«قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنا وزگەرىستەر ەنگىزىلەدى. اتاپ ايتقاندا, «اباي ينستيتۋتى» اتتى قازاقستاندا جانە شەتەلدەردە قازاق ءتىلىن ۇيرەتۋ جانە ىلگەرىلەتۋ باعدارلاماسىن جەتىلدىرىپ, قولدانىس اياسىن كەڭەيتۋ جوسپارلانعان. ودان بولەك قازاق ءتىلى ۇلتتىق كورپۋسىنىڭ پۋبليتسيستيكالىق ماتىندەرىنىڭ كىشى كورپۋسىن ازىرلەۋ جۇمىستارى جۇرگىزىلەدى», دەدى ول.
سونداي-اق قازاقستان رەسپۋبليكاسى ازاماتتارىنىڭ اتى-جوندەرىن لاتىن نەگىزدى الىپبيمەن جازۋ ەرەجەلەرى ازىرلەنبەك.
«قازاقستان رەسپۋبليكاسىنىڭ اۋماعىنداعى گەوگرافيالىق نىسانداردىڭ جانە ولاردىڭ قۇرامداس بولىكتەرىنىڭ اتاۋى لاتىن گرافيكاسى نەگىزىندە ستاندارتتالادى. سونداي-اق, قازاق ءتىلىن عىلىم تىلىنە اينالدىرۋعا باعىتتالعان عىلىمي-لينگۆيستيكالىق بازا قۇرۋ كوزدەلگەن», دەدى ۆيتسە-مينيستر.
