ايماقتار • 18 اقپان، 2021

ەلوردانىڭ اۋلا كلۋبتارى قالاي جۇمىس ىستەيدى

8 رەت كورسەتىلدى

بۇگىندە نۇر-سۇلتاندا 23 اۋلا كلۋبى جۇمىس ىستەيدى، وندا 28 سپورت سەكتسياسى جانە 21 شىعارماشىلىق ۇيىرمە بار، دەپ حابارلايدى ەلوردا اكىمدىگىنىڭ رەسمي سايتى.

سوڭعى 6 جىلدا ەلورداداعى اۋلا كلۋبتارىنىڭ سانى 6-دان 23-كە، ال تاربيەلەنۋشىلەرىنىڭ سانى 300-دەن 2 700-گە دەيىن ءوستى. سپورت سەكتسيالارىنىڭ ءتۇرى 6-دان 28-گە دەيىن، سونداي-اق شىعارماشىلىق ۇيىرمەلەردىڭ ءتۇرى 5-تەن 21-گە دەيىن ءوستى.

قازىرگى ۋاقىتتا تاربيەلەنۋشىلەرگە حورەوگرافيا، بەينەلەۋ ونەرى، مۋزىكا، ساندىك-قولدانبالى ونەر، ەركىن كۇرەس، ۆوكال، كاراتە، بوكس، فيتنەس، شاحمات، لەزگينكا، گرەك-ريم كۇرەسى، دزيۋدو، قويان-قولتىق ۇرىس، مودەلدەۋ جانە باسقا دا دارىستەردى مەڭگەرۋى ءۇشىن بارلىق جاعداي جاسالعان.

اۋلا كلۋبتارى قالانىڭ بارلىق 4 اۋدانىندا جۇمىس ىستەيدى: الماتى اۋدانىندا – 10، بايقوڭىر اۋدانىندا – 8، سارىارقا اۋدانىندا – 3، ەسىل اۋدانىندا – 2. ال 2023 جىلعا دەيىن قالانىڭ تۇرعىن ءۇي ماسسيۆتەرىندە جانە شالعاي اۋداندارىندا وسىنداي 9 مەكەمە اشۋ جوسپارلانىپ وتىر. وسىلايشا بالالاردىڭ كوبى سپورتتىق سەكتسيالارعا تەگىن بارىپ، شىعارماشىلىقپەن اينالىسۋىنا جانە ۋاقىتتارىن قىزىقتى وتكىزۋىنە مۇمكىندىك الادى.

ايتا كەتۋ كەرەك، اۋلا كلۋبتارىنىڭ تاربيەلەنۋشىلەرى قالالىق قانا ەمەس، رەسپۋبليكالىق، سونداي-اق حالىقارالىق دەڭگەيدەگى سپورتتىق ءىس-شارالارعا بەلسەندى قاتىسادى.

ماسەلەن، 2019 جىلدىڭ وزىندە ولار ءتۇرلى جارىستاردان 40 التىن، 56 كۇمىس جانە 44 قولا جۇلدە اكەلدى.

تاربيەلەنۋشىلەر قىرعىزستان، وزبەكستان، رەسەي، ۆەنگريا، يتاليا جانە قازاقستاننىڭ الماتى، اقتوبە، پاۆلودار، كوكشەتاۋ، بالقاش سەكىلدى ءتۇرلى قالالارىندا وتكەن سايىستاردىڭ جۇلدەگەرى اتاندى.

تولىق مالىمەت الۋ ءۇشىن 8 (747) 190 9693 نومىرىنە حابارلاسۋعا نەمەسە Instagram جەلىسىندەگى ns_aula جانە astana_jastary پاراقشاسىنان بىلۋگە بولادى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار