ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي دەرەكتەرى بويىنشا 2021 جىلدىڭ قاڭتار ايىندا قازاقستاندا ەڭبەككە قابىلەتتى حالىقتىڭ ىشىندە 419 880-ءى مۇگەدەك جاندارىڭ تەك 19%-ى (82 872) جۇمىسقا ورنالاسقان جانە تۇراقتى تابىسى بار.
«ەرەكشە تاڭداۋ-شەلەك» كورپوراتيۆتىك قورىنىڭ ماماندارى بۇل پايىزدىق اراقاتىناستى «ەرەكشە قاجەتتىلىكتەرى بار ادامدار ءۇشىن ءبىلىم بەرۋ جوبالارىن جۇزەگە اسىرۋ جانە جاڭا كادرلاردى دايىنداۋ ارقىلى ۇلعايتۋعا بولادى» دەپ ەسەپتەيدى.
ء«بىزدىڭ بۇل باعىتتا قىزمەت اتقارىپ جۇرگەنىمىزگە ءبىرىنشى جىل ەمەس. سوندىقتان مۇگەدەكتىگى بار ادامدار اراسىندا وقۋعا جانە جۇمىس ىستەۋگە نيەت بىلدىرۋشىلەردىڭ ۇلكەن لەگىن قاراستىرامىز. سەبەبى ولار دا دەربەس, قوعامنىڭ تولىققاندى بولىگى جانە ساپالى ءبىلىم العىسى كەلەدى», دەيدى «ەرەكشە تاڭداۋ-شەلەك» كورپوراتيۆتىك قورىنىڭ باعدارلامالىق ديرەكتورى زاحيرا بەگاليەۆا.
بىلتىر Samruk-Kazyna Trust الەۋمەتتىك جوبالاردى دامىتۋ قورىنىڭ قولداۋىمەن «ەرەكشە تانداۋ-شەلەك» كق Lider Z كاسىبي ونلاين-مەكتەبى» جوباسى ىسكە قوسىلدى. ول مۇگەدەك ادامداردى IT داعدىلارىنا ۇيرەتۋ جانە ولارعا ودان ءارى ەڭبەك نارىعىن باعىندىرۋعا جاردەمدەسۋگە باعىتتالعان. جۋىردا مەكتەپ العاشقى تۇلەكتەرىن شىعارىپ سالدى. بىرقاتارى وقۋ بارىسىندا جەتكەن جەتىستىكتەرىمەن ءبولىستى.
سولاردىڭ ءبىرى 29 جاستاعى اناستاسيا گەربەەۆا: «مەن بالا كەزىمنەن اقتوبە قالاسىندا تۇرامىن. مەديتسينالىق دياگنوزعا جانە ۇيدە وقىعان دۇرىس دەپ سەندىرگەن مۇعالىمدەردىڭ پىكىرىنە قاراماستان, Lider Z ونلاين مەكتەبىنە كەلىپ, باعىمدى سىناپ كوردىم. ءدال وسى قادام كاسىپقوي مامان رەتىندە قالىپتاسۋىما تۇرتكى بولدى», دەدى.
اناستاسيانىڭ ايتۋىنشا, 2020 جىل ونىڭ ءومىرىن تۇبەگەيلى وزگەرتكەن. سەبەبى ول وقۋىن ءساتتى اياقتاپ قانا قويماي, وسى جوبادا جەڭىمپاز اتانعان. ول بۇگىنگى تاڭدا SMM بويىنشا سەرتيفيكاتتالعان مامان. قۋانتارلىعى, اناستاسيا گەربەەۆا اقتاۋ قالاسىنداعى نازارباەۆ زياتكەرلىك مەكتەبى وقۋشىلارىنىڭ كلۋبىندا مەنتور بولىپ قىزمەت اتقارادى.
ال 38 جاستاعى ميحايل گۆوزدەۆ پەتروپاۆل قالاسىندا ينجەنەر جانە پەداگوگ وتباسىندا دۇنيەگە كەلگەن. ول بالا كەزىنەن شىعارماشىلىققا جاقىن ەكەنىن جانە ءىت سالاسىنا قالاي كەلگەنىن تىلگە تيەك ەتتى.
«مەنىڭ دياگنوزىم – شاشىراڭقى سكلەروز. بىراق باسىما تۇسكەن بۇل اۋىرتپاشىلىققا قارسى تۇرىپ, ءوزىمدى دامىتۋدى جالعاستىرىپ كەلەمىن. اراسىندا ولەڭ جازىپ, مۇگەدەكتەر سپورتىمەن اينالىسامىن», دەيدى ميحايل گۆوزدەۆ.
ميحايل Lider Z ونلاين مەكتەبىندە SMM كۋرسىن ءبىتىرىپ, بۇگىندە قازاقستانداعى بەينەباقىلاۋ جۇيەلەرىنىڭ ءىرى ديستريبيۋتورلىق كومپانيالارىنىڭ بىرىنە سايت اكىمشىسى بولىپ جۇمىسقا قابىلداندى.
«مۇگەدەكتىگى بار قىزمەتكەرگە الەۋمەتتىك جۇمىس بەرۋشىلەردىڭ كوبى قورقا قارايدى. دەسە دە ءبىز جاعدايدىڭ وزگەرىپ جاتقانىن بايقاپ وتىرمىز. بيزنەستىڭ الەۋمەتتىك جاۋاپتى سەكتورىنىڭ وكىلدەرى ازاماتتاردىڭ وسى ساناتىنا العاشقى ەڭبەك تاجىريبەسىن الۋ ءۇشىن ولاردىڭ كاسىبي مامان بولا الاتىنىن جانە قارجىلىق تاۋەلسىز ءومىر سۇرۋگە لايىقتى ەكەنىن دالەلدەۋ ءۇشىن جاردەمدەسۋ قاجەت», دەيدى ديرەكتور زاحيرا بەگاليەۆا.
بەرتىنگە دەيىن مەكەمەدە ءبىرىنشى لەكتە مۇگەدەكتىگى بار 30 ادام وقىتىلدى. قازىرگى كۇنى مەكتەپتە ەكىنشى لەك ءوتىپ, وعان 33 ادام قاتىسىپ جاتىر.
