردىڭ قىزىقتىراتىن پارامەترلەرىن ورناتۋ قاجەت.
