ايماقتار • 18 اقپان، 2021

ورتتەن زارداپ شەككەندەرگە كومەك كورسەتىلۋدە

129 رەت كورسەتىلدى

بۇگىن قىزىلوردا قالاسىندا بولعان ورتتەن زارداپ شەككەن وتباسى مۇشەلەرى اۋرۋحانادان شىققان بويدا دايىن ۋاقىتشا باسپاناعا ورنالاستىرىلادى. بۇل تۋرالى قالا اكىمىنىڭ ورىنباسارى ەلمۇرات راحماتۋللاەۆ قالا اكىمدىگىندە وتكەن بريفينگتە حابارلادى، دەپ حابارلايدى Egemen.kz

«قالا اكىمدىگى وقيعا ورىن العان بويدان شۇعىل ارەكەت جاساپ بارلىق كومەكتەردى قاراستىردى. وتباسى اۋرۋحانادان شىققان بويدان دايىن ۋاقىتشا باسپاناعا ورنالاستىرىلادى. سونىمەن قاتار، قاجەتتى ازىق-ت ۇلىك، توسەك ورىندار، كيىم-كەشەكتەر جانە باسقا دا قاجەتتى قۇرالدارمەن قامتاماسىز ەتىلەدى»، دەدى ەلمۇرات راحماتۋللاەۆ

بريفينگ بارىسىندا وبلىستىق دەنساۋلىق ساقتاۋ باسقارماسىنىڭ وكىلى ءبيبىزادا دۇيسەنباەۆا قازىرگى تاڭدا وتباسى مۇشەلەرىنىڭ جاعدايى قاناعاتتانارلىق دەڭگەيدە ەكەندىگىن مالىمدەدى.  

ال قالالىق توتەنشە جاعدايلار باسقارماسىنىڭ باستىعى جاسۇلان تۇيمەنوۆ: «قازىرگى تاڭدا ساراپتاما تاعايىندالىپ، ءورتتىڭ شىعۋ سەبەبى انىقتالۋدا. بولجام بويىنشا ءورت توقتىڭ قىسقا تۇيىقتالۋى نەمەسە اشىق وتتى پايدالانۋدان بولۋى مۇمكىن»، دەدى.

ايتا كەتەيىك، وتكەن ءتۇنى جەدەل قۇتقارۋ قىزمەتىنە ساعات 00:50 شاماسىندا ءال-فارابي مولتەك اۋدانىندا ورنالاسقان جەكە تۇرعىن ۇيدەن ءورت ورىن العانى تۋرالى حابارلاما كەلىپ تۇسكەن. اتالعان مەكەنجايعا شۇعىل جەتكەن  ءورت سوندىرۋشىلەر تۇنگى ساعات 01:23-تە جالىندى تولىعىمەن وقشاۋلاپ، وشىرگەن. الايدا ورىن العان وقىس وقيعا سالدارىنان وتباسىنىڭ 4 بالا مەن ولاردىڭ اناسى كومىر قىشقىل گازىنا ۋلانىپ، اۋرۋحاناعا تۇسسە، ءتىلسىز جاۋ 2020 جىلى دۇنيەگە كەلگەن ءبۇلدىرشىننىڭ ءومىرىن قيدى.

 

سوڭعى جاڭالىقتار

ۇقساس جاڭالىقتار