ايماقتار • 19 اقپان، 2021

ومىرزاق شوكەەۆ: وبلىس بيزنەستى جۇرگىزۋ بويىنشا ۇزدىك ءوڭىر اتاندى

31 رەت كورسەتىلدى

تۇركىستان وبلىسىندا ماڭىزدى جوبالاردى ىسكە اسىرۋ بويىنشا اتقارىلعان جۇمىستاردىڭ ناتيجەسىندە 703،3 ملرد تەڭگە ينۆەستيتسيا باعىتتالىپ، ناقتى كولەم يندەكسى 59،4%-عا ارتقان. ينۆەستيتسيالاردىڭ ءوسۋ كورسەتكىشى بويىنشا وبلىس وتكەن جىلى رەسپۋبليكادا 1 ورىنعا يە بولدى. بىلتىر جەكە ينۆەستورلار ەسەبىنەن جالپى قۇنى 154 ملرد تەڭگەگە 37 ينۆەستيتسيالىق جوبا ىسكە اسىرىلىپ، 3 800 جاڭا جۇمىس ورنى اشىلعان. بيىل جالپى قۇنى 260،5 ملرد تەڭگە بولاتىن 54 ينۆەستيتسيالىق جوبانى جۇزەگە اسىرۋ، 3 900 جاڭا جۇمىس ورنىن اشۋ جوسپارلانۋدا.

وتكەن جىلدى قورىتىندىلاپ، حالىق الدىندا ەسەپ بەرگەن وبلىس اكىمى ومىرزاق شوكەەۆ وسىنداي دەرەكتەر كەلتىردى. ەكونوميكانىڭ باستى كورسەتكىشى بولىپ تابىلاتىن جالپى ونەركاسىپ ءونىمنىڭ كولەمى وتكەن جىلى 535،2 ملرد تەڭگە بولىپ، وبلىستا 258 ملرد تەڭگەنىڭ ءونىمى وندىرىلگەن. وڭىردە جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 141 مىڭعا جەتىپ، سوڭعى 2،5 جىلدا ولاردىڭ سانى 14 مىڭعا وسكەن. وسى سالادا 218 مىڭ ادام جۇمىسپەن قامتىلعان.  بۇل سەكتوردا 555 ملرد تەڭگەنىڭ ءونىمى ءوندىرىلىپ، وتكەن كەزەڭمەن سالىستىرعاندا 15،6%-عا ۇلعايدى. «قاراپايىم زاتتار ەكونوميكاسى» باعدارلاماسى شەڭبەرىندە جالپى سوماسى 29 ملرد تەڭگە بولاتىن 287 جوبا قارجى ينستيتۋتتارىمەن قارجىلاندىرىلعان.

758

«بۇل باعدارلامانى جۇزەگە اسىرۋدا وڭىرلەر اراسىندا كوش باستاپ تۇرمىز. كاسىپكەرلەردىڭ وندىرىستىك قۋاتىن قولداۋعا باعىتتالعان «بيزنەستىڭ جول كارتاسى 2025» مەملەكەتتىك باعدارلاماسىنىڭ بيۋدجەتى 23%-عا ۇلعايىپ، 2،9 ملرد تەڭگەگە جەتتى. ناتيجەسىندە 400-گە جۋىق كاسىپورىنعا قولداۋ كورسەتىلىپ، قارجىلاندىرىلدى. بيزنەس-احۋالدى جاقسارتۋ مەن قولداۋ ماقساتىندا وبلىسىمىزدا «بيزنەسكە ارنالعان ۇكىمەت» بىرىڭعاي سەرۆيسى ىسكە قوسىلىپ، جۇمىس ىستەۋدە. كاسىپكەرلەرگە 33 مىڭنان استام قىزمەت تۇرلەرىن كورسەتىپ،  1 مىڭنان استام بيزنەس جوسپارلاردىڭ 78%-ى قارجىلاندىرۋ دەڭگەيىنە دەيىن سۇيەمەلدەندى. ناتيجەسىندە، وبلىسىمىز 2020 جىلدىڭ قورىتىندىسىمەن «بيزنەستى جۇرگىزۋ جەڭىلدىگى» رەيتينگى بويىنشا رەسپۋبليكادا 1 ورىندى يەلەنىپ، بيزنەستى جۇرگىزۋ بويىنشا ۇزدىك ءوڭىر بولىپ اتاندى»، دەدى ومىرزاق شوكەەۆ.

758

بيىل «بيزنەستىڭ جول كارتاسى 2025» جانە «قاراپايىم زاتتار ەكونوميكاسى» باعدارلامالارى ارقىلى كاسىپكەرلىك سۋبەكتىلەرىن 70 ملرد تەڭگەگە جۋىق جەڭىلدەتىلگەن 6% نەسيەمەن قامتاماسىز ەتۋ جوسپارلانعان. «بيزنەسكە ارنالعان ۇكىمەت» بىرىڭعاي سەرۆيسى ارقىلى 40 مىڭنان استام قىزمەت كورسەتىپ، شاعىن جانە ورتا كاسىپكەرلىك سۋبەكتىلەرىنىڭ سانىن 150 مىڭعا دەيىن جەتكىزۋ، وندىرىلەتىن ءونىم كولەمىن 900 ملرد تەڭگەگە دەيىن ۇلعايتۋ كوزدەلگەن. «ورتالىق ازيا» حالىقارالىق ساۋدا-ەكونوميكالىق ىنتىماقتاستىعى ورتالىعىن قۇرۋ ماقساتىندا سارىاعاش اۋدانىندا 200 گەكتار اۋماققا ساۋدا ورتالىعىنىڭ قۇرىلىلىس سالۋ جوباسى ازىرلەنبەك.

 

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار