كەزدەسۋ قازاقستانداعى پارلامەنتتىك سايلاۋدىڭ قورىتىندىلارىن جانە ساياسي رەفورمالاردىڭ بارىسىن تالقىلاۋعا, سونداي-اق قازاقستان-ازەربايجان ىنتىماقتاستىعىنىڭ كەلەشەگى تۋرالى پىكىر الماسۋعا ارنالدى.
پارلامەنتتىك سايلاۋدى قورىتىندىلاي كەلە, ەلشى كەزدەسۋگە قاتىسۋشىلاردى قازاقستاندا كەزەڭ-كەزەڭىمەن جۇرگىزىلىپ جاتقان ساياسي رەفورمالار تۋرالى, ونىڭ ىشىندە كوپپارتيالىقتى دامىتۋ, ايەلدەر مەن جاستاردى ەل ساياساتىن قالىپتاستىرۋعا تارتۋ, پارلامەنتتىك وپپوزيتسيا ۇعىمىن زاڭنامالىق رەسىمدەۋ, اۋىل اكىمدەرىن سايلاۋ جونىندەگى شارالار تۋرالى حاباردار ەتتى. پرەزيدەنت قاسىم-جومارت توقاەۆ ەلباسىنىڭ ستراتەگيالىق باعىتىن جالعاستىرا وتىرىپ, تاۋەلسىزدىكتىڭ 30 جىلدىعىندا «حالىق ۇنىنە قۇلاق اساتىن مەملەكەت» تۇجىرىمداماسى اياسىندا ودان ءارى دەموكراتيالاندىرۋعا جانە ازاماتتىق قوعاممەن ءوزارا ءىس-قيمىل جاساۋعا باعىتتالعان جاڭا رەفورمالارعا باستاماشى بولعانى جانە جالعاستىرىپ كەلە جاتقانى اتاپ ءوتىلدى.
پرەزيدەنت VII شاقىرىلىمداعى پارلامەنتتىڭ ءبىرىنشى سەسسياسىنىڭ اشىلۋىندا ۇسىنعان جاڭا باستامالارى تۋرالى ايتا كەلە, وتاندىق ديپلومات ولاردىڭ قازاقستاننىڭ ساياسي جۇيەسىن ودان ءارى ينستيتۋتسيونالدىق دامىتۋ جانە ادام قۇقىقتارىن قورعاۋ تەتىكتەرىن جەتىلدىرۋ تۇرعىسىنان ەرەكشە مانگە يە ەكەنىن اتاپ ءوتتى.
س.ابدىكارىموۆ قازاقستاندا جۇرگىزىلىپ جاتقان رەفورمالار ادامداردىڭ قوعامداعى الەۋەتىن دايەكتى تۇردە اشۋعا باعىتتالعانىن جانە ولاردى تاياۋداعى ون جىلدا تابىستى ىسكە اسىرعان كەزدە قازاقستان ەلدىڭ جاڭا بەينەسى مەن ۇلتتىڭ جاڭاشا بىرەگەيلىگىن قالىپتاستىراتىنىن اتاپ ءوتتى.
ءوز كەزەگىندە ازەربايجان دەپۋتاتتارى مەن ساراپشىلارى قازاقستاندا جۇرگىزىلىپ جاتقان رەفورمالارعا جوعارى باعا بەردى. ساياسي پارتيالار اراسىنداعى باسەكەلەستىك ءۇشىن جاعداي جاساۋ, ازاماتتىق قوعامدى ونلاين-پەتيتسيالار ارقىلى شەشىمدەر قابىلداۋعا تارتۋ, مەملەكەتتىك باسقارۋدى جاڭعىرتۋ, سونداي-اق قازاقستاندا ادام قۇقىقتارىن قورعاۋ جونىندەگى ومبۋدسمەن ينستيتۋتىن دامىتۋ سياقتى يدەيالار ولاردىڭ قىزىعۋشىلىعىن تۋدىردى.
قازاقستان-ازەربايجان ىنتىماقتاستىعىنىڭ وزەكتى ماسەلەلەرىن تالقىلاي وتىرىپ, كەزدەسۋگە قاتىسۋشىلار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ءوزارا ءتيىمدى ىنتىماقتاستىقتى ودان ءارى نىعايتۋدى جاقتايتىندىقتارىن راستادى.
