قارجى • 19 اقپان، 2021

Tengri Bank اق-نى تاراتۋ كوميسسياسىن قۇرۋ تۋرالى

5 رەت كورسەتىلدى

Tengri Bank اق قىزمەتىن ءماجبۇرلى تۇردە توقتاتۋ تۋرالى مامان­دان­دى­رىل­عان اۋدانارالىق ەكونوميكالىق سوتىنىڭ شەشىمى 2021 جىلدىڭ 15 اق­پانىندا زاڭدى كۇشىنە ەندى. ءدال وسى كۇنى قارجى نارىعىن رەتتەۋ جانە دامى­تۋ اگەنتتىگى بانكتىڭ تاراتۋ كوميسسياسىن قۇردى. سوعان سايكەس بانك ىس­تەرىن باسقارۋ بويىنشا وكىلەتتىك قولدانىستاعى زاڭناما اياسىندا وسى كو­ميسسياعا بەرىلەدى.

 

تاراتۋ كوميسسياسى ون جۇمىس كۇنى بارىسىندا ادىلەت مينيسترلىگىنىڭ رەسمي ءباسپاسوز باسىلىمدارىندا بانكتى ماجبۇرلەپ تاراتۋ تۋرالى قازاق جانە ورىس تىلدەرىندە اقپارات جاريالايدى. وندا تالاپ-ارىزداردى قابىلداۋ ءتارتىبى مەن مەرزىمى جانە مەكەنجايلار مىندەتتى تۇردە كورسەتىلەدى.

قدكبق ەسكە سالادى، Tengri Bank اق-تىڭ سالىمشىلارى – جەكە تۇل­عا­لار مەن دارا كاسىپكەرلەر، كەپىلدىك بەرىلگەن شەكتى سومادان ارتىق دەپوزيت قالدىعىن تولەۋ بويىنشا تالاپتارى بولعان جاعدايدا، وسى تاراتۋ كوميسسياسىنا جۇگىنە الادى.   

تاراتۋ كوميسسياسىنا ءوتىنىش بەرۋ مەرزىمى – باسپاسوزدە Tengri Bank اق-تى ماجبۇرلەپ تاراتۋ تۋرالى حابارلاما جاريالانعان كۇننەن باس­تاپ كەمىندە كۇنتىزبەلىك الپىس كۇندى قۇرايدى. ءوتىنىش ەركىن جازباشا تۇردە Tengri Bank اق تاراتۋ كوميسسياسى ءتورايىمىنىڭ اتىنا (وگاي وكسانا دميتريەۆنا) جىبەرىلەدى.

كرەديتورلاردىڭ تالاپتارىندا:

- ت.ا.ءا.، كرەديتوردىڭ جسن-ى;

- كرەديتوردىڭ پوشتالىق دەرەك­تەمەلەرى، بايلانىس تەلەفوندارى;

- قويىلعان تالاپتارىنىڭ نەگىزى مەن مولشەرىن راستايتىن قۇجاتتاردى قوسا تىركەۋ ارقىلى، نەگىزگى بورىشتىڭ مولشەرى تۋرالى مالىمەتتەر، سىياقى­لار، تۇراقسىزدىق ايىپتارى جانە باسقا دا ايىپپۇل سانكتسيالارى كورسەتىلەدى.

تالاپ قويۋ بارىسىندا كرەديتور جەكە كۋالىگىن ۇسىنادى، ال ونىڭ مۇددەلەرىن باسقا تۇلعالار بىلدىرگەن جاعدايدا – نوتاريۋس كۋالاندىرعان سەنىمحاتتىڭ كوشىرمەسى ۇسىنىلادى.

كرەديتورلاردىڭ كەلىپ تۇسكەن وتىنىشتەرىن تاراتۋ كوميسسياسىنىڭ قارايتىن شەكتى مەرزىمى ءوتىنىش كەلىپ تۇسكەن كۇننەن باستاپ ەكى اپتانى قۇرايدى.

تاراتۋ كوميسسياسىنىڭ فيليالدارى جوق قالالارداعى Tengri Bank اق سالىمشىلارى قازاقستاننىڭ ۇلتتىق بانكىنىڭ اۋماقتىق فيليالدارى مەن قارجى نارىعىن رەتتەۋ جانە دامىتۋ اگەنتتىگىنىڭ وڭىرلىك وكىلدەر باسقارمالارىنا كەلىپ، وتىنىشتەرى مەن ءتيىستى قۇجاتتارىن ۇسىنىپ، تاراتۋ كوميسسياسىنا قۇجاتتاردى قالاي تاپسىرۋ كەرەكتىگى تۋرالى باستاپقى اقىل-كەڭەستى الا الادى.

دەپوزيتتەرىندە كەپىلدىك بەرىلگەن شەكتى سومادان ارتىق اقشالارى بار جانە تاراتۋ كوميسسياسىنا ءوتىنىش بەرگەن سالىمشىلاردىڭ (جەكە تۇلعا­لاردىڭ) تالاپتارى بانكتىڭ اكتيۆتەرى مەن م ۇلىكتەرىن ساتۋدان تۇسكەن اقشا ەسەبىنەن ءتورتىنشى كەزەكپەن وتە­لەدى. كرەديتورلاردىڭ تالاپتارىن قاناعات­تاندىرۋ مەرزىمدەرى تاراتۋ وندىرىسىندە بانكتىڭ اكتيۆتەرى مەن م ۇلىكتەرىنىڭ جەتكىلىكتىلىگىنە جانە ساپاسىنا، سون­داي-اق ولاردى ساتۋ ناتيجەسىنە تىكەلەي تاۋەلدى.

بانكتىڭ قارىز الۋشىلارىنىڭ نازارىنا: Tengri Bank اق-تاعى تاراتۋ ۇدەرىسىنىڭ باستالۋى قارىزگەرلەردىڭ مىندەتتەمەلەرىن توقتاتپايدى. «Tengri Bank» اق-تىڭ بارلىق دەبيتورلىق بەرەشەك تۇرلەرى، ونىڭ ىشىندە جەكە جانە زاڭدى تۇلعالارعا بەرىلگەن قارىزدار بويىنشا تۇراقسىزدىق ايىپتارى مەن سىياقىلار ەسەپتەۋ توقتاتىلمايدى. بارلىق قارىز الۋشىلار قارىز شارتىندا كوزدەلگەن، قارىزدى وتەۋ كەس­تەسىنە سايكەس Tengri Bank اق تارا­تۋ كوميسسياسى فيليالدارىنىڭ كاسسا­لارى نەمەسە Tengri Bank اق-تىڭ بانك شوتىنا قولما-قول اقشاسىز اۋدارۋ ارقىلى قارىزدارىن وتەۋلەرى ءتيىس.

سونىمەن قاتار قدكبق تاعى دا ەسكە سالادى، كەپىلدىك بەرىلگەن وتەمدى ءالى كۇنگە دەيىن الماعان سالىمشىلار، اگەنت بانك رەتىندە تاڭداپ الىنعان ەۋرا­زيالىق بانكتىڭ كەز كەلگەن بولىم­شە­سىنە بارىپ، ءوتىنىش بەرە الادى. اگەنت بانك­تىڭ بارلىق قالالارداعى في­ليال­دارى مەن بولىمشەلەرىنىڭ مەكەنجاي­لا­رى جانە جۇمىس كەستەسى www.eubank.kz رەسمي سايتىندا قولجەتىمدى.

2021 جىلدىڭ 1 اقپانىنداعى جاعداي بويىنشا Tengri Bank اق سالىمشىلارى جالپى سوماسى شامامەن 16،8 ملرد تەڭگە وتەم الدى. بۇل قوردىڭ مىندەتتەمەلەرىنىڭ جالپى سوماسىنىڭ 95 پايىزىن قۇرايدى. بۇل رەتتە كەپىلدى وتەمدى الۋعا بار بولعانى 6،3 مىڭ ادام نەمەسە بارلىق سالىمشىلار سانىنىڭ 17 پايىزى عانا ءوتىنىش بەرگەن.

دەپوزيتتەر بويىنشا كەپىلدىك­تەر جانە كەپىلدىك بەرىلگەن وتەم­دى تولەۋ تۋرالى جالپى اقپارات­تار قوردىڭ www.kdif.kz. سايتىندا قولجەتىمدى. سالىمشىلار اقىل-كەڭەس الۋ ءۇشىن 1460 تەلەفون ءنومىرى، سونداي-اق قدكبق سايتىنداعى چات، @kdif_ask تەلەگرام-چاتى، قوردىڭ Facebook جانە Instagram الەۋمەت­تىك جەلىلەرىندەگى deposit.kz رەسمي پاراقشالارى، سونداي-اق info@kdif.kz ەلەكتروندى پوشتاسى ارقىلى حابار­لاسا الادى.

 

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار